اُمید کا بیان - فیضان ریاض الصالحین - حدیث نمبر: 438

حدیث کی باب سے مناسبت :حدیث مذکور میں اس بات کا ذکر ہوا کہ جب مسلمان وضو کرتا ہے تو اس کے گناہ جھڑتے ہیں ، جب منہ دھوتا ہے تو منہ کے گناہ جھڑتے ہیں ، ہاتھ دھوتا ہے تو ہاتھوں کے ، سر کا مسح کرتا ہے تو سر کے اور جب پیر دھوتا ہے تو پیروں کے گناہ جھڑ جاتے ہیں ۔ اس حدیث میں رحمتِ الٰہی کا بیان ہے کہ وضو کرنے والے پراللہ عَزَّوَجَلَّکی ایسی رحمت ہوتی ہے کہ اُس کے اعضائے وضو کے گناہ جھڑجاتے ہیں ۔ مسلمان گناہوں کی دلدل میں پھنس جائے اور پھر اپنے ربّ کی بارگاہ میں حاضری کے لیے وضو کرے تو وہ گناہوں کی نجاست سے پاک و صاف ہوجاتا ہے ، اسی لیے علامہ نوویعَلَیْہِ رَحْمَۃُ اللہِ الْقَوِینے اس حدیث کو باب الرجا میں ذکر کیا ۔
¥حضورصَلَّی اللہُ تَعَالٰی عَلَیْہِ وَاٰلِہٖ وَسَلَّمکی حکمت عملی :جب حضرت سَیِّدُنَاعَمرو بن عبسہرَضِیَ اللہُ تَعَالٰی عَنْہُنے حضور نبی رحمت شفیع اُمَّتصَلَّی اللہُ تَعَالٰی عَلَیْہِ وَاٰلِہٖ وَسَلَّمسے اپنے ایمان لانے کا ذکر کیا تو آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے اُن سے فرمایا کہ ابھی تم اپنے گھر چلے جاؤ ، ابھی تم ہماری اتباع نہیں کرسکتے ۔ اس سے ایسا لگتا ہے جیسے آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے انہیں ایمان لانے سے منع کردیا؟ تو اس کا جواب یہ ہے کہ حضورصَلَّی اللہُ تَعَالٰی عَلَیْہِ وَاٰلِہٖ وَسَلَّمنے انہیں ایمان لانے سے منع نہیں فرمایا ، ایمان تو وہ لاچکے تھے بلکہ ایمان ظاہر کرنے سے منع فرمایا تھا کہ ابھی حالات صحیح نہیں ہیں ، اگر تم اپنا ایمان ظاہر کروگے تو کفار تمہیں بھی ایذا پہنچائیں گے جس طرح ہمیں تکلیف پہنچا رہے ہیں ۔ چنانچہعَلَّامَہ نَوَوِیعَلَیْہِ رَحْمَۃُ اللّٰہِ الْقَوِیفرماتے ہیں : ” حضرت سَیِّدُنَاعَمرو بن عبسہرَضِیَ اللہُ تَعَالٰی عَنْہُکے قول کا مطلب یہ ہے کہ میں اپنے ایمان کے اظہار کے لیے آپ کی اتباع کرنا چاہتا ہوں اور آپ کے ساتھ رہنا چاہتا ہوں تو آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے فرمایا کہ ابھی تم اس کی طاقت نہیں رکھتے کیوں کہ ابھی مسلمان کمزور ہیں اور مجھے تم پر خوف ہے کہ کفارِ قریش تمہیں تکلیف دیں گے ۔ ( لہذا ابھی اپنا ایمان ظاہر نہ کرو ) لیکن ہاں اس کا ثواب تمہیں مل چکا پس اب تم اپنے اسلام پر ثابت قدم رہو اور اپنے گھر لوٹ جاؤ ۔ فرمایا : ” جب تمہیں پتہ چلے کہ مجھے غلبہ حاصل ہوگیا ہے تو تم میرے پاس آجانا ۔ “ اس میں معجزۂ نبوی کا اظہار ہے کہ حضور نبی اکرم ، نورِمُجَسَّمصَلَّی اللہُ تَعَالٰی عَلَیْہِ وَاٰلِہٖ وَسَلَّمکو معلوم تھا کہ آپ کو غلبہ حاصل ہوگااور آپ نے اپنے غلبے کی خبر پہلے ہی دے دی ۔ ‘‘ ( )کلمہ پڑھانے میں تاخیر کرنا گناہ :واضح رہے کہ جب کوئی شخص ایمان لانا چاہے تو اُسے فوراً کلمہ پڑھاکر دائرہ اسلام میں داخل کرنا ضروری ہے ، اس میں دیر کرنا کبیرہ گناہ ہے ۔ بلکہ علمائے کرامرَحِمَہُمُ اللہُ السَّلَامنے تو تاخیر کرنے والے کی تکفیر فرمائی ہے ۔ چنانچہ اعلیٰ حضرت امامِ اہلسنت امام احمد رضا خانعَلَیْہِ رَحْمَۃُ الرَّحْمٰنفرماتے ہیں : ’’جو کافر تلقین اسلام چاہے اسے تلقین فرض ہے اور اس میں دیر لگانا اشد کبیرہ بلکہ اس میں تاخیر کو علماء نے کفر لکھا ۔ ‘‘ ( )
¥کسی کافر کو مسلمان کرنے کا آسان طریقہ :میٹھے میٹھے اسلامی بھائیو ! زہے نصیب اگر کوئی غیر مسلم کافر اپنے سابقہ کفریہ مذہب سے توبہ کرکے اسلام قبول کرنے کی خواہش ظاہر کرے تو اسے کیسے باآسانی مسلمان کیا جائے ؟ اس کو مسلمان کرنے کا کیا طریقہ ہے ؟ شیخ طریقت امیراہلسنت بانی دعوتِ اسلامی حضرت علامہ مولانا ابوبلال محمد الیاس عطارقادری رضوی ضیائیدَامَتْ بَرَکَاتُہُمُ الْعَالِیَہکے دو 2مدنی مذاکروں ( مدنی مذاکرہ نمبر9 ، مدنی مذاکرہ نمبر28 ) میں اس اہم مسئلے سے متعلق آپ سے ہونے والے چند سوالات اور ان کے جوابات پیش خدمت ہیں :
( 1 ) سوال : کسی کے پاس کوئی کافر آیا اور کہنے لگا کہ مجھے مسلمان ہونا ہے ، تو وہ اس کو محلے کی مسجد
 
کے امام صاحب کے پاس لے گیا ، اس امام صاحب نے توبہ وغیرہ کروا کر اسے مسلمان کیا ، اب جو اسے امام صاحب کے پاس لے گیا اس کے لیے کیا حکم ہے ؟
جواب : جس وقت اس کافر نے مسلمان ہونے کے لیے کہا تھا ، اس پر لازم تھا کہ فوراً اسے اس کے باطل مذہب سے توبہ کروا کر کلمہ پڑھا کر مسلمان کرتا ۔ پھر بے شک اسے اسلام کی تفصیلی معلومات مہیا کرنے کے لیے عالِم دین کی خدمت میں حاضر کرتا ۔ اسے عالِم کے پاس لے جانے میں جس قدر تاخیر کی اتنی دیر کا اس لے جانے والے کے ذمہ میں کفر پر راضی رہنے کا الزام ہے ۔ لہٰذا عالِم کے پاس لے جانے والا بھی توبہ اور تجدید ایمان اور تجدید نکاح کرے ۔ جب بھی کوئی آپ کے پاس آجائے کہ مجھے مسلمان کرلو میں عیسائی ہوں ۔ تو اس کو فوراً مسلمان کرلینا چاہیے ۔
( 2 ) سوال : اگر کوئی شخص خود آکر اپنے آپ کو پیش کرے کہ میں مسلمان ہونا چاہتا ہوں تو اسے کس طرح مسلمان کیا جائے ؟
جواب : اب ایک لمحہ کی بھی تاخیرنہ کی جائے ، جیسا کہ بعض لوگ کہتے ہیں امام صاحب کی طرف چلو ، بعض اوقات امام صاحب بولتے ہیں : غسل کرکے آجاؤ ، جمعہ کے دن آجاؤ ۔نَعُوْذُبِااللہبہت بڑا رِسک ( آزمائش وخطرہ ) ہے ۔ ایک لمحہ کے لیے بھی اس کے ساتھ اس طرح کی بات کرنا کہ اتنے لمحہ بھلے کفر میں رہے ۔نَعُوْذُبِااللہبلکہ اگر آپ کے پاس کوئی آگیا ، مثلاً یہودی آگیا اوربولے کہ مجھے مسلمان ہونا ہے تو آپ اس سے یہ کہیے کہ : ’’ کہو ! میں یہودی مذہب سے توبہ کرتا ہوں ۔ ‘‘ وہ یہ دہرا دے ، توبہ کرے ، اس طرح پھر آپ اُس کو کلمہ پڑھائیں ، کلمے کا ترجمہ بھی کروادیں ، اس طرح مسلمان کریں ۔ پھر بے شک علماء کی بارگاہ میں اس کو پیش کریں تاکہ مزید عقائد کی اس کو تعلیم دی جائے ۔ لیکن کلمہ پڑھانے کے لیے کسی عالِم کے پاس لے جانے کی ضرورت نہیں ہے ۔
( 3 ) سوال : اگر کوئی کافر کسی مسلمان سے کہے کہ فلاں عالِم صاحب کے پاس لے چلو ، مجھے ان کے ہاتھ پر اسلام قبول کرنا ہے ، اگر وہ مسلمان ان عالِم صاحب کے پاس لے جائے تو کیا اب بھی اس مسلمان کے لیے حکم کفر ہے ؟
جواب : نہیں ! اس صورت میں اس مسلمان پر حکم کفر نہیں‘ ظاہر ہے وہ خود کہہ رہا ہے کہ میں تو اس
 
عالِم کے ہاتھ پر مسلمان ہوں گا ۔ اب اس کا قصور نہیں ہے ۔
( 4 ) سوال : کسی کافر کو مسلمان کرنے کا آسان طریقہ ارشا دفرمایئے ؟
جواب : کافر کو مسلمان کرنے کے لیے پہلے اس سے پچھلے تمام عقائدِ باطلہ سے توبہ کروالی جائے مثلاً مسلمان ہونے کا خواہش مند عیسائی آیا ۔ تو اس سے کہیے کہ : کہو ! میں عیسائی مذہب سے توبہ کرتا ہوں ۔ جب وہ یہ کہہ لے تو پھر اس سے کلِمۂ طیبہ یا کلِمۂ شہادت پڑھائیں ، اگر وہ عربی میں نہیں پڑھ سکتا تو جو بھی زبان وہ سمجھتا ہے اسی زبان میں اس سے شہادتین باآواز پڑھوالیا جائے ۔ یعنی وہ کہہ دے کہاللہ عَزَّ وَجَلَّکے سوا کوئی بھی عبادت کے لائق نہیں محمدصَلَّی اللہُ تَعَالٰی عَلَیْہِ وَاٰلِہٖ وَسَلَّماللہ عَزَّ وَجَلَّکے رسول ہیں ، اس طرح سے وہ شخص مسلمان ہوجائے گا ۔
( 5 ) سوال : اگر کافر کو اسلام کا جذبہ ملا اور اس نے دل ہی دل میں طے کرلیا کہ میں آج سے مسلمان ہوں یا یہ یہی الفاظ زبان سے کہہ لیے تو کیا حکم ہے ؟ کیا سابقہ مذہب سے توبہ کرکے کلمہ پڑھنا شرط ہے ؟
جواب : سابقہ مذہب سے توبہ کرکے کلمہ پڑھنا شرط نہیں ، اس کا اپنے آ پ کو مسلمان کہنا ہی سابقہ مذہب سے توبہ بھی ہے ۔ صحابہ کرامعَلَیْہِمُ الرِّضْوَانکے قبول اسلام کے واقعات میں عموماً ایسا ہی ہوتا تھا کہ وہ توبہ کے الفاظ ادا کیے بغیر کلمہ شہادت پڑھ کر د امن مصطفےصَلَّی اللہُ تَعَالٰی عَلَیْہِ وَاٰلِہٖ وَسَلَّمسے وابستہ ہوجاتے تھے ۔ سابقہ مذہب سے توبہ کے الفاظ ادا کیے بغیر کلمہ پڑھنا ایمان کے لیے کافی ہے ۔ البتہ جہاں احتمال یعنی شک ہو وہاں سابقہ مذہب سے بیزاری کا اظہار ضروری ہوتا ہے ۔ چنانچہ حضرت مولانا نعیم الدین مراد آبادیعَلَیْہِ رَحْمَۃُ اللہِ الْہَادِیسورۃ النساء کی آیت نمبر ۹۴ کی تفسیر بیان کرتے ہوئے ارشاد فرماتے ہیں : ’’اکثر فقہائے کرام نے فرمایا کہ اگر یہودی یا نصرانی یہ کہے کہ میں مؤمن ہوں تو اس کو مؤمن نہ مانا جائے کیونکہ وہ اپنے عقیدہ یعنی نصرانی مذہب کو ہی ایمان کہتا ہے اور اگرلَا اِلٰہَ اِلَّا ﷲ مُحَمَّدٌ رَّسُوْلُ ﷲصَلَّی اللہُ تَعَالٰی عَلَیْہِ وَاٰلِہٖ وَسَلَّمکہے جب بھی اس کے مسلمان ہونے کا حکم نہ دیا جائے گا جب تک وہ اپنے دین سے بیزاری اور اس کے باطل ہونے کا اعتراف نہ کرے ۔
¥طلوع و غروب آفتاب کے وقت ممانعت نمازکی وجہ :حدیث پاک میں طلوع آفتاب و غروب آفتاب کے وقت نماز پڑھنے سے منع فرمایا کیونکہ اس وقت سورج شیطان کے دونوں قرن کے درمیان ہوتاہے ۔ قرن عربی میں سینگ کو کہتے ہیں لیکن قرنِ شیطان سے
 
یہاں حدیث میں کیا مراد ہے ؟ اس بارے میں علماء کے اقوال مختلف ہیں ۔ ٭ایک قول یہ ہے کہ اس سے مراد شیطان کا گروہ اور اس کے پیروکار ہیں ۔ ٭ ایک قول یہ ہے کہ اس سے مراد اُس کی قوت ، غلبہ اور اس کا فساد ہے ۔ ٭ ایک قول یہ ہے کہ اس سے مراد شیطان کے سر کا کنارہ ہے ۔ یہی زیادہ ظاہر ہے اور قوی قول ہے اور مطلب یہ ہے اِن اوقات میں شیطان سورج کے محاذی ( برابر ) اپنا سر کر کے کھڑا ہوجاتا ہے تاکہ جو کفار اس وقت سورج کو سجدہ کرتے ہیں وہ شیطان کو سجدہ کرنے والے ہوجائیں ۔ شیطان اور اس کے چیلوں کا تسلط چونکہ ظاہر ہے تو ان اوقات میں نماز سے منع کرنے کی وجہ یہ بھی ہو سکتی ہے کہ شیاطین نمازیوں پر ان کی نماز کو مشتبہ نہ کردیں لہٰذا اس سے بچنے کے لیے ان اوقات میں نماز پڑھنا مکروہ ہے جیسا کہ اُن جگہوں ( یعنی کفار کے عبادت خانوں ) پر نماز پڑھنا مکروہ قرار دیا گیا ہے جو شیطان کے ٹھکانے ہیں ۔ “ ( )حضرتِ علامہ مولانا مفتی محمد امجد علی اعظمیعَلَیْہِ رَحْمَۃُ اللہِ الْقَوِیفرماتے ہیں : ” طلوع و غروب و نصف النہار ان تینوں وقتوں میں کوئی نماز جائز نہیں ، نہ فرض نہ واجب نہ نفل نہ ادا نہ قضا ، یوہیں سجدۂ تلاوت و سجدۂ سہو بھی ناجائز ہے ، البتہ اس روز اگر عصر کی نماز نہیں پڑھی تو اگرچہ آفتاب ڈوبتا ہو پڑھ لے ، مگر اتنی تاخیر کرنا حرام ہے ۔ حدیث میں اس کو منافق کی نماز فرمایا ، طلوع سے مراد آفتاب کا کنارہ ظاہر ہونے سے اس وقت تک ہے کہ اس پر نگاہ خیرہ ہونے لگے جس کی مقدار کنارہ چمکنے سے ۲۰ منٹ تک ہے اور اس وقت سے کہ آفتاب پر نگاہ ٹھہرنے لگے ڈوبنے تک غروب ہے ، یہ وقت بھی۲۰ منٹ ہے ۔ “ ( )
¥رحمتِ الٰہی کی چھماچھم برسات :مذکورہ حدیث پاک میں رحمتِ الٰہی کا بیان ہے کہ جب بندہ وضو کرتا ہے تو اس کے جسم سے گناہ جھڑتے ہیں ۔ چنانچہ وضو کے فضائل اور اس سے گناہوں کے جھڑنے کے متعلق چار فرامین مصطفے ٰصَلَّی اللہُ تَعَالٰی عَلَیْہِ وَاٰلِہٖ وَسَلَّمملاحظہ کیجئے : ( 1 ) ” جنت میں مؤمن کا زیور وہاں تک ہوگا جہاں تک وضو کا پانی پہنچتا ہے ۔ “ ( )
 
( 2 ) ” جب میری اُمَّت کو قیامت کے دن پکارا جائے گا تو وضو کے باعث اُن کی پیشانیاں اور قدم چمکتے ہوں گے ، لہٰذا تم میں سے جو اپنی چمک میں اضافہ کرسکتا ہے اُسے چاہیے کہ اُس میں اضافہ کرے ۔ “ ( ) (3 ) ” جو شخص نماز کا اِرادہ کرتے ہوئے وضو کرنے کے لیے آتا ہے ، پھر اپنی ہتھیلیاں دھوتاہے توپہلا قطرہ ٹپکتے ہی اس کی ہتھیلیوں کے گناہ جَھڑ جاتے ہیں ، جب وہ کلی کرتاہے اور ناک میں پانی چڑھا تاہے اور ناک صاف کرتاہے تو پہلاقطرہ ٹپکتے ہی اس کی زبان اور ہو نٹوں کے تمام گناہ جھڑ جاتے ہیں ، پھر جب وہ اپنا منہ دھوتاہے تو اُس کی آنکھ اور کان کے تمام گناہ پہلا قطرہ ٹپکتے ہی جھڑ جاتے ہیں اور جب وہ كہنیوں سمیت ہاتھ اورٹخنوں سمیت پاؤں دھوتاہے تو ہرگناہ سے سلامتی ( یعنی پاکی ) حاصل کر لیتا ہے اور اس حال میں نکلتاہے جیسا اس دن تھا جس دن اس کی ماں نے اسے جنا تھا ، پھر جب وہ نماز کے لئے کھڑا ہوتا ہے تواللہ عَزَّوَجَلَّاُس کا درجہ بلند فرما دیتاہے اور اگر بیٹھ جائے تو سلامتی کے ساتھ بیٹھتاہے ۔ “() ( 4 ) ” جس نے کامل طریقے سے وضو کیا اور اپنے دونوں ہاتھ اور چہرہ دھویا اور اپنے سر اور کا نوں کا مسح کیا ، پھر فرض نَماز کے لئے کھڑا ہوا تواُس کے قدم اُس دن میں جس برائی کی طرف چلے اوراُس کے ہاتھوں نے جو ( ناجائز ) لیا اور اس کے کانوں نے جو سنا ، اُس کی آنکھوں نے جو دیکھا اور جو اُس نے بُری گفتگو کی ، سب معاف کردئیے جائیں گے ۔ “ ( )
دے شوقِ تلاوت دے ذوقِ عبادت ……… رہوں باوضو میں سدا یاالٰہیمدنی گلدستہ
’’جنتِ بقیع ‘‘ کے 7حروف کی نسبت سے حدیثِ مذکور اور
اس کی وضاحت سے ملنے والے 7مدنی پھول
(1)حضور نبی رحمت ، شفیع اُمَّتصَلَّی اللہُ تَعَالٰی عَلَیْہِ وَاٰلِہٖ وَسَلَّمنے بہت ہی زبردست حکمتِ عملی کے ساتھ اسلام کی دعوت کاآغاز فرمایا ، ابتدائے اسلام میں چونکہ مسلمان کمزور تھے اس وقت آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے بعض لوگوں کو اپنا ایمان ظاہر کرنے سے منع فرمایا ۔
(2) حکمت عملی اختیار کرنا سنت ہے ، لہٰذاہمیں بھی نیکی کی دعوت کا کام حکمتِ عملی سے کرنا چاہیے ۔
(3) اگر کوئی غیر مسلم اسلام قبول کرنا چاہے تو بلا تاخیر اُسے فوراً کلمہ پڑھا کر دائرہ اسلام میں داخل کرلینا چاہیے ، بعداَزاں اسے شرعی اَحکامات سکھانے کی ترکیب بنائی جائے ۔
(4) طلوع ِ آفتاب اور غروبِ آفتاب کے وقت نماز پڑھنا منع ہے سوائے اس دن کی عصر کے ۔
(5) وضو کرنے میں جلد بازی نہیں کرنی چاہیے ، اِطمینان کے ساتھ کامل طریقے سے وضو کرنا چاہیے ۔
(6) وضو کرتے ہوئے جو جو اعضائے وضو دھوئے جائیں ان تمام کے گناہ جھڑ جاتے ہیں ۔(7) ∞ بروز ِقیامت اعضائے وضو چمکتے ہوں گے تو جو جتنا زیادہ وضو کرے گا اس کی چمک اتنی زیادہ ہوگی ۔اللہ عَزَّ وَجَلَّسے دعا ہے کہ وہ ہمیں ایمان پر استقامت عطافرمائے ، ہمیں حکمت عملی سے کام لینے کی توفیق عطا فرمائے ، ہر دم باوضو رہنے اور پانچوں نمازیں باجماعت ادا کرنے کی توفیق عطا فرمائے ۔صَلُّوْا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد