باب: صَفِ اَوّل کی فضیلت کا بیان - فیضان ریاض الصالحین - حدیث نمبر: 1089

دلوں میں اختلاف کا ایک سبب:حدیث پاک میں بیان ہوا کہ” حضورعَلَیْہِ الصَّلٰوۃُ وَالسَّلَامصفوں کو اس طرح سیدھا کرتے گویا ان سے تیر سیدھے فرماتے ہوں۔ ”یعنی نمازیوں کے کندھے پکڑ پکڑ کر آگے پیچھے کرتے تھے تاکہ صف بالکل سیدھی ہوجاوے۔ خیال رہے کہ تیر کی لکڑی کو پَر اور پیکان لگنے سے پہلےقِدْحکہتے ہیں اور اس کے لگنے کے بعدسَہْمٌ،قِدْحنہایت سیدھی کی جاتی ہے اسے سیدھا کرنے کے لیے نہایت سیدھی لکڑی لیتے ہیں جس کے برابرقِدْحکو لیتے ہیں یعنی حضورصَلَّی اﷲ عَلَیْہِ وَسَلَّمصفوں کو ایسا سیدھا کرتے تھے جیسےقِدْحسیدھی کرنے والی لکڑی۔“ پھر جب آپعَلَیْہِ الصَّلٰوۃُ وَالسَّلَامنے یہ خیال فرمایا کہ صحابہ کرام صفوں کو برابر کرنا سیکھ گئے ہیں ”تب آپ نے کندھے پکڑ کر سیدھا کرنا چھوڑ دیا، صرف زبان شریف سے سیدھا کرنے کی ہدایت فرمادیتے تھے۔“(یاتو تم اپنی صفیں سیدھی رکھو گے یااﷲ عَزَّ وَجَلَّتمہارے درمیان اختلاف پیدا فرما دےگا۔)” یعنی اگر تمہاری نماز کی صفیں ٹیڑھی رہیں تو تم میں آپس میں اختلاف اور جھگڑے پیدا ہوجائیں گے، شیرازہ بکھر جائے گا یا تمہارے دل ٹیڑھے ہوجائیں گے کہ ان میں سوز و گُداز، درد،خشوع خضوع نہ رہے گا یا اندیشہ ہے کہ تمہاری صورتیں مَسخ ہوجائیں(بگڑ جائیں) جیسے گزشتہ قوموں پر عذاب آئے تھے، یعنی یہاںوَجْہٌیابمعنیٰ ذات ہے یا بمعنیٰ چہرہ۔ خیال رہے کہ عام مسخ وغیرہ ظاہری عذاب حضور مصطفےٰصَلَّی اﷲ عَلَیْہِ وَسَلَّمکی تشریف آوری سے بند ہوگئے لیکن خاص مسخ وغیرہ اب بھی ہوسکتے ہیں۔“عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اﷲ الْقَوِیفرماتے ہیں:”دو باتوں میں سے ایک ضرور ہوگی یا تو لوگ صفیں سیدھی رکھیں گے یا پھر ان کے درمیان اختلاف پیدا ہوگا۔ اختلاف پیدا ہونے کا مطلب یہ بھی ہوسکتا ہے کہ ان کے دل ایک دوسرے کے مخالف ہو جائیں گے یعنی ان کے ارادے بدل جائیں گے اور پھر اس وقت لوگوں کے درمیان فتنہ پھیل جائے گا اور وہ ایک دوسرے کی مخالفت کریں گے، اسلام اور مسلمانوں کا رعب و دبدبہ کم ہو جائے گا، دشمن ان پر مسلط ہو جائیں گے ، برائی عام ہوجائے گی اور عبادات کم ہو جائیں گی، الغرض صفیں درست نہ کرنے میں اتنی کثیرخرابیاں ہیں کہ شمار نہیں کی جاسکتیں۔ نیز حضورعَلَیْہِ الصَّلٰوۃُ وَالسَّلَامنے جس شخص کا سینہ صف سے باہر نکلا ہوا دیکھا تھا اُسے خصوصیت کے ساتھ نام لے کر منع نہیں کیا (بلکہ فرمایا: اےاﷲکے بندو) کیونکہ آپعَلَیْہِ الصَّلٰوۃُ وَالسَّلَامکی یہ عادتِ کریمہ ہے کہ لوگوں کی بہت زیادہ پردہ پوشی فرمایا کرتے تھے ۔“