باب:حج کی فرضیت اور اس کی فضیلت کا بیان - فیضان ریاض الصالحین - حدیث نمبر: 1274

رفث اورفسق سے مراد:مُفَسِّرِشہِیر مُحَدِّثِ کَبِیْر حَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”حج کے بیان میں رَفَث سے مراد ہوتا ہے بیوی سے صحبت یا صحبت کے اَسباب پر عمل یا صحبت کی گفتگو اور فسق سے مراد ہوتا ہے ساتھیوں سے لڑائی جھگڑا یعنی جو رضائے الٰہی کے لیے حج کرے اور حج کو فحش باتوں،لڑائی جھگڑوں سے پاک و صاف رکھے تو گناہ صغیرہ سے تو یقیناً اور کبیرہ سے احتمالًا بالکل پاک وصاف ہوجائے گاحقوق العباد تو ادا ہی کرنا پڑیں گے۔حق یہ ہے کہ تاجر حاجی کو بھی ثواب ملے گا مگر مخلص حاجی سے کم۔“صغیرہ وکبیرہ گناہوں کی مغفرت:امام حَافِظ اِبنِ حَجَر عَسْقَلَانِی قُدِّسَ سِرُّہُ النُّوْرَانِیفرماتے ہیں:” جو حج میں فحش کلامی اور فسق کی باتیں نہ کرے تو حج سے اس طرح واپس ہوگا جیسے آج ہی پیدا ہوا ہویعنی اس کا کوئی گناہ باقی نہ رہے گا۔ اِس کا ظاہری معنیٰ یہ ہے کہ اس کے تمام صغیرہ و کبیرہ گناہوں کی مغفرت کردی جائے گی اور گناہوں سے ایسا پاک وصاف ہو جائے گا جیسے اس دن تھا جب پید ا ہواتھا۔“صَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد