باب:زکوٰۃ کی فرضیت و فضیلت کابیان - فیضان ریاض الصالحین - حدیث نمبر: 1214

جہنم کاعذاب بہت سخت ہے:اعلیٰ حضرت امام اہلسنت مولانا شاہ امام احمدرضا خانعَلَیْہِ رَحْمَۃُ الرَّحْمٰنفرماتے ہیں:”اے عزیز ! کیا خدا ورسولعَزَّ وَجَلَّ و صَلَّی اﷲ تَعَالٰی عَلَیْہِ وَاٰلِہٖ وَسَلَّمکے فرمان کو یونہی ہنسی ٹَھٹّھا سمجھتا ہے یا پچاس ہزار برس کی مدّت میں یہ جانکاہ مُصیبتیں جھیلنی سہل (آسان)جانتا ہے، ذرا یہیں کی آگ میں ایک آدھ روپیہ گرم کر کے بدن پر رکھ کر دیکھ،پھر کہاں یہ خفیف ( ہلکی ) گرمی، کہاں وہ قہر ِآگ، کہاں یہ ایک ہی روپیہ ،کہاں وہ ساری عمر کا جوڑا ہوا مال، کہاں یہ منٹ بھر کی دیر کہاں وہ ہزاردن برس کی آفت ، کہاں یہ ہلکا سا چہکا ( معمولی سا داغ) کہاں وہ ہڈّیاں توڑ کر پار ہونے ولا غضب۔اﷲتعالیٰ مسلمان کو ہدایت بخشے۔
میٹھے میٹھے اسلامی بھائیو!معلوم ہواکہ جو مالدار اپنے مال کی زکوٰۃ ادا نہیں کرتا بروزِ قیامت اسے بہت سخت عذاب دیا جائے گا، اس کا جمع کیا ہوا مال وہاں کچھ کام نہ آئے گا بلکہ یہی مال اس کےلئے وبالِ جان بن جائے گا، اسی مال سے اسی کوسزا دی جائے گی ، جی ہاں !جس نے سونے چاندی کی زکوٰۃ ادا نہ کی ہوگی اس کے پہلو، پیٹھ اور پیشانی کو سونے چاندی سے داغا جائے گا وہ بھی جہنم کی آگ میں گرم کر کے۔ اسی طرح جس نے اپنے جانوروں کی زکوٰۃ ادا نہ کی ہوگی اسے کھلے میدان میں لٹا دیا جائے گا اور وہی جانور اسے اپنے کُھروں سے کچلیں گے اور منہ سےکاٹیں گے ،سارا دن وہ اس درد ناک عذاب میں مبتلا رہے گا،وہ دن کوئی عام دن نہ ہوگابلکہ پچاس ہزار سال کے برابر ہوگا۔پھر اس کے بعد کا معاملہ علیحدہ ہے۔اﷲ عَزَّ وَجَلَّہمیں جہنم کے عذاب سے محفوظ رکھے اور اپنے غضب سے بچائے۔آمینپیشانی ، پہلو اور پیٹھ کی تخصیص:حدیثِ مذکورمیں بیان ہوا کہ زکوٰۃ نہ دینے والے کےپہلو،پیشانی اور پیٹھ کو جہنمی آگ میں گرم کئے ہوئے سونے چاندی سے داغا جائے گا۔حضرت سیدناابو عبداﷲمحمد بن احمد ابوبکر قرطبیعَلَیْہِ رَحْمَۃُ اﷲ الْقَوِیفرماتے ہیں:”ان تین اعضاءکوخصوصیت سےبیان کرنے کی ایک وجہ تویہ ہے کہ داغنے سے چہرہ بدنما و بدصورت ہو جائے گا اس طرح زکوٰۃ نہ دینے والے کی خوب تشہیر ہوگی اور وہ ذلیل و خوار ہوگا۔پہلو اورپیٹھ میں باقی اعضاء کے مقابلے میں زیادہ تکلیف ہوتی ہے اس لئے انہیں داغا جائے گا ۔ یہ بھی کہاگیا ہےکہ دنیا میں سائل کو دیکھ کر منہ بگاڑنے اور اس سے چہرہ پھیر لینے کی وجہ سے چہرہ داغا جائے گااور سائل سےپہلو تہی کرنے کی وجہ سےپشت وپہلو کوداغا جائے گا۔ایک قول یہ ہےکہ مال وجاہ طلب کرنے کے جرم میں چہرے کو،فقیروں اورناداروں سے اعراض کرنے کے جرم میں پہلو کواوراﷲ عَزَّ وَجَلَّپر توکل کرنے کے بجائے مال واسباب پر بھروسہ کرنے کے جرم میں پُشت کو داغا جائے گا ۔“زکوٰۃ نہ دینے کے نقصانات:یادرہےکہ جس طرح زکوٰۃ کی ادائیگی کے بے شمار دینی ودنیوی فوائد وثمرات ہیں اسی طرح زکوۃ ادا نہ کرنے کےبےشمار دِینی ودُنیوی نقصانات اورسخت عذاب کی وعیدیں بھی ہیں۔اِس ضمن میں چندفرامینِ مصطفےٰصَلَّی اﷲ تَعَالٰی عَلَیْہِ وَاٰلِہٖ وَسَلَّمملاحظہ فرمائیے:
(1)”خشکی و تری میں جو مال بھی ضائع ہوا وہ زکوٰۃ نہ دینے کی وجہ سے ضائع ہوا۔“(2)”جوقوم زکوٰۃ نہ دےگیاﷲعَزَّ وَجَلَّاسے قحط میں مبتلا فرمائے گا۔“(3)”جب لوگ زکوٰۃ کی ادا ئیگی چھوڑ دیتے ہیں تواﷲ عَزَّ وَجَلَّبارش روک دیتا ہے اگر زمین پر چوپا ئے نہ ہوں تو آسمان سے پا نی کا ایک قطرہ بھی نہ گرے۔“ (4)”زکوۃ نہ دینے والے پر رسولُاﷲ صَلَّی اﷲ تَعَالٰی عَلَیْہِ وَاٰلِہٖ وَسَلَّمنے لعنت فرمائی ہے۔“ (5)اﷲ عَزَّ وَجَلَّکے مَحبوب، دانائے غُیوبصَلَّی اﷲ تَعَالٰی عَلَیْہِ وَاٰلِہٖ وَسَلَّمنے کنگنوں کی زکوٰۃ ادا نہ کرنے والی ایک خاتون سے فرمایا:” کیا تم اس بات سے خوش ہو کہ قیامت کے دناﷲتعالیٰ تمہیں ان کنگنوں کے بدلے آگ کے کنگن پہنا ئے؟“یہ سنتے ہی اس نیک خاتون نے فوراً وہ کنگن اتار دئیے اوررسولُاﷲ صَلَّی اﷲ تَعَالٰی عَلَیْہِ وَاٰلِہٖ وَسَلَّمکے آگےرکھتے ہوئے عرض کی:”آقا!یہاﷲ عَزَّ وَجَلَّاور اس کے رسولصَلَّی اﷲ تَعَالٰی عَلَیْہِ وَاٰلِہٖ وَسَلَّمکے لئے ہیں۔“(6)”جس مال کی زکوٰۃ نہ دی جائے گی بروزِ قِیامت وہ پُرانا خبیث خونخوا ر اَژدہا بن کر اُس کے پیچھے دوڑے گا ، یہ ہاتھ سے روکے گا، وہ ہاتھ چبالے گا، پھر گلے میں طوق بن کر پڑے گا، اس کا مُنہ اپنے مُنہ میں لے کر چبا ئے گا (اور کہے گا)کہ میں ہوں تیرا مال، میں ہُوں تیرا خزانہ پھر اس کاسارا بدن چبا ڈالے گا۔“والْعِیاذُبِاﷲ رَبِّ العٰلَمِیْنمدنی گلدستہ’’زکوٰۃ ادا کرو‘‘کے10حروف کی نسبت سے اَحادیثِ مذکورہ اور ان کی وضاحت سے ملنے والے10مدنی پھول
(1) زکوٰۃ ادا نہ کرنا سخت کبیرہ گناہ ہے اور زکوٰۃ کا انکار کفر ہے۔
(2) قیامت کا دن مجرموں کے لئے بہت طویل ہوگااورنیکوں کے لئے بہت مختصر۔
(3) زکوٰۃ اور دیگر حقوقِ مالیہ ادا کرنے والا بخل جیسی مذموم صفت سے محفوظ رہتاہے۔
(4) جو قوم زکوٰۃ ادا نہیں کرتی اسے قحط سالی میں مبتلا کردیا جاتاہے اور ان پر برسات روک دی جاتی ہے۔
(5) جانوروں کی زکوٰۃ نہ دینے والوں کو بروزِ قیامت ان کے جانور اپنے کُھروں سے کچلیں گے اورسینگوں سے ماریں گے۔
(6) جس مال کی زکوٰۃ ادا نہ کی گئی بروزِ قیامت وہ مال خونخوار اژدہا بن کر اپنے مالک کو ڈَسے گا۔
(7) زکوٰۃ نہ دینےوالا ایسا بد نصیب ہے کہ نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمنے اس پرلعنت فرمائی ہے۔
(8) زکوٰۃ ادا کرنے والے پر رحمتِ الٰہی کی برسات ہوتی ہے۔
(9) زکوٰۃ کی ادائیگی سے غریبوں کی مدد ہوتی اورغریب و امیر کے درمیان فاصلے کم ہوتے ہیں۔
(10) زکوٰۃ ادا کرنے والے کا مال بڑھتا رہتاہے۔اﷲ عَزَّ وَجَلَّسے دعا ہے کہ وہ ہمیں خوش دِلی سےزکوٰۃ ادا کرنے کی توفیق عطا فرمائے، زکوۃ ادا نہ کرنے کے وبال اور اس کی وعیدوں وعذابات سے بچائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد