باب:شب بیداری کی فضیلت کا بیان - فیضان ریاض الصالحین - حدیث نمبر: 1161

میٹھے میٹھے اسلامی بھائیو!مذکورہ حدیث پاک میں نمازِ تہجد کی عظمت و فضیلت کو بیان کیا گیا ہے کہ اس نماز کے لئے نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمبذاتِ خود اپنی شہزادی حضرت فاطمۃ الزَہرارَضِیَ اﷲ تَعَالٰی عَنْہَااور حضرت علیرَضِیَ اﷲ تَعَالٰی عَنْہُکو جگانے اُن کے گھر تشریف لے گئے۔عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اﷲ الْقَوِیفرماتے ہیں:’’اگر اس نماز کی فضیلت نہ ہوتی تو حضور نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّماپنی بیٹی اورحضرت علیرَضِیَ اﷲ تَعَالٰی عَنْہُکو اس وقت بیدار نہ کرتے جو وقت مخلوق کے سکون کے لئے بنایا گیا ہے لیکن آپصَلَّی اﷲ تَعَالٰی عَلَیْہِ وَاٰلِہٖ وَسَلَّمنےان کے لئے اُس فضیلت کو اِس آرام و سکون پر ترجیح دی ۔‘‘