نیک لوگوں کی زیارت کا بیان - فیضان ریاض الصالحین - حدیث نمبر: 361

اللہ عَزَّ وَجَلَّکاپیغام بندے کے نام :مذکور ہ حدیث پاک میںاللہ عَزَّ وَجَلَّکی رضا و خوشنودی کے لیے اپنے مسلمان بھائی کی زیارت کے لیے جانے اور اس سے محبت کرنے کی فضیلت بیان کی گئی ہے ۔ حدیث پاک میں بیان ہوا کہ ایک شخص اپنی بستی سے کسی دوسری بستی کی طرف چلا تاکہ اپنے بھائی سے ملاقات کرے ۔ یہاں بھائی سے مراد ایمانی اسلامی بھائی ہے جس کواللہکے لیے بھائی بنایا ہو خواہ نسبی ہو یا غیرنسبی ۔ جب یہ شخص اپنے بھائی سے ملاقات کے لیے نکلا تواللہ عَزَّ وَجَلَّنے ایک فرشتے کو اس کی گزرگاہ پر بھیج دیا اور جب یہ اس جگہ پہنچا تو فرشتے نے اس سے
 
پوچھا : کہاں جارہے ہو؟مُفَسِّر شہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں : یہ سوال بے علمی کی بناء پر نہیں بلکہ اس سے وہ جواب حاصل کرنے کے لیے ہے جو یہاں مذکور ہے اور اسے بشارت دینے کے لیے ہے تاکہ لوگ یہ دونوں باتیں سنیں ، حضورصَلَّی اللہُ تَعَالٰی عَلَیْہِ وَاٰلِہٖ وَسَلَّمکا اسے بیان فرمانا اسی مقصد کے لیے ہے ۔ اُس شخص نے فرشتے کو جواب دیتے ہوئے کہا کہ اس بستی میں میرا ایک بھائی قیام پذیر ہے میں اس سے ملنے کے لیے جارہا ہوں ۔ فرشتے نے پوچھا : کیا اس پر تیرا کوئی احسان ہے جس کا عوض لینے تو اس کے پاس جارہاہے ؟ یعنی تو کبھی اس پر احسان کرچکا ہے جس کا عوض حاصل کرنے کے لیے جاتا ہے یا اس کا تجھ پر کچھ احسان ہے جس کا عوض دینے تو جارہا ہے ۔ وہ بولا : نہیں بلکہ میں تو محضاللہ عَزَّ وَجَلَّکی رضا کے لیے اس سے محبت کرتا ہوں یعنی اس سے میری محبت اس لیے ہے کہ وہاللہکا نیک بندہ ہے اور نیک بندوں کی محبت سےاللہتعالیٰ راضی ہوجاتا ہے ۔ بخشے ہوؤں کی ملاقات کرو کہ تم بھی بخشے جاؤ ۔ اس شخص کا جواب سن کر فرشتے نے کہا : سنو ! میںاللہتعالیٰ کی طرف سے تمہارے لیے یہ پیغام لایا ہوں کہاللہ عَزَّوَجَلَّبھی تم سے محبت کرتا ہے ۔ جس طرح تم اس شخص سے محضاللہ عَزَّ وَجَلَّکی رضا کے لیے محبت کرتے ہو ۔ ( )
¥اللہ عَزَّ وَجَلَّکی بندے سے محبت :میٹھے میٹھے اسلامی بھائیو ! حدیث پاک میں بیان ہوا کہاللہ عَزَّ وَجَلَّکی خوشنودی کے لیے مسلمان بھائی سے محبت کرنے والے سےاللہ عَزَّ وَجَلَّمحبت فرماتا ہے ۔ علماء فرماتے ہیں : ’’بندوں کی محبت اصل میں دل کا مائل ہونا ہے لیکناللہ عَزَّ وَجَلَّاس سے منزہ ہے تواللہ عَزَّ وَجَلَّکی بندے سے محبت کی صورت یہ ہے کہ وہ اس پر رحم فرماتا ہے ، اس سے راضی ہوتا ہے ، اس سے بھلائی کا ارادہ فرماتا ہے اور اس سے محبوبوں جیسا معاملہ فرماتا ہے ۔ ‘‘عَلَّامَہ اَبُوزَکَرِیَّا یَحْیٰی بِنْ شَرَف نَوَوِیعَلَیْہِ رَحْمَۃُ اللّٰہِ الْقَوِیفرماتے ہیں : ’’یہ حدیث پاکاللہ عَزَّوَجَلَّکے لیے محبت کرنے کی فضیلت پر دلالت کرتی ہے کیونکہ یہ عملاللہ عَزَّ وَجَلَّکی محبت حاصل ہونے کا
 
سبب ہے اور اس حدیث پاک میں صالحین اور نیک دوستوں کی زیارت کرنے کی فضیلت کا ثبوت ہے ۔ ‘‘ ( )
¥حدیث پاک سے ماخوذ احکام :عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اللّٰہِ الْقَوِیفرماتے ہیں : ’’یہ حدیث پاکاللہتعالیٰ کے لیے محبت کرنے اور مسلمان بھائی کی زیارت کے لیے جانے کی عظمت اور اس بات پر دلالت کرتی ہے کہ یہ افضل اَعمال میں سے ہے اوراللہ عَزَّ وَجَلَّکا قُرب حاصل کرنے کا سب سے بہترین ذریعہ ہے جبکہ خواہشاتِ نفس سے خالی ہو ۔ ‘‘ ( ) مذکورہ حدیث پاک میں بیان ہوا کہ ایک فرشتے کواللہ عَزَّ وَجَلَّنے اس شخص کے راستے پر مقرر فرمایا جو اپنے مسلمان بھائی سے ملاقات کرنے دوسری بستی جارہا تھا ۔مُفَسِّرشہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں : ’’عام انسان فرشتے کو شکل انسانی میں دیکھ سکتے ہیں اوراللہتعالیٰ کبھی حضراتاولیاءاللہرَضِیَ اللہُ تَعَالٰی عَنْہُمْکے پاس فرشتے کے ذریعے پیغام بھیجتا ہے یہ درجہ ٔاِلہام سے اوپر ہے مگریہ پیغام وحی نہیں کہ وحی حضرات انبیاءعَلَیْہِمُ السَّلَامکے سواکسی کو نہیں ہوتی ۔ ‘‘ ( )مدنی گلدستہ
اسم رسالت’’محمد ‘‘ کے 4حروف کی نسبت سے حدیثِ مذکور اور
اس کی وضاحت سے ملنے والے 4مدنی پھول
(1)مذکورہ حدیث پاک میں صالحین اور نیک دوستوں کی زیارت کرنے کی فضیلت بیان کی گئی ہے ۔
(2) اپنے مسلمان بھائی سے کسی دنیاوی غرض کے بغیر محضاللہ عَزَّ وَجَلَّکی رضا کے لیے محبت رکھنے والے سےاللہ عَزَّ وَجَلَّمحبت فرماتا ہے ۔
(3)اللہ عَزَّ وَجَلَّاپنے بندے سے محبت کرتا ہے ،اللہ عَزَّ وَجَلَّکی بندے سے محبت کا مطلب یہ ہے کہاللہ عَزَّوَجَلَّاس پر رحم کرتاہے اس سے بھلائی کاارادہ فرماتا ہے اور اس سے راضی ہو جاتاہے ۔
(4) خالصاللہ عَزَّ وَجَلَّکی رضا کے لیے کسی سے محبت کرنا قُربِ الٰہی کے حصول کا بہترین ذریعہ ہے ۔اللہ عَزَّ وَجَلَّسے دعا ہے کہ وہ ہمیں خالص اپنی رضا کے لیے مسلمانوں سے محبت کرنے کی توفیق عطا فرمائے اور نیک لوگوں کی زیارت کے لیے جانے کی سعادت مرحمت فرمائے ۔صَلُّوْا عَلَی الْحَبِیْب ! صَلَّی اللہُ تَعَالٰی عَلٰی مُحَمَّد