باب: حِلْم ، اِطمینان اور نرمی کا بیان - فیضان ریاض الصالحین - حدیث نمبر: 642

مرآۃُ المناجیح میں ہے:(مذکورہ صفات کے حامل شخص کاآگ پر حرام ہونایا آگ کا اُس پر حرام ہونا یہ )دونوں لازِم و مَلزوم ہیں کہ دوزخ کی آگ پر وہ حرام ہوجائے اور دوزخ کی آگ اس پر حرام ہوجائے کہ نہ آگ اس تک پہنچے نہ آگ تک وہ پہنچے اور اگر وہ کسی وقت دوزخیوں کو نکالنے کے لیے دوزخ میں جائے تو اس کو آگ کی گرمی نہ پہنچے۔ھَیِّناورلَیِّندونوں کے معنیٰ ہیں نرم مگر جب یہ دونوں جمع ہوجاویں تو ایک سے مراد نرم طبیعت ہوتا ہے دوسرے سے مراد نرم زبان۔سَهْلٌکے معنیٰ ہیںسَمْحٌیعنی لوگوں کی زیادتیوں سے درگُزر کر جانے والا،قَرِيبکے معنیٰ ہیں لوگوں سے نزدیک رہنے والا کہ جب اس کی ضرورت پڑے تو حاضر ہو جائے اگر لوگ اس سے مُستغنی ہوں تو یہ بھی بے نیاز رہے۔نرم گفتگو کی وصیت:حضرت سیِّدُنامُعاذبن جبلرَضِیَ اللّٰہ تَعَالٰی عَنْہسے روایت ہے کہ پیارے مصطفےٰصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے مجھ سے ارشادفرمایا:’’میں تمہیںاللّٰہ عَزَّ وَجَلَّسے ڈرنے، سچی بات کرنے ، عہد پورا کرنے، امانتوں کو ادا کرنے، خیانت ترک کرنے ، یتیم پر رحم کرنے، پڑوسی کی حفاظت کرنے، غصہ پی جانے،سلام عام کرنے اور نرم گفتگو کرنے کی وصیت کرتا ہوں ۔‘‘شیطان اور اُس کےلشکر سے حفاظت:حضرت سیِّدُنا وَہْب بن مُنَبِّہ یَمانِیقُدِّسَ سِرُّہُ النُّوْرَانِیفرماتے ہیں:بنی اسرائیل کے عابد نے بارگاہِ اِلٰہی میں عرض کی: اِلٰہی! مجھے دکھا کہ شیطان لوگوں کو کیسےبہکاتا ہے؟پس اسےدکھایا گیا کہ شیطان کے لشکروں نے زمین کا اِحاطہ کیا ہواہے اورہر شخص کے اِردگردشَیاطین مکھیوں کی طرح موجود ہیں۔تواُس نےعرض کی: اے پروردگار!اِن سے کون بچ پائے گا؟ارشاد ہوا:’’پرہیزگاراورنرم مزاج شخص۔ ‘‘مدنی گلدستہ’’حِلْم‘‘کے3حروف کی نسبت سے حدیثِ مذکور اور اُس کی وضاحت سے ملنے والے3مدنی پھول
(1) لوگوں کے کام آنے والے ،نرم طبیعت، نرم زبان اور درگُزر کرنے والےپر جہنم کی آگ حرام ہے۔
(2) جس پر دوزخ کی آگ حرام ہوگی اسے آخرت میں دوزخ کی آگ کی گرمی نہ پہنچے گی۔
(3) پرہیز گار اور نرم مزاج بندے شیطان اور اس کے لشکر سے محفوظ رہتےہیں۔اللّٰہ عَزَّ وَجَلَّسے دعا ہے کہ وہ ہمیں نرم طبیعت والا اور درگزر کرنے والا بنائے ۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد