باب:سفرمیں چلنے اور آرام کرنے کے آداب - فیضان ریاض الصالحین - حدیث نمبر: 966

جانوروں پر حضورعَلَیْہِ السَّلَامکا کرم:ہمارے پیارے پیارے آقا، مدینے والے مصطفےٰصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکتنے رَءُوْفٌ رَّحیم ہیں کہ انسان تو انسان جانوروں پر بھی رحم کرنے کا درس دے رہے ہیں جب آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے کمزور اونٹ دیکھا تو فرمایا :”ان بے زبان جانوروں کے معاملے میںاللّٰہ تَعَالٰیسے ڈرو۔“بے شک یہ جانور بول نہیں سکتے ،اپنے دکھ درد کی شکایت نہیں کر سکتے مگراللّٰہ عَزَّوَجَلَّسب جانتا ہے وہ تم سے ان جانوروں کے بارے میں بھی پوچھ گچھ فرمائے گا۔مُفَسِّرشہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:علما فرماتے ہیں کہ جانور پر ظلم انسان پر ظلم کرنے سے زیادہ بڑا ہے کہ انسان تو اپنا دکھ درد کسی سے کہہ سکتا ہے بے زبان جانور کسی سے فریاد بھی نہیں کرسکتا۔اس حدیث سے معلوم ہوا کہ جانور کا چارہ پانی مالک پر واجب ہے،بعض آئمہ کے ہاں ظالم مالک کو حاکم جانور فروخت کردینے پر مجبور کرسکتا ہے۔(ان پراس وقت سوار ہو جب یہ صحیح حالت میں ہوں)یعنی جو جانور سواری کے لائق ہو اس پر سوار ہو،بیمار اور کمزور، چھوٹے بچے پر نہ سواری کرو نہ بوجھ لادو،یہ ہے اسلامی عدل و انصاف اور یہ ہے حضور(صَلَّی اللّٰہ تَعَالٰی عَلَیْہِ وَاٰلِہٖ وَسَلَّم) کی رحمتعَلَی الْخَلق،آج حکومتیں جانوروں کے متعلق قوانین بناتی ہیں ظالم مالکوں کا چالان کرتی ہیں ان کا ماخذ یہ حدیث ہے۔صَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد