باب: سلام کی فضیلت اور اسے عام کرنے کا بیان - فیضان ریاض الصالحین - حدیث نمبر: 850

عملی تبلیغ:مُفَسِّر شہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”حضرت ابنِ عمررَضِیَ اللّٰہ تَعَالٰی عَنْہُہرتاجروغیر تاجر،امیروفقیر،واقف وناواقف سب کو سلام کرتے۔سلام کی اشاعت اور لوگوں کو سلام کا عادی بنانے کےلئے یہ عملی تبلیغ تھی۔معلوم ہوا کہ لوگوں کو سنت کا عادی بنانا بھی بہترین عبادت ہے۔علماء کِرام اگر لوگوں کے پاس جاکر انہیں تبلیغ کریں تو بہت ہی اچھا ہے،گھر بُلاکر تبلیغ کرنا اور لوگوں کے گھر جاکر تبلیغ کرنا دونوں ہی سنت ہیں۔“
میٹھے میٹھے اسلامی بھائیو!مذکورہ حدیث سے ثابت ہوا کہ ہمارے اسلاف کرامرَحِمَہُمُ اللّٰہ السَّلَامنیکیوں کے بہت زیادہ حریص تھے۔یہی حرص انہیں ایسے اعمال پر ابھارتی جن میں ثواب کے کثیر مواقع ہوتےجیسا کہ حضرت سَیِّدُنَاعبداللّٰہبن عمررَضِیَ اللّٰہ تَعَالٰی عَنْہُمَاکا سلام کی خاطربازار جانا۔ لوگ عموماً بازار میں مال کماتے ہیں مگر نیکیوں کے حریص ہر جگہ نیکیاں کمانے کا موقع ڈھونڈ لیتے ہیں۔اللّٰہ عَزَّوَجَلَّہمیں بھی نیکیوں کا حریص بنائے اور اپنے اَسلاف کرامرَحِمَہُمُ اللّٰہ تَعَالٰیکے نقشِ قدم پر چلنے کی توفیق عطا فرمائے ۔سنتوں پر عمل کے شیدائی:مذکور روایت میں نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے بہت ہی پیارے صحابی حضرت سَیِّدُناعبداللّٰہبن عمررَضِیَ اللّٰہ تَعَالٰی عَنْہماکاذکرِ خیر ہے۔ آپرَضِیَ اللّٰہ تَعَالٰی عَنْہُکونبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی اداؤں کو اپنانے کا بے حد شوق تھا،جس کام کا سنت ہونامعلوم ہوجاتا اس پر ضرور عمل کرتے۔چنانچہ حضرت سَیِّدُنا نافعرَحْمَۃُ اللّٰہ تَعَالٰی عَلَیْہفرماتے ہیں : اگر تم حضرت سَیِّدُناعبداللّٰہبن عمررَضِیَ اللّٰہ تَعَالٰی عَنْہُمَاکو حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سنتوں پر عمل کرتا دیکھ لیتے تو انہیں دیوانہ سمجھتے ۔ آپرَضِیَ اللّٰہ تَعَالٰی عَنْہُمَامکہ مکرمہزَادَھَا اللّٰہ شَرَفاً وتَعْظِیماًکے راستے میں اپنی سواری کے جانور کو سر سے پکڑ کر اِدھر اُدھرچلاتے اور فرماتے: شاید میری سواری کے قدم بھی اس جگہ لگ جائیں جہاں میرے پیارے نبیصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سواری کے قدم لگے ہیں۔مدنی گلدستہ’’تبلیغ دِین ‘‘کے8حروف کی نسبت سے حدیثِ مذکور اور اس کی وضاحت سے ملنے والے8مدنی پھول
(1) بازار غفلت کی جگہ ہے مگراللّٰہ عَزَّوَجَلَّکے نیک بندے احکامِ شرعیہ پر عمل پیرا ہوکر یہاں بھی نیکیوں کا سلسلہ جاری رکھتے ہیں۔
(2) گھر بُلاکرتبلیغ کرنا اور لوگوں کے گھر جاکرتبلیغ کرنا دونوں سنت ہیں،دوسری صورت زیادہ بہتر ہے۔
(3) ہمارے اَسلاف کرامرَحِمَہُمُ اللّٰہ السَّلَامنیکیوں کے بہت زیادہ حریص تھے۔یہی حرص انہیں ایسے اعمال پر ابھارتی جن میں ثواب کے کثیر مواقع ہوتے۔
(4) اپنے عمل کے ذریعےلوگوں کو دینی احکام کی طرف مائل کرنا عملی تبلیغ ہے اور یہ بہترین عبادت ہے ۔
(5) حضور نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سنتوں پر عمل کر نے کا ایسا جذبہ ہونا چاہئے کہ لوگ دیوانہ سمجھنے لگیں ۔
(6) ہمارے اَسلاف کرامرَحِمَہُمُ اللّٰہ السَّلَامسنتوں کی پیروی کے لئے دل وجان سے کوشش کرتے تھے۔
(7) سنتوں کی پیروی ا ور اَسلافکے نقشِ قدم پر چلنا دنیا وآخرت میں کامیابی کا باعث ہے ۔
(8) صحابہ کرام نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمسے منسوب ہر شے سے محبت کیا کرتے تھے ۔اللّٰہ عَزَّوَجَلَّہمیں خوب نیکیاں کرنے اور اپنے اَسلاف کے نقش قدم پر چلتے ہوئے سنتوں کی پیروی کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد