باب:شب بیداری کی فضیلت کا بیان - فیضان ریاض الصالحین - حدیث نمبر: 1162

اچھا آدمی ہونے کی صفت سے موصوف ہونا:میٹھےمیٹھے اسلامی بھائیو!مذکورہ حدیث پاک میں رات میں نماز پڑھنے والے کے بارے میں اچھا آدمی ہونے کی صفت بیان کی گئی ہے جیسا کہ نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمنے حضرت سَیِّدُنَا عبداﷲرَضِیَ اﷲ تَعَالٰی عَنْہُکے بارے میں فرمایا:عبداﷲبہت اچھا آدمی ہے اگر رات کو نماز پڑھے۔عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اﷲ الْغَنِیفرماتے ہیں:جب کوئی شخص رات میں نماز پڑھے تو وہ اس بات کا مستحق ہے کہ اسے اچھا آدمی ہونے کی صفت سے موصوف کیا جائے اور یہ مستحق ہونا رات کی نماز کے سبب ہے۔ اگر رات کی نماز کی فضیلت نہ ہوتی تو اس کے پڑھنے والے کی یہ تعریف بھی نہ کی جاتی ۔قیامت کے دن فقیر:عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اﷲ الْغَنِیمذکورہ حدیث پاک سے حاصل ہونے والے فوائد کا ذکر کرتے ہوئے فرماتے ہیں:*حدیث میں رات میں عبادت کرنے کی فضیلت کا ذکر ہے۔*حضرت عبداﷲابنِ عمررَضِیَ اﷲ تَعَالٰی عَنْہُمَاکی تعریف اور ان کے نیک ہونےکی خبر دینا ہے۔*جوانی میں عبادت کی فضیلت کا ذکر ہے*رات میں زیادہ سونے کی کراہیت ہے۔* حضرت سَیِّدُناجابررَضِیَ اﷲ تَعَالٰی عَنْہُسے مرفوعاً روایت ہےکہ حضرتِ سَیِّدُنا سلیمانعَلَیْہِ السَّلَامسے ان کی والدہ نے فرمایا:بیٹا!رات کو زیادہ نہ سونا کیونکہ رات کو زیادہ سونا انسان کو قیامت کے دن فقیر بناد ے گا ۔صَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد