باب:مریض کی عِیادت کا بیان - فیضان ریاض الصالحین - حدیث نمبر: 899

معمولی سی نیکی لا تعداد فرشتوں کی دعا کا سبب:”خریف‘‘چنے ہوئے پھلوں کو بھی کہتے ہیں اور باغ کو بھی،یہاں دوسرے معنی مراد ہیں یعنی بیمار پُرسی معمولی سی نیکی معلوم ہوتی ہے مگر یہ لاتعداد فرشتوں کی دعا ملنے کا ذریعہ ہے اور جنت ملنے کا سبب بشرطیکہ صرف رضائے الٰہی کے لیے ہو۔( )عَلَّامَہ بَدْرُ الدِّیْن عَیْنِی حَنفی عَلَیْہِ رَحْمَۃُ اللّٰہ الْقَوِیفرماتے ہیں: ”معلوم ہواکہ رات میں بھی مریض کی عیادت کر سکتے ہیں(جبکہ مریض کو پریشانی نہ ہو)۔یہ حدیث اُس حدیث کی طرح ہے جس میں فرمایا کہ عیادت کرنے والا جنت کے باغوں میں ہے۔مطلب یہ ہے کہ عیادت کرنے والا اپنی اِس کوشش کی وجہ سے جنت اور اُس کے پھلوں کا مستحق بن جاتا ہے۔“مریض کی عیادت کب کی جائے؟نورکے پیکر،تمام نبیوں کے سَروَرصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے ارشاد فرمایا:’’مریض کی عیادت وقفہ کے ساتھ کرو(یعنی پہلے دن کی عیادت کےبعد)دودن چھوڑ کرچوتھے دن عیادت کرو۔“حضرت سیِّدُنا طاؤسرَحْمَۃُ اللّٰہ تَعَالٰی عَلَیْہنےفرمایا:”افضل عیادت وہ ہے جس میں تخفیف ہو۔“حضرت سیِّدُناعبداللّٰہبن عباسرَضِیَ اللّٰہ تَعَالٰی عَنْہُمَانےفرمایا:”ایک بار مریض کی عیادت کرنا سنت اور ایک سے زیادہ مرتبہ نفل ہے۔“ایک بزرگ فرماتے ہیں:”مریض کی عیاد ت تین دن کے بعدہے۔“