باب:متفرقات - مرآۃ المناجیح شرح مشکوٰۃ المصابیح - حدیث نمبر: 2657

۱∞؎یعنی طواف سرمنڈانے کے بعد سنت تھا لیکن اگر اس کے برعکس ہوگیا تو خیر،نہ اس میں گناہ ہے نہ قربانی،نہ کفارہ نہ کوئی فدیہ جیسا کہ پہلے عرض کیا گیا۔
۲؎رمی سے پہلے ذ بح کرلینے میں مفرد یعنی صرف حج کرنے والے پر نہ گنا ہ ہے نہ فدیہ،نہ کفارہ یا نہ قربانی،ہاں بہتر تھا کہ رمی کے بعد کرتا مگر قران و تمتع والے پر عمدا ً ایسا کرنے میں گناہ بھی ہے کفارہ بھی اور خطاءً ایسا ہوجانے پر گناہ تو نہیں مگر کفارہ واجب ہے۔ اس کی تفصیل کتب فقہ میں اور مرقات میں ملاحظہ کیجئے۔یہ شخص اگر مفرد تھا تب تو گناہ و کفارہ دونوں کی نفی ہے اور اگر قارن یا متمتع تھا اور خطاءً ایسا کر بیٹھا تو گناہ کی نفی ہے۔