باب:جلدی اِفطار کرنے کی فضیلت کا بیان - فیضان ریاض الصالحین - حدیث نمبر: 1234

مذکورہ حدیثِ پاک سے پتا چلا کہ افطار میں تاخیر کرنا سنّت نہیں بلکہ جلدی کرنا سنّت ہے جیساکہ اُمُّ المؤمنین حضرت سیدتنا عائشہ صدیقہرَضِیَ اﷲ تَعَالٰی عَنْہَانے بتایا کہ نبی کریم رَءُوْفٌ رحیمصَلَّی اﷲ تَعَالٰی عَلَیْہِ وَاٰلِہٖ وَسَلَّمکا یہی طریقہ تھا کہ آپ افطار اور نمازِ مغرب میں جلدی کیا کرتے تھے۔جو صحابی افطار میں جلدی کیا کرتے تھے وہ حضرت عبداﷲبن مسعودرَضِیَ اﷲ تَعَالٰی عَنْہُتھے اور جو کچھ تاخیر کرتے تھے وہ حضرت ابو موسیٰ اشعریرَضِیَ اﷲ تَعَالٰی عَنْہُتھے۔جلدی افطارکرنا سنتِ مستحبہ:مُفَسِّرِشہِیرمُحَدِّثِ کَبِیْرحَکِیْمُ الاُمَّتمُفتِی احمدیارخانعَلَیْہِ رَحْمَۃُ الْحَنَّانفرماتے ہیں:یہ دونوں حضرات جلیل القدر تابعی ہیں،ان میں نمازِ مغرب اور افطارِروزہ میں اختلا ف ہوا،فیصلہ کے لیے اُمُّ المؤمنین عائشہ صدیقہرَضِیَ اﷲ تَعَالٰی عَنْہَاکے پاس حاضر ہوئےکیونکہ آپ بڑی فقیہہ عالمہ تھیں۔نماز سے مراد نمازِ مغرب ہے اور جلدی سے بہت ہی جلدی آفتاب کا کنارہ چھپتے ہی بالکل مُتَّصِل اور دیر سے مراد چند منٹ کی احتیاطًا دیر لگانا ہے نہ کہ تارے گتھ جانے تک کی تاخیر۔ لہٰذا ان میں سے کسی بزرگ پر اعتراض نہیں،ایک صاحب عزیمت پر عامل ہیں دوسرے رخصت پر۔حضرت اُمُّ المؤمنین نے جناب عبدﷲ کے عمل کو سنتِ مُسْتَحَبَّہ کے موافق بتایا اور قدرے تاخیر کومستحب قرار دیا۔معلوم ہوا کہ جناب اُمُّ المؤمنین مزاج شناسِ رسول ہیں اور اَحوال دانِ مصطفےٰصَلَّی اﷲ عَلَیْہِ وَسَلَّم۔غالِب یہ ہے کہ یہ خبرحضرت ابو موسیٰ اَشعری کو پہنچی ہوگی اور انہوں نے اپنے عمل میں تبدیلی کرلی ہوگی،صحابہ سے یہ توقع ہوسکتی ہی نہیں کہ حضورِ اَنورصَلَّی اﷲ عَلَیْہِ وَسَلَّمکے عمل سے واقف ہوکر اُس کے خلاف کام کریں۔مدنی گلدستہ’’صَوم‘‘کے3حروف کی نسبت سے حدیثِ مذکور اور اس کی وضاحت سے ملنے والے3مدنی پھول
(1) اُمُّ المؤمنین حضرت سیدتنا عائشہ صدیقہرَضِیَ اﷲ تَعَالٰی عَنْہَابڑی فقیہہ عالِمہ تھیں کہ صحابہ ٔکرامعَلَیْہِمُ الرِّضْوَانآپ کے پاس اپنے مسائل کے حل کے لئے آتے تھے۔
(2) اِفطار میں جلدی کرنا حضورنبی کریم رَءُوْفٌ رحیمصَلَّی اﷲ تَعَالٰی عَلَیْہِ وَاٰلِہٖ وَسَلَّمکا طریقہ ہے۔
(3) صحابۂ کرامعَلَیْہِمُ الرِّضْوَانہمیشہ حضورِاَنورصَلَّی اﷲ عَلَیْہِ وَسَلَّمکےعمل کی مُوَافقت کیا کرتے تھے۔اﷲ عَزَّ وَجَلَّسے دعا ہے کہ وہ ہمیں بھی حضورعَلَیْہِ الصَّلٰوۃُ وَالسَّلَامکی سیرتِ طیبہ پرعمل کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد