یتیموں کے ساتھ حسن سلوک - فیضان ریاض الصالحین - حدیث نمبر: 269

دونوں اَحادیث میں مطابقت:اِس حدیث پاک میں اِس بات کابیان ہے کہ اُمُّ المؤمنین حضرت سیدتنا عائشہ صدیقہ رَضِیَ اللہُ تَعَالٰی عَنْہَا نے اس عورت کو تین کھجوریں دیں جبکہ اِس سے پہلی والی حدیث میں یہ تھا کہ ایک کھجور دی۔ علامہ بدرُ الدین عینی عَلَیْہِ رَحْمَۃُ اللہِ الْغَنِی نے اِن دونوں میں یوں مطابقت بیان فرمائی ہے : ’’ممکن ہے کہ دونوں احادیث میں بیان کیا گیا واقعہ ایک ہی ہو اور پہلے اُمُّ المومنین سَیِدتُناعائشہ صدیقہ رَضِیَ اللہُ تَعَالٰی عَنْہَا کے پاس ایک کھجورتھی جو آپ نے اس خاتون کو دے دی اور بعد میں مزید دو کھجوریں آ گئیں تو وہ بھی اسے دے دیں اس لئے یہ احادیث ایک دوسرے کے خلاف نہیں اور یہ بھی ممکن ہے کہ دونوں احادیث میں جدا جدا واقعات بیان کیے گئے ہوں۔‘‘( )ماں کی اولاد پر شفقت و رحمت:اس حدیث پاک سے معلوم ہوا کہ ماں اپنی اولاد پر بڑی شفیق اور مہربان ہوتی ہے ، انہیں تکلیف میں دیکھ کر تڑپ جاتی اور ان کی تکلیف دور کرنے کی کوشش میں لگ جاتی ہے ، خود تکلیف برداشت کر کے بچوں کو راحت دیتی اوراپنی بھوک کو بھول کر بچوں کی بھوک مٹانے کو ترجیح دیتی ہے ۔ اولاد اگرچہ ساری زندگی ماں
 
کو ستاتی رہے ، دکھ درد اور اذیتیں پہنچاتی رہے لیکن ماں انہیں تکلیف میں دیکھ کر سب بھول جاتی ہے۔مدنی گلدستہ
’’والدہ‘‘کے5حروف کی نسبت سے حدیثِ مذکور
اور اُس کی وضاحت سے ملنے والے5مدنی پھول(1)اُمُّ المؤمنین حضرت سیدتنا عائشہ صدیقہ رَضِیَ اللہُ تَعَالٰی عَنْہَا مساکین کا بہت خیال رکھا کرتی تھیں اور اُن پر صدقہ وخیرات بھی کیا کرتی تھیں۔
(2)اللہ عَزَّوَجَلَّ نے ماں کے دل میں اپنی اولاد کے لئے بہت شفقت و محبت رکھی ہے ۔
(3)ماں خود تکلیف اور پریشانی برداشت کر کے اولاد کو راحت و سکون پہنچاتی ہے ۔
(4)ماں کو ستانا اور اسے تکلیف دینا نزع کے وقت کلمہ پڑھنے میں رُکاوٹ بن سکتا ہے ۔
(5)اولاد کی تکلیف دیکھ کر ماں اُن کی طرف سے پہنچنے والی اذیتیں فراموش کر دیتی اور اُن کے سکھ چین کی کوشش کرتی ہے ، لہذا ہمیں بھی چاہیے کہ ماں کی عزت وعظمت کو سمجھیں اور اُن کے حقوق کو اچھی طرح ادا کریں ، انہیں تکلیف دینے کے بجائے راحت کا سامان مہیاکریں۔
اللہ عَزَّ وَجَلَّسے دعا ہے کہ وہ ہمیں ماں کی قدر کرنے کی توفیق عطا فرمائے، ہمیں ان کی نافرمانی سےمحفوظ رکھے، ان کے تمام حقوق ادا کرنے کی توفیق عطا فرمائے۔ آمِیْنْ بِجَاہِ النَّبِیِّ الْاَمِیْنْ صَلَّی اللہُ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللہُ تَعَالٰی عَلٰی مُحَمَّد