باب : مختلف رنگ اور اَقسام کے کپڑے پہننے کا بیان - فیضان ریاض الصالحین - حدیث نمبر: 785

عمامہ کے متعلق مدنی پھول:مُفَسِّرشہِیرمُحَدِّثِ کَبِیْرحَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”اس حدیث سے چند مسئلےمعلوم ہوئے:* ایک یہ کہ خطبہ ونمازعمامہ کے ساتھ بہترہے۔ ایک ضعیف حدیث میں ہے کہ عمامہ کی نماز سترنمازوں سے افضل ہے۔ *دوسرے یہ کہ سیاہ عمامہ بھی سنت ہے۔* تیسرے یہ کہ بغیرشملہ کا عمامہ سنت کے خلاف ہے، شملہ ضرور چاہیے۔* چوتھے یہ کہ عمامہ کے دو شملے ہونا افضل ہیں اور دونوں پشت پر پڑے ہوں۔ حضورصَلَّی اللّٰہ عَلَیْہِ وَسَلَّمکا عمامہ سات ہاتھ کا تھا اور شملہ ایک بالشت سے کچھ زیادہ، حضرت امیر معاویہ اورحضرت ابودرداء (رَضِیَ اللّٰہ تَعَالٰی عَنْہُما) اکثر سیاہ عمامہ باندھتے تھے، اسی سنت کی بنا پر حضورصَلَّی اللّٰہ عَلَیْہِ وَسَلَّمنے عبدالرحمان ابن عوف کے سیاہ عمامہ باندھا تھا یہ واقعہ جویہاں مذکور ہوا آپ کے مرض وفات کے خطبہ کا ہے۔“مدنی گلدستہ’’خطبہ‘‘کے4حروف کی نسبت سے حدیثِ مذکور اور اس کی وضاحت سے ملنے والے4مدنی پھول
(1) حضورعَلَیْہِ الصَّلٰوۃُ وَالسَّلَامنے مرض وفات کے خطبہ میں سیاہ عمامہ شریف پہنا تھا۔
(2) خطبہ ونمازعمامہ میں بہترہےاور ایک روایت میں ہے کہ عمامہ کی نماز سترنمازوں سے افضل ہے۔
(3) سیاہ عمامہ پہننا بھی سنت ہے اور عمامہ کے دو شملے ہونا افضل ہیں،بغیر شملہ کا عمامہ خلاف سنت ہے۔
(4) حضورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا عمامہ سات ہاتھ کا تھا اور شملہ ایک بالشت سے کچھ زیادہ۔اللّٰہ عَزَّوَجَلَّہمیں سنت کی ادائیگی کی نیت سے عمامہ شریف پہننے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد