باب:رمضان کے روزوں کی فرضیت کا بیان - فیضان ریاض الصالحین - حدیث نمبر: 1221

اِسلام میں چاند کی اہمیت:فیوض الباری میں ہے:”اکثر عباداتِ اسلامی کامدار چاند پر ہے ، اس لئے ہرمہینے کاچاند دیکھنے کا اہتمام ہونا چاہیےخصوصاً شبِ براءت،رمضان،شوال،عیدالاضحیٰ کے چاندکےلئےتوخاص اہتمام ہونا چاہیے۔ مطلبِ حدیث یہ ہےکہ جب رمضان یا شوال کاچاند ثابت ہوجائے تب روزہ رکھو اورعید مناؤ،شک وشبہ کی بنیاد پر نہ روزہ رکھو نہ عیدمناؤ اور اگر اَبر وغبار کی وجہ سے چاند دکھائی نہ دے تومہینے کا اندازہ کر لو یعنی تیس دن پورے کرلوکیونکہ قمری مہینہ 29 دن سے کم اور30دن سے زیادہ نہیں ہوتا۔ واضح ہو کہ شعبا ن کی29 تاریخ کو چاند کی تلاشوَاجِبْ عَلَی الْکِفَایَہہے، اگر چاند نظر آجائے روزہ رکھ لیں ورنہ شعبان کے تیس دن پورے کرکے روزہ رکھیں۔اسی طرح اگر29رمضان کوچاند نظر نہ آئے تو30 روزے پورے کرکے عید کریں۔بہارِشریعت میں ہے: پانچ مہینوں کا چاند دیکھنا، واجب ِکفایہ ہے:”(1) شعبان(2) رمضان(3) شوال(4) ذیقعدہ(5) ذی الحجہ۔شعبان کا اس لئے کہ اگر رمضان کا چاند دیکھتے وقت اَبر یا غبار ہو تو یہ تیس پورے کر کے رمضان شروع کریں اور رمضان کاروزہ رکھنے کے لیے اور شوال کا روزہ ختم کرنے کے لیے اورذیقعدہ کا ذی الحجہ کےلئے اور ذی الحجہ کا بقرعید کے لیے۔“مدنی گلدستہ’’بارہویں‘‘شریف کی نسبت سے احادیثِ مذکورہ اور ان کی وضاحت سے ملنے والے12مدنی پھول
(1) روزہ بہت قدیم عبادت ہے،حضرت سیدناآدمعَلَیْہِ الصَّلٰوۃُ وَالسَّلَامسے لے کر ہماری شریعت تک تمام شریعتوں میں روزے فرض تھے،اگرچہ احکام میں فرق تھا۔
(2) بروزِ قیامت روزہ دار جب اپنی قبروں سے اٹھیں گے توان کے منہ سے ایسی خوشبو آئےگی جومشک سے بھی بہتر ہوگی ۔
(3) تمام عبادات و اَعمالِ صالحہ کی جزا فرشتوں کے ذریعے دِلوائی جائے گی مگر روزہ وہ عظیم عبادت ہےجس کاثواباﷲ عَزَّ وَجَلَّخود ہی عطا فرمائے گا۔
(4) امامُ الاَتقیاحضرت سیدنا صِدّیقِ اکبررَضِیَ اﷲ تَعَالٰی عَنْہُتمام حَسَنات وخیرات کےجامِع ہیں اورتقوے کے انتہائی مرتبے پر فائز ہیں آپ کی ایک خصوصیت یہ ہےکہ آپ کوجنت کے ہر دروازے سے بلایا جائے گا۔
(5) جنت کے بَابُ الضُّحٰی نامی دروازےسےوہی لوگ داخل ہوں گے جونمازِچاشت کےپابند تھے ۔
(6) جو مسلمان ایک دن کا نفلی روزہ رکھے وہ جہنم سے ستر سال کی مسافت تک دور کردیا جاتا ہے ۔
(7) بروزِقیامت روزہ دارکو ایسا جنتی پھل کھلایا جائے گا جس کی مٹھاس اور ذائقہ شہد جیسا ہوگا۔
(8) اَعمالِ صالحہ کی برکت سے وہ صغیرہ گناہ معاف ہوتے ہیں جوحُقُوقُ اﷲسے متعلق ہوں۔
(9) رمضان شریف میں جنت کے دروازے کھول دئیے جاتے ہیں اورجہنم کے دروازے بندکر دئیے جاتے ہیں۔
(10) رمضا ن میں سرکش شیاطین قید کردئیے جاتے ہیں ،اس مہینے میں جو بھی گناہ ہوتے ہیں وہ نفسِ اَمّارہ کی شرارت سے ہوتے ہیں نہ کےشیطان کے بہکانے سے۔
(11) روزے سے گنہگاروں کے گناہ معاف ہوتے ہیں جبکہ نیکوں کے درجات بڑھتے ہیں۔
(12) شعبان،رمضان ، شوال،ذوالقعدہ، ذوالحجہ،ان پانچ مہینوں کا چاند دیکھناواجِبْ عَلَی الْکِفَایَہہے۔اﷲ عَزَّ وَجَلَّسے دعا ہے کہ وہ ہمیں رمضان المبارک کے روزے رکھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد