باب: چھینک اور جَمَاہی کے آداب کابیان - فیضان ریاض الصالحین - حدیث نمبر: 882

چھینک میں آواز پست کرنے کی حکمتیں:مُفَسِّرِشہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”چھینک کے وقت اپنا پورا چہرہ یا پورا منہ کپڑے یا ہاتھ سے ڈھانپ لینا سنت ہے کہ اس سے رطوبت کی چھینٹیں نہ اُڑیں گی اور اپنے یا دوسرے کے کپڑے خراب نہ ہوں گے اور چھینک کی آواز حتَّی الامکان پست کرنا بھی سنت ہے کہ یہ آواز بلند ہو تو بُری معلوم ہوتی ہے لوگ اُچھل پڑتے ہیں،چھینک کی آواز آہستہ نکلےاَلْحَمْدکی آواز بلند ہو۔“صَدْرُالشَّرِیْعَہ، بَدرُالطَّرِیْقَہ، حضرتِ علامہ مولانا مفتی محمد امجد علی اعظمیعَلَیْہِ رَحْمَۃُ اللّٰہ الْقَوِیفرماتے ہیں:”چھینک کے وقت سرجھکالے اور مونھ چھپالے اور آواز کو پست کرے، چھینک کی آواز بلند کرنا حماقت ہے۔“”آواز کو پست کرنے میں حکمت یہ ہے کہ اس طرح تمام اعضا جھنجھناہٹ سے بچ جاتے ہیں۔“