باب: سونے کی دعا کا بیان - فیضان ریاض الصالحین - حدیث نمبر: 819

سوتےوقت ذِکر الٰہی کرنا :مُفَسِّرشہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں: اس حدیث میں مجلس سے مراد ہر جائز مجلس ہے جو کہ گندگی وغیرہ سے خالی ہو لہٰذا قضائے حاجت کی مجلس،اسی طرح شراب خوروں کی مجلس اس سے مستثنیٰ ہے ان موقعوں پر خدا تعالیٰ کا نام لینا بے ادبی ہے۔مطلب یہ ہے کہ جب کسی دینی یا دنیاوی مجلس میں بیٹھو اور جب بھی سونے کے لیے بستر پر دراز ہو توﷲکا ذکر ضرور کرلو ورنہ کل قیامت میں ان اوقات کے ضائع ہو جانے پر کف افسوس ملو گے۔بعض لوگ ہر وقت درود شریف پڑھتے رہتے ہیں ا ن کی اصل یہ حدیث ہے،مؤمن کی کوئی حالت ذکرﷲسے خالی نہ چاہیئے۔
حضورنبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکا فرمانِ نصیحت نشان ہے:”اہل جنت کوکسی چیز کا بھی افسوس نہیں ہوگا سوائے اس ساعت (گھڑی )کے جواللّٰہ عَزَّوَجَلَّکے ذِکر کے بغیر گزرگئی۔“مدنی گلدستہ’’ذِکر ‘‘کے3حروف کی نسبت سے احادیثِ مذکورہ اور ان کی وضاحت سے ملنے والے3مدنی پھول
(1) اٹھتے بیٹھتے،سوتےجاگتے ہروقت ہر حال میںاللّٰہ عَزَّوَجَلَّکا ذِکر کرتے رہنا چاہیے ۔
(2) قضائے حاجت کے وقت اور بُری مجلس میں خدا تعالیٰ کا ذِکر کرنا بے ادبی ہے۔
(3) اہل جنت کوکسی بھی چیز کا افسوس نہیں ہوگا مگر اس وقت کا کہ جواللّٰہ عَزَّوَجَلَّکے ذکر کے بغیر گزر ا۔اللّٰہ عَزَّوَجَلَّہمیں کثرت سے ذِکر الٰہی کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد