باب: مجلس اور ساتھ بیٹھنے والوں کے آداب - فیضان ریاض الصالحین - حدیث نمبر: 837

مؤمن کی کوئی حالت ذِکرِاِلٰہی سے خالی نہ ہو:اس حدیث میں مجلس سے مراد ہر جائز مجلس ہے جو کہ گندگی وغیرہ سے خالی ہو لہٰذا قضائے حاجت کی مجلس،اسی طرح شراب خوروں کی مجلس اس سے مستثنیٰ(الگ)ہے ان موقعوں پر خدا تعالیٰ کا نام لینا بے ادبی ہے۔مطلب یہ ہے کہ جب کسی دینی یا دنیاوی مجلس میں بیٹھو اور جب بھی سونے کے لیے بستر پر دراز ہو توﷲکا ذکر ضرور کرلو ورنہ کل قیامت میں ان اوقات کے ضائع ہو جانے پر کفِ افسوس ملو گے۔بعض لوگ ہر وقت دُرُود شریف پڑھتے رہتے ہیں ا ن کی اصل یہ حدیث ہے،مؤمن کی کوئی حالتذِکْرُﷲسے خالی نہ چاہیئے۔شیخ عبدالحق محدث دہلویعَلَیْہِ رَحْمَۃُ اللّٰہ الْقَوِیفرماتے ہیں:بندے کو چاہیے کہ ہر حال میں اپنی نشست وبرخاست(بیٹھنے،اُٹھنے)،نیند اور بیداری کی حالت میں شب وروزاللّٰہ عَزَّوَجَلَّکے ذِکر میں مشغول رہےکیونکہ جو وقتاللّٰہ عَزَّوَجَلَّکے ذِکر سے خالی گزرے گا قیامت کے دن بندے کو اس پر بڑی حسرت ہوگی۔مدنی گلدستہ’’ صالحین‘‘کے6حروف کی نسبت سے احادیثِ مذکورہ اور اُن کی وضاحت سے ملنے والے6مدنی پھول
(1)اللّٰہ عَزَّوَجَلَّکے ذِکر سے خالی مجلسیں مُردار گدھے کی طرح ہیں اوران میں شرکت کرنےوالے اس مُردارکےکھانے والےہیں۔
(2) مؤمن کی کوئی مجلساللّٰہ عَزَّوَجَلَّکے ذِکر سے خالی نہیں ہوتی۔
(3) درود شریفذِکْرُﷲکی بہترین قسم ہے کہ دُرُود پاک میںاللّٰہ عَزَّوَجَلَّکا نام بھی ہے، حضورِ انورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا چرچہ بھی۔
(4) عمومًا مجلسوں میں جھوٹ غیبت وغیرہ گناہ ہوجاتے ہیں،اگر ان میں حمد و صلوٰۃوغیرہ بھی ہوتی رہے تو اس کی برکت سے یہ گناہ معاف ہوجاتے ہیں۔
(5) حضور ِانورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا ذِکر بھی گناہوں کی معافی کا ذریعہ ہے۔
(6) بندے کو چاہیے کہ ہر حال میںاللّٰہ عَزَّوَجَلَّکے ذِکر میں مشغول رہے۔اللّٰہ عَزَّوَجَلَّہمارے دلوں کو اپنی یاد سے معمور فرمائے اورہمیں وہ زبان عطا فرمائے جو ہر وقت اُس کے اور اُس کے محبوبصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے ذِکر میں مشغول رہے ۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد