باب: کھانے سے پہلے بسْمِ اللہ اور بعد میں اَلْحَمْدُ لِلّٰہ کہنا - فیضان ریاض الصالحین - حدیث نمبر: 730

میٹھے میٹھے اسلامی بھائیو!معلوم ہواکہ گھر میں داخل ہوتےاور کھاتےوقتاللّٰہ عَزَّوَجَلَّکانام لینے سے سب گھر والے شیطان مَردُوداوراس کے چیلوں کے شرسےمحفوظ ہوجاتے ہیں۔اس طرح وہ گھر برائیوں، لڑائی جھگڑوں اور دیگر آفات و بَلیّات سےمحفوظ رہتا ہے ۔ ہرمسلمان کو چاہئے کہ گھر میں داخل ہوتے وقت اور کھانا کھاتے وقت بلکہ ہرجائز و نیک کام سے پہلےبِسْمِ اللّٰہضرور پڑھ لیا کرے تاکہ اسےاللّٰہ عَزَّوَجَلَّکے نام کی برکتیں نصیب ہو ں ۔شیطانوں کی محرومی:مرقاۃ المفاتیح میں ہے :”جب کو ئی گھر میں داخل ہوتے وقت اور کھانےسے قبلبِسْمِ اللّٰہپڑھ لےتو شیطان اپنے چیلوں سے کہتاہے: نہ یہاں تمہارے لئے رات گزارنے کی جگہ ہے نہ رات کا کھا نا یعنی اہلِ خانہ نے تم سےاپنی جان اور کھانامحفوظ کر لیا ہے اب یہاں تمہیں نہ رہائش ملے گی نہ کھانا۔ایک قول یہ بھی ہے کہ شیطا ن کا یہ کلام اہلِ خانہ کے لئے بطورِ بد دعاہوتا ہے یعنی جیسا تم نے ہمیں محروم کیا ایسے ہیاللّٰہ عَزَّوَجَلَّتمہیں کھانے سے محروم کرے۔بندہ جباللّٰہ عَزَّوَجَلَّکے ذکر سےغافل ہوجائے توشیطان کواس کے کاموں میں مداخلت کا موقع مل جاتا ہے،مگر جب وہ اپنے جمیع احوال میں ذِکرِ الٰہی کاپابند رہے توشیطان اسےبہکانے پرقادر نہیں ہوتا اوراس سے بالکل مایوس ہوجاتاہے۔“مرآۃ المناجیح میں ہے:(نہ تمہارے لئے رات گزارنے کی جگہ ہے نہ رات کا کھا نا )شیطان کا یہ خطاب اپنی ذُرِّیت سے ہوتا ہے اور ممکن ہے کہ اس خطاب میں قرین (ہرانسان کے ساتھ رہنے والا ایک شیطان)بھی داخل ہو کہ وہ بھی اسبِسْمِ اللّٰہکی برکت سے نہ کھائے اور ہمارے گھر میں رہنے سہنے سے محروم ہو جائے اوراس کےشر سے محفوظ ہو جائے اوراللّٰہکے ذِکر سے غافل اس نعمت سے محروم رہے۔دوپہر کے کھانے کو (عربی میں)’’غَدَا‘‘کہتے ہیں اوربعددوپہرسےرات تک کے کھانے کو’’عَشَا‘‘کہاجاتا ہے،یہاں مراد مطلقًا کھانا ہے جوشخص صبح کو یہ عمل کرے تو ناشتہ اوردوپہر کے کھانے سے شیطان محروم ہوگا جوبعددوپہریہ عمل کرے تو رات کے کھانے سے وہ محروم رہے گا۔گھرمیں داخل ہونے کاطریقہ:ہر شخص گھر میں داخل ہوتے وقت پوریبِسْمِ اللّٰہپڑھ کر داہنا قدم پہلے دروازہ میں داخل کرے پھر گھر والوں کو سلام کرتا ہوا گھر میں آئے،اگر کوئی نہ ہو تو”اَلسَّلَامُ عَلَیْكَ اَیُّہَاالنَّبِیُّ وَرَحْمَۃُ اللّٰہ وَبَرَکَاتُہُ“ کہہ دے۔بعض بزرگوں کودیکھا گیا کہ اوّل دن میں جب پہلی بار گھرمیں ہوتے ہیں توبِسْمِ اللّٰہاورقُلْ ھُوَ اللّٰہ(مکمل سورت)پڑھ لیتے ہیں کہ ا س سے گھر میں اتفاق بھی رہتا ہے اور رزق میں برکت بھی۔مدنی گلدستہ’’عرفات‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) اپنی جان ومال کو شیطان کے شر سے بچانے کابہترین ذریعہ ذکر ِالٰہی میں مشغولیت ہے ۔
(2) شیطان انسان کے کاموں میں اسی وقت مداخلت کرتا ہے جب وہ انہیںذِکرُ اللّٰہسے غافل پاتاہے ۔
(3) جس کھانے پراللّٰہ عَزَّوَجَلَّکانام لیاجائے وہ شیطان اور اس کے چیلوں کے شر سے محفوظ ہوجاتاہے۔
(4) شَیاطین اُسی گھرمیں بسیرا کرتے ہیں جس کے مکیناللّٰہ عَزَّوَجَلَّکا نام لئے بغیر گھر میں داخل ہوتےہوں۔
(5)بِسْمِ اللّٰہاور سورہ اخلاص پڑھ کر گھر میں داخل ہو نارزق میں برکت اورگھر میں اتفاق کاسبب ہے۔اللّٰہ عَزَّوَجَلَّہمیں گھر میں داخل ہوتے اور کھانا کھاتے وقتبِسْمِ اللّٰہپڑھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد