باب:زکوٰۃ کی فرضیت و فضیلت کابیان - فیضان ریاض الصالحین - حدیث نمبر: 1210

اسلام میں زکوۃکی اہمیت :مفتی امجد علی اعظمیعَلَیْہِ رَحْمَۃُ اﷲ الْقَوِیاس حدیث پاک کے تحت فرماتے ہیں:”اس حدیث سے معلوم ہوا کہ نِری کلمہ گوئی اسلام کیلئے کافی نہیں، جب تک تمام ضروریاتِ دین کا اقرار نہ کرے اور امیر المومنین فاروق اعظمرَضِیَ اﷲ تَعَالٰی عَنْہُکا بحث کرنا اس وجہ سے تھا کہ ان کے علم میں پہلے یہ بات نہ تھی کہ وہ فرضیت کے منکر ہیں یہ خیال تھا کہ زکوٰۃ دیتے نہیں اس کی وجہ سے گنہگار ہوئے، کا فر تو نہ ہوئے کہ ان پر جہاد قائم کیا جائے، مگر جب معلوم ہوگیا تو فرماتے ہیں میں نے پہچان لیا کہ وہی حق ہے،جوصدیق نےسمجھااورکیا۔“
میٹھے میٹھے اسلامی بھائیو! معلوم ہواکہ اسلام میں زکوٰۃ کی بہت زیادہ اہمیت ہے۔اس کی فرضیت کاانکار کفر ہے اورجو اسے فرض تو مانے مگر شرائط پائی جانے کے باوجود ادا نہ کرے وہ سخت گناہ گار ہے ۔ زکوٰۃ کی ادائیگی سے بظاہر مال کچھ کم ہوتا نظرآتاہے مگر حقیقتاً مال بڑھتا ہے،جس طرح کنویں سے پانی نکلتا رہے تو وہ جاری رہتاہے اور پانی بڑھتا رہتاہے اسی طرح زکوٰۃ کی ادائیگی سے بھی مال میں برکت ہوجاتی ہے جس کے نتیجے میں مال چوری و ڈاکہ زَنی اور دیگر آفات سے محفوظ رہتاہے۔فرمانِ مصطفےٰصَلَّی اﷲ تَعَالٰی عَلَیْہِ وَاٰلِہٖ وَسَلَّمہے:”اپنے مالوں کی زکوٰۃ دے کر انہیں مضبوط قلعوں میں محفوظ کر لو اور اپنے بیماروں کا علاج صدقہ و خیرات سے کرو۔“ایک اور جگہ فرمایا:”صدقہ دینے سے مال کم نہیں ہوتا اور بندہ کسی کاقصور معاف کرے تواﷲ تعالٰیاس کی عزت ہی بڑھاتاہے۔‘‘مدنی گلدستہ’’شعبان‘‘کے5حروف کی نسبت سے احادیثِ مذکورہ اور ان کی وضاحت سے ملنے والے5مدنی پھول
(1) سرکارِدوعالَمصَلَّی اﷲ تَعَالٰی عَلَیْہِ وَاٰلِہٖ وَسَلَّمنے حضرت سیدنا مُعاذرَضِیَ اﷲ تَعَالٰی عَنْہُکو جب یمن کے لئے روانہ فرمایا تو انہیں غیب کی خبر دیتے ہوئے فرما دیا کہ جب تمہاری واپسی ہوگی تو ہمیں نہ پاؤ گے ۔
(2) درست عقائد کے ساتھ نمازروزے ودیگراعمال صالحہ کی پابندی کامل ایمان کی علامت ہے۔
(3) جوزکوٰۃ کی شرائط پائی جانے کے باوجود زکوٰۃ ادا نہ کرے تو سخت گناہ گار ہے ۔
(4) نِری کلمہ گوئی اسلام کیلئے کافی نہیں، بلکہ تمام ضروریاتِ دین کا اقراربھی ضروری ہے۔
(5) زکوٰۃ سے مال محفوظ رہتاہے اور صدقہ خیرات کرنے سے بیماریاں دور ہوتی ہیں۔اﷲ عَزَّ وَجَلَّسے دعا ہے کہ وہ ہمیں زکوٰۃ اداکرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد