باب : جگہ کا بیان - مرآۃ المناجیح شرح مشکوٰۃ المصابیح - حدیث نمبر: 1113

۱∞؎آپ مشہور صحابی ہیں،آپ کا نام حرمن تھا،حضور انور صلی الله علیہ وسلم نے سہل رکھا،کنیت ابوالعباس، حضور صلی الله علیہ وسلم کی وفات کے وقت آپ پندرہ سال کے تھے،آپ کی وفات مدینہ منورہ میں۹۱ھ ∞ میں ہوئی،آپ مدینہ کے آخری صحابی ہیں۔
۲؎بنانے والے کا نام یعقوم رومی ہے یا سیموں رومی اور ان بی بی کا نام عائشہ انصار یہ ہے،یعقوم لکڑی کے کاری گر تھے، حضور صلی الله علیہ وسلم نے انصار یہ سے خود فرمایا تھا کہ اپنے غلام سے منبر بنوا دو کیونکہ مسلمان زیادہ ہوچکے تھے اس سے پہلے حضور انور صلی الله علیہ وسلم ستون حنانہ سے ٹیک لگا کر خطبہ پڑھا کرتے تھے،اس منبر کی تین سیڑھیاں تھیں ہر سیڑھی کی بلندی ایک بالشت لمبائی ایک ہاتھ تھی۔ (ازمرقاۃ واشعۃ)
۳؎یعنی آپ کا قیام و رکوع منبر پر ہوا اور سجدہ زمین پر کیونکہ جمعہ میں دیہات سے بھی مسلمان آتے تھے،انہیں نماز سکھانے کے لیے حضور صلی الله علیہ وسلم اونچے کھڑے ہوئے،اب کسی امام کو اس طرح نماز پڑھانی جائز نہیں،یہ حضور صلی الله علیہ وسلم کی خصوصیات میں سے ہے۔اس سے معلوم ہوا کہ صحابہ کرام بحالت نماز حضور صلی الله علیہ وسلم کو دیکھا کرتے تھے اور حضور صلی الله علیہ وسلم سے نماز سیکھا کرتے تھے،ہم سجدہ گاہ کو دیکھیں وہ قبلہ گاہ کو دیکھتے تھے۔
۴؎بلکہ منبر بھی اسی لیے بنایا گیا اگرتَعَلَّملام کی شد سے ہو تو معنی ہوں گے تم نماز سیکھ لو،غالب یہ ہے کہ حضور صلی الله علیہ وسلم نے منبر کی تیسری سیڑھی پر نماز پڑھی،پھر رکوع کے بعد مسلسل تین قدم سے اترے مصلے پر پہنچے، پھر سجدہ کے بعد مسلسل قدموں سے منبر پر پہنچے، ہمارے واسطے یہ اعمال مفسد نماز ہیں،لہذا یہ حضور صلی الله علیہ وسلم کی خصوصیات میں سے ہے۔