نیک لوگوں کی زیارت کا بیان - فیضان ریاض الصالحین - حدیث نمبر: 372

حدیث پاک کی باب سے مناسبت :اس حدیث پاک میںاللہ عَزَّ وَجَلَّکے ایک نیک بندے اور ولی یعنی حضرت سیدنا اویس قرنیرَضِیَ اللہُ تَعَالٰی عَنْہُکی زیارت اور سیدنا فاروقِ اعظمرَضِیَ اللہُ تَعَالٰی عَنْہُکی اُن سے ملاقات کا ذکر خیر ہے ، یہ باب بھی نیک لوگوں کی زیارت اور اُن سے ملاقات وغیرہ کا ہے اس لیے علامہ نوویعَلَیْہِ رَحْمَۃُ اللہِ الْقَوِینے اس حدیث پاک کو اس باب میں بیان فرمایا ہے ۔
¥صحابی کا تابعی سے دعا کروانا :امیر المؤمنین حضرت سیدنا عمر فاروقِ اعظمرَضِیَ اللہُ تَعَالٰی عَنْہُنے حضور نبی کریم رؤف رحیمصَلَّی اللہُ تَعَالٰی عَلَیْہِ وَاٰلِہٖ وَسَلَّمکے حکم پر عمل کرتے ہوئے حضرت سیدنا اُویس قرنیرَضِیَ اللہُ تَعَالٰی عَنْہُسے اپنے لیے دعا کروائی ، یعنی ایک صحابی رسول نے ایک تابعی سے اپنے لیے دعا کروائی ۔ حضور نبی کریم رؤف رحیمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے بظاہر سیدنا فاروق اعظمرَضِیَ اللہُ تَعَالٰی عَنْہُسے خطاب فرمایا تھا لیکن سیدنا اویس قرنیرَضِیَ اللہُ تَعَالٰی عَنْہُسے دعا کروانے والا خطاب ان تمام صحابہ کرامعَلَیْہِمُ الرِّضْوَانسے تھاجو اُن کو پالیں ۔ مرآۃ المناجیح میں ہے : ’’چونکہ حضرت اُویس قرنی (رَضِیَ اللہُ تَعَالٰی عَنْہُ) حضرت عمر (رَضِیَ اللہُ تَعَالٰی عَنْہُ) کے زمانہ ہی میں حج کو آنے والے تھے ، اس لیے اس علیم و خبیرصَلَّی اللہُ تَعَالٰی عَلَیْہِ وَاٰلِہٖ وَسَلَّمنے حضرت عمر (رَضِیَ اللہُ تَعَالٰی عَنْہُ) ہی سے یہ فرمایا ۔ مگر فرمایا یہ کہ تم صحابہ میں سے جو بھی اُویس کو پائے وہ اپنے لیے اُن سے دعا کرائے ۔ ‘‘ ( )
¥افضل کا مفضول سے دعا کروانا :میٹھے میٹھے اسلامی بھائیو ! واضح رہے کہ اہل سنت کا اس بات پر اجماع ہے کہ انبیاء ورسل بشر و رسل ملائکہعَلَیْہِمُ الصَّلٰوۃُ وَالسَّلَامکے بعد سب سے ا فضل امیر المؤمنین ،خلیفۂ رسول اللہحضرت سیدنا ابوبکر صدیقرَضِیَ اللہُ تَعَالٰی عَنْہُہیں ، ان کے بعد امیر المؤمنین حضرت سیدنا عمر فاروق اعظمرَضِیَ اللہُ تَعَالٰی عَنْہُ، ان کے بعدامیر المؤمنین حضرت سیدنا عثمانِ غنیرَضِیَ اللہُ تَعَالٰی عَنْہُ، ان کے بعد امیر المؤمنین حضرت سیدنا علی المرتضیٰ شیر خداکَرَّمَ اللہُ تَعَالٰی وَجْہَہُ الْکَرِیْم، ان کے بعدعشرۂ مبشرہ کے بقیہ صحابہ کرام ، ان کے بعد باقی اہل بدر ، ان کے بعد باقی اہل اُحد ، ان کے بعد باقی اہل بیعت رضوان ، پھر تمام صحابہ کرامرِضْوَانُ اللہِ تَعَالٰی عَلَیْہِمْ اَجْمَعِیْن۔ ان کے بعد تابعین ، تبع تابعین ، ائمہ مجتہدین ، غوث ، قطب ، اَبدال ، چاہے وہ کتنا ہی بڑے سے بڑااللہ عَزَّ وَجَلَّکا ولی ہو ، کتنا ہی بڑے سے بڑا زاہد ہومگر ان کے مقام ومرتبے کو ہرگز نہیں پہنچ سکتا ۔ امیر المؤمنین حضرت سیدنا عمر فاروق اعظمرَضِیَ اللہُ تَعَالٰی عَنْہُنے جو بعد صدیق اکبر افضل الصحابہ ہیں ، حضرت سیدنا اویس قرنیرَضِیَ اللہُ تَعَالٰی عَنْہُسے اپنے لیے دعا کروائی ۔ اس سے معلوم ہوا کہ افضل کا مفضول سے دعا کروانا جائز ہے ۔مُفَسِّر شہِیر،مُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں : ’’معلوم ہوا کہ افضل بھی مفضول صالح سے دعا کرائے ۔ حضرات صحابہ (رَضِیَ اللہُ تَعَالٰی عَنْہُمْ) جناب اُویس (رَضِیَ اللہُ تَعَالٰی عَنْہُ) سے کہیں افضل ہیں ، مگر اِن حضرات کو جناب اویس (رَضِیَ اللہُ تَعَالٰی عَنْہُ) سے دعا کرانے کا حکم دیا گیا ۔ ایک بار حضور انور (صَلَّی اللہُ تَعَالٰی عَلَیْہِ وَاٰلِہٖ وَسَلَّم) نے حضرت عمر (رَضِیَ اللہُ تَعَالٰی عَنْہُ) سے جب کہ وہ عمرہ کرنے مکہ معظمہ جارہے تھے فرمایا تھا کہ ’’مجھے اپنی دعا میں نہ بھولنا ۔ ‘‘ ( )
¥سیدنا اویس قرنی مستجاب الدعوات ہیں :عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللہِ الْقَوِیفرماتے ہیں : ’’امیر المؤمنین حضرت سیدنا عمر فاروقِ اعظمرَضِیَ اللہُ تَعَالٰی عَنْہُنے حضرت سیدنا اُویس قرنیرَضِیَ اللہُ تَعَالٰی عَنْہُسے دعا کروائی ۔ اس سے یہ ثابت نہیں ہوتا کہ سیدنا اُویسرَضِیَ اللہُ تَعَالٰی عَنْہُسیدنا فاروقِ اعظمرَضِیَ اللہُ تَعَالٰی عَنْہُسے زیادہ فضیلت والے ہیں یا پھر سیدنا فاروقِ اعظمرَضِیَ اللہُ تَعَالٰی عَنْہُمغفرت یافتہ نہیں ۔ بلکہ یہ تو اجماع سے ثابت ہے کہ امیر المؤمنین حضرت سیدنا عمر فاروقِ اعظمرَضِیَ اللہُ تَعَالٰی عَنْہُبسبب صحابیت سیدنا اُویس قرنیرَضِیَ اللہُ تَعَالٰی عَنْہُسے افضل ہیں اور حضور نبی پاک ، صاحب لولاکصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا صحابہ کرامعَلَیْہِمُ الرِّضْوَانکو سیدنا اُویس قرنیرَضِیَ اللہُ تَعَالٰی عَنْہُسے دعا کروانے کا حکم اس بات کی طرف اشارہ تھا کہ سیدنا اُویس قرنیرَضِیَ اللہُ تَعَالٰی عَنْہُمستجاب الدعوات ہیں اور سیدنا فاروقِ اعظمرَضِیَ اللہُ تَعَالٰی عَنْہُکا ان سے دعاکروانا خیر و بھلائی میں زیادتی کے لیے تھا ۔ یہ ایسا ہی ہے جیساکہاللہ1∞کے پیارے حبیبصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا ( اذان کے بعد کی دعا میں ) ہمیں اپنے لیے دُعا یعنی صلوٰۃ و سلام اور وسیلہ طلب کرنے کا حکم ارشاد فرمانا ۔ نیز آپصَلَّی اللہُ تَعَالٰی عَلَیْہِ وَاٰلِہٖ وَسَلَّمکے اس ارشاد میں صالحین سے دعا کروانے کا ثبوت ہے ۔ ‘‘ ( )
 ¥سیدنا اویس قرنی کی دل جوئی :حضرت سیدنا اویس قرنیرَضِیَ اللہُ تَعَالٰی عَنْہُنے حضور نبی اکرم نورِمجسم شاہِ بنی آدمصَلَّی اللہُ تَعَالٰی عَلَیْہِ وَاٰلِہٖ وَسَلَّمکا زمانہ مبارک پایا تھا ، مگر اپنی والدہ کی خدمت کے باعث سرکارِ دو عالَمصَلَّی اللہُ تَعَالٰی عَلَیْہِ وَاٰلِہٖ وَسَلَّمسے ملاقات نہ ہوسکی لیکناللہ عَزَّ وَجَلَّکے حبیبصَلَّی اللہُ تَعَالٰی عَلَیْہِ وَاٰلِہٖ وَسَلَّمنے آپ کے فضائل ومناقب کو بیان فرمایا ۔ اشعۃ اللمعات میں ہے : ’’بعض علمائے کرامرَحِمَہُمُ اللہُ السَّلَامفرماتے ہیں کہ حضورنبی اکرمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے یہ بات حضرت سیدنا اُویس قرنیرَضِیَ اللہُ تَعَالٰی عَنْہُکا دل خوش کرنے کے لیے فرمائی اور ان لوگوں کا وہم دُورکیا جنہوں نے خیال کیا کہ سیدنا اُویس قرنیرَضِیَ اللہُ تَعَالٰی عَنْہُنےرسولُ اللہصَلَّی اللہُ تَعَالٰی عَلَیْہِ وَاٰلِہٖ وَسَلَّمکی صحبت یعنی صحابیت کا شرف حاصل نہیں کیا اور وہ پیچھے رہ گئے حالانکہ آپرَضِیَ اللہُ تَعَالٰی عَنْہُاپنی والدہ محترمہ کی خدمت اور ان کا خیال رکھنے کی بنا پر یہ سعادت حاصل نہ کرسکے تھے ۔ ‘‘ ( )مُفَسِّرشہِیر،مُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں : ’’بعض بزرگوں کو فرماتے سنا کہ بعض صحابہ نے حضرت اویس (رَضِیَ اللہُ تَعَالٰی عَنْہُ) سے کہا کہ ’’تم نے حضور انور کا زمانہ پایا مگر زیارت نہ کی ۔ ‘‘ بولے : ’’ کیا تم نے زیارت کی ہے ؟ ‘‘ فرمایا : ’’ہاں ۔ ‘‘ کہا : ’’بتاؤ ! مجبوب (صَلَّی اللہُ تَعَالٰی عَلَیْہِ وَاٰلِہٖ وَسَلَّم) کے سر ، داڑھی اور ریش بچی میں کتنے کتنے بال سفید تھے ؟ ‘‘ صحابہ نے کہا : ’’ہم نے شمار نہیں کیے ۔ ‘‘ فرمایا : ’’مجھ سے پوچھ لو ! میں نے گن لیے ہیں ، سر شریف میں چودہ بال سفید تھے داڑھی مبارک میں پانچ ریش بچی ( ہونٹ اور ٹھوڑی کے بیچ کے بال ) میں ایک ۔
گو مَیَسَّر نہیں سَالِک کو حضورِ بَدَنی ……… روح حاضر ہے مگر مثل اُویس قرنی
جسم ہِندی ہے مرا جان ہے میری مَدَنی ……… یا خدا دُور کسی طرح ہو بُعدِ بَدَنی“ ( )
¥علم غیب مصطفٰےصَلَّی اللہُ تَعَالٰی عَلَیْہِ وَاٰلِہٖ وَسَلَّم:میٹھے میٹھے اسلامی بھائیو ! حضور نبی کریم رؤف رحیمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے اپنے صحابہ کرامعَلَیْہِمُ الرِّضْوَانکے سامنے مدینہ منورہ میں تشریف فرما ہو کر یمن میں مقیم تابعی بزرگ حضرت سیدنا اویس قرنیرَضِیَ اللہُ تَعَالٰی عَنْہُکے متعلق غیب کی خبردی ، نیز یہ بھی ارشاد فرمایا کہ وہ یمنی مددگار مجاہدین کے ساتھ آئیں گے ۔اللہ عَزَّ وَجَلَّکے محبوب دانائے غیوبصَلَّی اللہُ تَعَالٰی عَلَیْہِ وَاٰلِہٖ وَسَلَّمنے جو غیبی خبر دی تھی وہ پوری ہوئی اور سیدنا اویس قرنیرَضِیَ اللہُ تَعَالٰی عَنْہُواقعی یمنی وفد کے ساتھ تشریف لائے اور سیدنا فاروق اعظمرَضِیَ اللہُ تَعَالٰی عَنْہُسے ملاقات کی ۔ یہ بھی معلوم ہوا کہ صحابہ کرامعَلَیْہِمُ الرِّضْوَانکا بھی یہ پختہ عقیدہ تھا کہ حضور نبی پاک صاحب لولاکصَلَّی اللہُ تَعَالٰی عَلَیْہِ وَاٰلِہٖ وَسَلَّمنے جو غیبی خبر دی ہے وہ پوری ہو کر رہے گی ، جبھی تو امیر المؤمنین حضرت سیدنا عمرفاروق اعظمرَضِیَ اللہُ تَعَالٰی عَنْہُعہد رسالت وعہد صدیقی دونوں میں سیدنا اُویس قرنیرَضِیَ اللہُ تَعَالٰی عَنْہُکو تلاش کرتے رہے اور بالآخر اپنے ہی عہد خلافت میں ان سے ملاقات ہوئی ۔ چنانچہ بعض روایات میں یہ بھی ہے سیدنا فاروق اعظمرَضِیَ اللہُ تَعَالٰی عَنْہُفرماتے ہیں کہ’’ جب سے میں نے حضرت اُویس قرنیرَضِیَ اللہُ تَعَالٰی عَنْہُکے بارے میں سرکارصَلَّی اللہُ تَعَالٰی عَلَیْہِ وَاٰلِہٖ وَسَلَّمسے سنا تب سے میں عہد رسالت میں انہیں ڈھونڈتا رہا لیکن وہ نہ ملے ، پھر سیدنا صدیق اکبررَضِیَ اللہُ تَعَالٰی عَنْہُکے عہد میں بھی ڈھونڈتا رہا لیکن وہ نہ ملے ، پھر اپنے عہد خلافت میں بھی تلاش کرتا رہا اور بالآخر وہ مجھے مل گئے ۔ ‘‘ ( )عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللّٰہِ الْقَوِیفرماتے ہیں : ’’ سرکارِ نامدار ، مدینے کے تاجدارصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا سیدنا اُویس قرنیرَضِیَ اللہُ تَعَالٰی عَنْہُکے نام ، صفات ، علامات اور سیدنا فاروق اعظمرَضِیَ اللہُ تَعَالٰی عَنْہُسے ملاقات کے بارے میں بتانا غیب کی خبر دینا ہے اور یہ آپصَلَّی اللہُ تَعَالٰی عَلَیْہِ وَاٰلِہٖ وَسَلَّمکے معجزات میں سے ایک عظیم معجزہ ہے کہ آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے کسی کام کے واقع ہونے سے پہلے ہی پیشنگوئی فرمادی اور پھر سب کچھ ویسا ہی وقوع پذیر ہوا جیساآپ کی زبان مبارک سے جاری ہواتھا ۔ ‘‘ ( )
¥نیک بندوں کی تلاش وجستجو :مذکورہ بالا روایات میں اس بات کابھی بیان ہوا کہ شہنشاہِ مدینہ ، قرارِ قلب و سینہصَلَّی اللّٰہُ تَعَالٰی عَلَیْہِ وَاٰلِہٖوَسَلَّمنے جب سے امیر المؤمنین حضرت سیدنا عمر فاروقِ اعظمرَضِیَ اللہُ تَعَالٰی عَنْہُکو حضرت سیدنا اویس قرنیرَضِیَ اللہُ تَعَالٰی عَنْہُکے بارے میں غیب کی خبر دی تب سے سیدنا فاروقِ اعظمرَضِیَ اللہُ تَعَالٰی عَنْہُانہیں تلاش کرتے رہے ۔ معلوم ہوا کہاللہ عَزَّ وَجَلَّکے نیک بندوں کی تلاش وجستجو کرنا بلکہ لمبے عرصے تک ان کی تلاش جاری رکھنا بالکل جائز اور باعث اجروثواب ہے ۔ بعض خوش نصیب لوگوں کو دیکھا گیا ہے کہ جہاں کہیں کسیاللہ عَزَّوَجَلَّکے ولی یا کسی بھی نیک بندے کا معلوم ہو فوراً اُن کی بارگاہ میں حاضری کا شرف حاصل کرتے ہیں ، ان سے دعائیں کرواتے ہیں ، بلکہ وہ تو اس جستجو میں رہتے ہیں کہ کسیاللہوالے کی ملاقات نصیب ہوجائے ، جہاں کہیں کسی بزرگ کے مزار کا معلوم ہو تو وہاں حاضری دیتے ہیں ، ان کے مزار کواللہ عَزَّ وَجَلَّکی رحمت کے نزول والی جگہ تصور کرتے ہوئے وہاں دعائیں مانگتے ہیں یقیناً ان کا یہ فعل بالکل جائز ، مستحسن اور اجروثواب کا باعث ہے ۔
¥سیدنا اُویس قرنی کی گمنامی وفقیری :امیر المؤمنین حضرتِ سَیِّدُنا عمر فاروق اعظمرَضِیَ اللہُ تَعَالٰی عَنْہُکی تمنا پوری کرتے ہوئے حضرت سیدنا اُویس قرنیرَضِیَ اللہُ تَعَالٰی عَنْہُنے آپ کے لیے دعاکی ۔ اس کے بعد سیدنا فاروق اعظمرَضِیَ اللہُ تَعَالٰی عَنْہُنے پوچھا کہ کہاں کا ارادہ ہے ؟تو سیدنا اویس قرنیرَضِیَ اللہُ تَعَالٰی عَنْہُنے جواب دیا : ’’کوفہ کا ۔ ‘‘ سیدنا فاروق اعظمرَضِیَ اللہُ تَعَالٰی عَنْہُنے فرمایا : ’’میں کوفہ کے حاکم کو خط نہ لکھ دوں کہ وہ مسلمانوں کے بیت المال سے بقدر کفایت آپ کی کفالت کرے ؟ ‘‘ سیدنا اُویس قرنیرَضِیَ اللہُ تَعَالٰی عَنْہُنے جواب دیا : ’’مجھے غریب ، تنگدست اور ایسے لوگوں میں رہنا پسند ہے جن کی کوئی پرواہ نہیں کرتا ۔ ‘‘ اور یہی آپ کی گمنامی اس بات کی علامت تھی کہ آپ اپنے حالات لوگوں سے مخفی رکھتے ہیں ۔ پھر اگلے سال کوفہ کے اغنیاء میں سے ایک آدمی حج کے لیے آیا تو اس کی ملاقات سیدنا فاروق اعظمرَضِیَ اللہُ تَعَالٰی عَنْہُسے ہوئی ۔ آپ نے اس سے سیدنا اُویس قرنیرَضِیَ اللہُ تَعَالٰی عَنْہُکے بارے میں دریافت کیا تو وہ بولا : ’’میں انہیں ٹوٹے پھوٹے مکان ، کم سامان اور تنگی کی حالت میں چھوڑ آیا ہوں ۔ ‘‘ ( ) مذکورہ بالا ایک حدیث پاک میں یہ بھی ہے کہ ایک بار کوفہ کا ایک وفد بارگاہ فاروقی میں حاضر ہوا ،
 ان میں ایک ایسا شخص بھی تھا جو سیدنا اویس قرنیرَضِیَ اللہُ تَعَالٰی عَنْہُکا مذاق اڑایا کرتا تھا ۔ ؂عَلَّامَہ اَبُوزَکَرِیَّا یَحْیٰی بِنْ شَرَف نَوَوِیعَلَیْہِ رَحْمَۃُ اللّٰہِ الْقَوِیفرماتے ہیں : ’’اس شخص کے تمسخر کرنے سے معلوم ہوتا ہے کہ حضرت سیدنا اویس قرنیرَضِیَ اللہُ تَعَالٰی عَنْہُنے اپنا حال لوگوں پر مخفی رکھا اور اپنے راز کواللہ عَزَّوَجَلَّاور اپنے درمیان پو شیدہ کیا تاکہ لوگوں پر یہ بات ظاہر نہ ہو اور یہی عارفین اور بلند رتبے کے حاملاولیاء اللہکا طریقہ ہے کہ اپنا راز لوگوں سے چھپا رکھتے ہیں ۔ ‘‘ ( )عَلَّامَہ مُحَمَّد بِنْ عَلَّان شَافَعِی عَلَیْہِ رَحْمَۃُ اللّٰہِ الْقَوِیفرماتے ہیں : ’’شاید وہ شخص اپنی مالداری اور جاہ و حشمت کی وجہ سے غرور میں مبتلا تھا جبکہ حضرت سیدنا اُویس قرنیرَضِیَ اللہُ تَعَالٰی عَنْہُدنیا کے مال و متاع سے منہ پھیر نے کی وجہ سے خستہ حال اور بظاہر تنگی میں تھے ۔ اسی وجہ سے وہ شخص آپ کو حقیر جانتے ہوئے آپ کامذاق اُڑاتا تھا ۔ ‘‘ ( )
¥سیدنا اُویس قرنی کا اپنے لیے دعا کروانا :مذکورہ روایات میں اس بات کا بھی ذکر ہے کہ کوفہ کے اغنیاء میں سے ایک آدمی حج کے لیے آیا تو اس کی ملاقات سیدنا فاروق اعظمرَضِیَ اللہُ تَعَالٰی عَنْہُسے ہوئی ۔ سیدنا فاروق اعظمرَضِیَ اللہُ تَعَالٰی عَنْہُنے اسے بھی سیدنا اویس قرنیرَضِیَ اللہُ تَعَالٰی عَنْہُسے دعا کروانے کی ترغیب دلائی ۔ وہ شخص جب سیدنا اویس قرنیرَضِیَ اللہُ تَعَالٰی عَنْہُسے ملا تو دعا کی درخواست کی ۔ آپرَضِیَ اللہُ تَعَالٰی عَنْہُنے فرمایا : ’’تم میرے لیے دعا کرو ۔ ‘‘عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللہِ الْقَوِیفرماتے ہیں : ’’ آپ نے اس شخص سے دعا کرنے کے لیے اس وجہ سے کہا کہ جو شخص جہاد ، حج یا کسی نیک سفر سے واپس آئے تو اس کی دعا قبول ہونے کی امید ہوتی ہے ، یہ شخص بھی حج سے واپس آرہا تھا اور حدیث پاک میں وارد ہے کہ : ” جب تم حاجی سے ملاقات کرو تو اس سے دعا کا کہوتاکہ وہ تمہارے لیے مغفرت طلب کرے ۔ “ ایک دوسری حدیث میں ہے کہ : ”اللہ عَزَّوَجَلَّحاجی کی مغفرت فرما دیتا ہے اور اس کی بھی جس کے لیے وہ مغفرت طلب کرے ، یہاں تک کہ وہ گھر لوٹ آئے ۔ “ اسی بنا پر آپ نے اس شخص سے دعا کا کہا ۔ لیکن اس نے آپ سے پھر دعا کی درخواست کی ، آپ نے پھر وہ ہی بات
  دہرائی کہ تم میرے لیے دعا کرو ۔ لیکن وہ آپ سے دعا کروانے پر بضد رہا ۔ پھر آپ نے اس سے پوچھا : ’’کیا تمہاری سیدنا فاروق اعظمرَضِیَ اللہُ تَعَالٰی عَنْہُسے ملاقات ہوئی؟ ‘‘ اس نے کہا : ’’جی ہاں ۔ ‘‘ تو آپرَضِیَ اللہُ تَعَالٰی عَنْہُسمجھ گئے کہ سیدنا فاروق اعظمرَضِیَ اللہُ تَعَالٰی عَنْہُنے اِسے میرے بارے میں آگاہ فرما دیا ہے اور اب یہ دعا کروائے بغیر یہاں سے جانے والا نہیں ۔ لہذا آپرَضِیَ اللہُ تَعَالٰی عَنْہُنے اس کے لیے دعا فرمادی ۔ اس کے بعد آپرَضِیَ اللہُ تَعَالٰی عَنْہُاپنے نفس پر فتنے کا خوف اور لوگوں میں مشہور ہونے کے فتنے سے بچتے ہوئے مخلوق سے روپوش ہوگئے تاکہ رب تعالیٰ کی طرف توجہ میں کمی واقع نہ ہو ۔ ‘‘ ( )
¥برص کا نشان باقی رہنے کی وجہ :مذکورہ حدیث پاک میں اس بات کا بیان ہے کہ جب سرکارِ دوعالَم نورِ مجسم شاہ بنی آدمصَلَّی اللہُ تَعَالٰی عَلَیْہِ وَاٰلِہٖ وَسَلَّمنے حضرت سیدنا اویس قرنیرَضِیَ اللہُ تَعَالٰی عَنْہُکے مختلف اَوصاف بیان فرمائے تو ان میں یہ بھی بیان فرمایا کہ انہیں برص کی بیماری تھی پھر ایک درہم کے برابر جگہ کے علاوہ ٹھیک ہوچکی ہوگی ۔ ‘‘ سیدنا اویس قرنیرَضِیَ اللہُ تَعَالٰی عَنْہُکی ساری بیماری دور ہوگئی لیکن ایک درہم کے برابر جگہ کیوں رہ گئی؟ اس کی وجہ بیان کرتے ہوئے شیخ عبدالحق محدث دہلویعَلَیْہِ رَحْمَۃُ اللّٰہِ الْقَوِیفرماتے ہیں : ’’برص کا یہ باقی ماندہ نشان بھی حضرت سیدنا اُویس قرنیرَضِیَ اللہُ تَعَالٰی عَنْہُکی دعا کی وجہ سے تھا کہ انہوں نے دعا مانگی تھی کہ : اےاللہ عَزَّ وَجَلَّ! میرے جسم میں کچھ سفیدی چھوڑ دے تاکہ اس کے ذریعے میں تیری نعمت کو یاد کرتا رہوں کہ تونے مجھے اس بُرے مرض سے نجات عطا فرمائی ۔ ‘‘ ( )
¥والدہ کی اطاعت وفرمانبرادی :میٹھے میٹھے اسلامی بھائیو ! مذکورہ حدیث پاک میں حضرت سیدنا اویس قرنیرَضِیَ اللہُ تَعَالٰی عَنْہُکی حضور نبی پاک صاحب لولاکصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ایک صفت یہ بھی بیان فرمائی کہ وہ اپنی والدہ کے فرمانبردار ہیں ، نیز بعض روایات کے مطابق وہ اپنی والدہ کی خدمت واطاعت ہی کی وجہ سے شرف صحابیت سے سرفراز نہ ہوسکے ۔ لیکن انہیں یہ شرف حاصل ہوا کہ خوداللہ عَزَّ وَجَلَّکے حبیبصَلَّی اللہُ تَعَالٰی عَلَیْہِ وَاٰلِہٖ وَسَلَّمنے ان کے مبارک اوصاف بیان فرمائے ۔ اس سے والدین خصوصاً والدہ کی اطاعت وفرمانبرداری کا بخوبی اندازہ لگایا جاسکتا ہے ۔ مگرافسوس ! آج ہماری اکثریت والدین کی خدمت واطاعت تو دُور کی بات اُن کے ساتھ نہایت ہی بدتمیزی سے پیش آتے اور بدسلوکی کرتے ہیں ۔ کاش ! ہم بھی سیدنا اُویس قرنیرَضِیَ اللہُ تَعَالٰی عَنْہُکی سیرتِ طیبہ پر عمل کرنے والے بن جائیں ۔ اپنے والدین خصوصاً والدہ کی اطاعت وفرمانبرداری کرنے والے بن جائیں ۔اللہ عَزَّ وَجَلَّاور اس کے رسولصَلَّی اللہُ تَعَالٰی عَلَیْہِ وَاٰلِہٖ وَسَلَّمکے حقوق کے بعد بندے پر سب سے پہلا حق اس کی والدہ کا ہے ۔ والدہ کے حقوق سے متعلق تین فرامین مصطفے ٰصَلَّی اللہُ تَعَالٰی عَلَیْہِ وَاٰلِہٖ وَسَلَّمپیش خدمت ہیں : ( 1 ) ’’ماں کی خدمت کواپنے اوپر لازم کرلو کیونکہ جنت اس کے قدم کے پاس ہے ۔ ‘‘ ( ) (2 ) ’’ماں کی خدمت میںاللہ عَزَّ وَجَلَّکی اطاعت کرو جب تم ایساکرلو گے تو تم حاجی ،مُعْتَمِر( یعنی عمرہ کرنے والے ) اور مجاہد کا مرتبہ پالو گے ۔ ‘‘ ( ) (3 ) ’’مرد پر سب سے زیادہ حق اس کی ماں کاہے ۔ ‘‘ ( )سیدنا اُویس قرنی افضل التابعین :حدیث پاک کی تیسری روایت میں اس بات کا ذکر ہے کہاللہ1∞کے پیارے حبیبصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے ارشادفرمایا : ’’ تابعین میں سے بہترین آدمی وہ ہوگا جسے اُویس کہا جائے گا ۔ ‘‘عَلَّامَہ اَبُو زَکَرِیَّا یَحْیٰی بِنْ شَرَف نَوَوِیعَلَیْہِ رَحْمَۃُ اللّٰہِ الْقَوِیفرماتے ہیں : ’’تاجدارِ رِسالت ، شہنشاہِ نبوتصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمکا یہ ارشاد بالکل واضح ہے کہ افضل تابعی حضرت سیدنا اُویس قرنیرَضِیَ اللہُ تَعَالٰی عَنْہُہیں جبکہ سیدنا امام احمد بن حنبلرَحْمَۃُ اللہِ تَعَالٰی عَلَیْہکے نزدیک حضرت سیدنا سعید بن مُسَیّبرَضِیَ اللہُ تَعَالٰی عَنْہُافضل تابعی ہیں ۔ ان دونوں اقوال میں تطبیق دینا ممکن ہے کہ حضرت سیدنا سعید بن مُسَیّبرَضِیَ اللہُ تَعَالٰی عَنْہُعلوم شرعیہ یعنی تفسیر ، حدیث اور علم فقہ میں افضل تابعی ہیں اور حضرت سیدنا اُویس قرنیرَضِیَ اللہُ تَعَالٰی عَنْہُاللہتعالیٰ کے
  یہاں کثرت ثواب میں افضل تابعی ہیں ۔ ‘‘ ( )مدنی گلدستہ
’’ اُویس قرنی ‘‘ کے 8حروف کی نسبت سے حدیثِ مذکور اور
اس کی وضاحت سے ملنے والے 8مدنی پھول
(1)حضور نبی کریم رؤف رحیمصَلَّی اللہُ تَعَالٰی عَلَیْہِ وَاٰلِہٖ وَسَلَّماللہ عَزَّ وَجَلَّکی عطا سے غیب کا علم رکھتے ہیں ، آپصَلَّی اللہُ تَعَالٰی عَلَیْہِ وَاٰلِہٖ وَسَلَّمنے جیسا فرمایا تھا ویسا ہی ہوا ، نیز یہ آپ کا ایک عظیم معجزہ بھی ہے ۔
(2) صحابہ کرامعَلَیْہِمُ الرِّضْوَانحضور نبی رحمت شفیع اُمَّتصَلَّی اللہُ تَعَالٰی عَلَیْہِ وَاٰلِہٖ وَسَلَّمکے علم غیب پر بہت پختہ یقین رکھتے تھے یہی وجہ ہے کہ سرکارصَلَّی اللہُ تَعَالٰی عَلَیْہِ وَاٰلِہٖ وَسَلَّمکے ارشاد کے بعد سیدنا فاروقِ اعظمرَضِیَ اللہُ تَعَالٰی عَنْہُعہدرِسالت ، عہدِ صدیقی اور اپنے عہدخلافت تینوں میں حضرت سیدنا اویس قرنیرَضِیَ اللہُ تَعَالٰی عَنْہُکوتلاش کرتے رہے ۔
(3) حضرت سیدنا اُویس قرنیرَضِیَ اللہُ تَعَالٰی عَنْہُنہایت ہی مقام ومرتبے والے تابعی ہیں ، آپ کے فضائل ومناقب خوداللہ عَزَّ وَجَلَّکے حبیبصَلَّی اللہُ تَعَالٰی عَلَیْہِ وَاٰلِہٖ وَسَلَّمنے بیان فرمائے ۔
(4) نیک لوگوں کو تلاش کرنا اور ان سے دعا کروانا مستحب ہے جیساکہ سیدنا فاروقِ اعظمرَضِیَ اللہُ تَعَالٰی عَنْہُسیدنا اُویس قرنیرَضِیَ اللہُ تَعَالٰی عَنْہُکو یمنی قافلوں میں تلاش کرتے تھے ۔ نیز افضل مفضول سے بھی دعا کروا سکتا ہے ۔
(5) والدین خصوصاً والدہ کی خدمت واطاعت کا اسلام میں بہت ترغیب دلائی گئی ہے ۔ سیدنا اُویس قرنیرَضِیَ اللہُ تَعَالٰی عَنْہُنے حضورعَلَیْہِ السَّلَامکا زمانہ پایا لیکن اپنی والدہ محترمہ کی خدمت و دیکھ بھال کی وجہ سے حضورعَلَیْہِ السَّلَامکی بارگاہ میں حاضر نہ ہوسکے ، مگر آپ کو یہ شرف حاصل ہوا کہ آپ کے اس مبارک وصف یعنی والدہ کی اطاعت وفرمانبرداری کو خوداللہ عَزَّ وَجَلَّکے حبیبصَلَّی اللہُ تَعَالٰی عَلَیْہِ وَاٰلِہٖوَسَلَّمنے بیان فرمایا ۔
(6) امیر المؤمنین حضرت سیدنا عمر فاروقِ اعظمرَضِیَ اللہُ تَعَالٰی عَنْہُقطعی جنتی صحابی اور سیدنا صدیق اکبررَضِیَ اللہُ تَعَالٰی عَنْہُکے بعد اس امت میں سب سے افضل ہیں ۔ آپرَضِیَ اللہُ تَعَالٰی عَنْہُنے سیدنا اویس قرنیرَضِیَ اللہُ تَعَالٰی عَنْہُسے اپنی خیر و بھلائی میں اضافہ کرنے کے لیے دعا کروائی ۔
(7) صحابہ کرامعَلَیْہِمُ الرِّضْوَاناپنے بعد میں آنے والے تمام لوگوں سے افضل ہیں ، ان کے بعد کوئی بھیاللہ عَزَّ وَجَلَّکا نیک بندہ چاہے وہ کسی بھی مقام و مرتبے والا ہو ، مگر وہ صحابی کے درجے کو نہیں پہنچ سکتا ۔
(8) حج ، جہاد یا کسی بھی نیک سفر سے واپس ہونے والے شخص سے دعا کروانی چاہیے کہ اس کی دعا قبول ہونے کی امید بہت زیادہ ہے ۔اللہ عَزَّوَجَلَّسے دعا ہے کہ وہ ہمیں نیک لوگوں کو تلاش کرنے ، ان کی زیارت کرنے اور ان سے دعائیں کروانے کی توفیق عطا فرمائے اور ہمیں صالحین کی تعظیم کرنے اور ان سے محبت کرنے کی توفیق مرحمت فرمائے ۔