باب: اللہ تعالٰی کے ناموں کابیان - مرآۃ المناجیح شرح مشکوٰۃ المصابیح - حدیث نمبر: 2289

۱∞؎یعنی مولا تیرے ناموں کے توسل وسیلہ سے تجھ سے دعا مانگ رہا ہوں ان ناموں کے صدقے سے میری سن لے،یہ دعا مانگنے والے حضرت ابو موسٰی اشعری تھے۔اس سے معلوم ہوا کہ وسیلہ کے ساتھ دعا کرنا بہتر ہے وسیلہ خواہ اسماء الہیہ کا ہو خواہ اس کے کسی محبوب بندے کا۔
۲؎بعض علماء نے فرمایا کہ اللہ اسم اعظم ہے کیونکہ یہ اسم ذات ہے جو سوائے خدا تعالٰی کے کسی پر نہیں بولا جاتا،بعض نے فرمایا کہ"لا الہ الا انت"اسم اعظم ہے۔بعض کے خیال میں رب تعالٰی کے بعض نام بعض کے مقابلہ میں اسم اعظم ہیں جیسے رحمن بمقابلہ رحیم کے اسم اعظم ہے۔
۳؎اس حدیث سے چند مسائل معلوم ہوئے:ایک یہ کہ دعا میںاَللّٰھُمَّکہنا بہت بہتر ہے کہ اللہ اسم ذات ہے اورمیم میں تمام ان ناموں کی طرف اشارہ ہےجن کے اول میں میم ہےجیسےملك،مالك،منانوغیرہ۔ دوسرے یہ کہ دعائے آداب سے یہ ہے کہ پہلے حمد الٰہی کرے پھر حضور انورصلی اللہ علیہ و سلم پر درود شریف، پھر اپنے گناہوں کا اعتراف،پھرعرض حاجات۔تیسرے یہ کہ اللہ یااَللّٰھُمَّیالا الہ الا انتاسم اعظم ہے۔