باب:شب بیداری کی فضیلت کا بیان - فیضان ریاض الصالحین - حدیث نمبر: 1182

فضلِ خدا وندی :اِمَام قَاضِی اَبُو الْفَضْل عِیَاض عَلَیْہِ رَحْمَۃُ اﷲ الْوَہَّابفرماتے ہیں:یہ محض فضلِ خداوندی ہےکہ وہ اسے پورا ثواب عطا فرماتا ہے ۔یہ حدیث اس بات کی دلیل ہے کہ رات کے نوافل ووظائف دن کے مقابلے میں زیادہ فضیلت رکھتے ہیں کیونکہ رات کے وقت نیند کی قربانی دینی پڑتی ہے ۔ حضرت سَیِّدُنَا امام مالکعَلَیْہِ رَحْمَۃُ اﷲ الْخَالِقاپنی کتاب”مُوطا“میں حدیث ذکر کرتے ہیں کہ” جو شخص رات میں نماز پڑھنے کا عادی ہو پھراس پر نیند کا غلبہ ہو اور وہ اپنی رات کی نماز پڑھے بغیر سو جائےتو اس کے لئے اس کی نماز کا ثواب لکھا جاتا ہے اور اس کی نیند اس کے لئے صدقہ ہے۔“یہاﷲتعالیٰ کا کمال درجے کا فضل ہے اور بندے کی نیت کا صلہ ہے اوریہ فضیلت اس کے لئے ہے جس کی رات میں عبادت کرنے کی عادت ہو۔ حدیث کے ظاہر سے یہ معلوم ہوتا ہے کہ اسے پورا ثواب ملے گا جیسا کہ نماز پڑھنے پر ملتا ہےکیونکہاﷲ عَزَّ وَجَلَّنے(اس پر نیند غالب فرماکر) اسے اس فعل سے روکا ہے۔دن اوررات ایک دوسرےکےخلیفہ ہیں:مُفَسِّرِشہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں : بعض علماء نے فرمایا کہ اگر تہجد رہ گئی ہو تو دوپہر سے پہلے اُتنے نفل پڑھ لے تواِنْ شَآءَ اﷲتہجد کا ثواب مل جائے گا ۔ اس کی وجہ یہ ہے کہ رات کا خلیفہ دن ہے۔ربّ تعالیٰ فرماتاہے:﴿جَعَلَ الَّیْلَ وَ النَّهَارَ خِلْفَةً﴾(پ۱۹، الفرقان:۶۲)(ترجمۂ کنزالایمان:جس نے رات اور دن کی بدلی رکھی۔) لہٰذا رات کے اعمال دن میں ہوسکتے ہیں۔نیزدن کے اول حصہ پر رات کے بعض احکام جاری ہیں اسی لیے نفل اور رمضان کے روزے کی نیت ضحوۂ کبریٰ سے پہلے ہوسکتی ہے گویا اس نے رات سے ہی نیت کی اسی طرح اگر دن کا وظیفہ رہ جائے تو رات میں ادا کرلے کیونکہ دن کا خلیفہ رات ہے۔مدنی گلدستہ’’تہجد‘‘کے4حروف کی نسبت سے مذکورہ اَحادیث اور ان کی وضاحت سے ملنے والے 4مدنی پھول
(1) جو نمازِ تہجد کے لئے اٹھے تو نیند کے اثر کو زائل کرنے اور کامل توجہ پیدا کرنے کے لئے پہلے دو رکعت تحیۃ الوضو ادا کرے پھر تہجد کی نماز پڑھے۔
(2)اﷲ عَزَّ وَجَلَّاپنےبندوں کوان کےعمل سے زیادہ اَجر عطافرماتاہے۔
(3) ممکن ہوتورات کےوقت عبادت کی کثرت کرنی چاہیے کیونکہ رات کی عبادت دن کے مقابلے میں زیادہ فضیلت والی ہے۔
(4) پابندی سےتہجدپڑھنےوالا اگرکسی روزتہجدادانہ کرسکےتودوپہرہونےسےپہلےاتنی تعداد میں نوافل پڑھ لےاِنْ شَآءَ اﷲ عَزَّ وَجَلَّتہجد کاثواب پائےگا۔اﷲ عَزَّ وَجَلَّہمیں پابندی کے ساتھ ذِکرواَذکاراورشب بیداری کرنے کی توفیق عطا فرمائے ۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد