باب:سفرمیں چلنے اور آرام کرنے کے آداب - فیضان ریاض الصالحین - حدیث نمبر: 964

رات میں زیادہ مسافت طےہوتی ہے:عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہِ الْبَارِیفرماتے ہیں:”یعنی صِرف دن میں سفر کرنے پر اکتفا مت کرو بلکہ رات میں بھی سفر کرو کیونکہ رات میں سفر کرنا فائدہ مند ہے کہ مسافر سمجھتا ہے کہ اُس نے تھوڑا راستہ طے کیا حالانکہ وہ بہت زیادہ راستہ طے کرلیتا ہے۔“مُفَسِّرشہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”اب بھی اہل عرب رات میں سفر زیادہ کرتے ہیں،سمندری جہاز رات میں تیز چلائے جاتے ہیں،تمام حجاج سے بعد نمازِ عشا کہہ دیا جاتا ہے کہ اب آرام کرو جیساکہ ہم نے تجربہ کیا۔“