باب:مریض کی عِیادت کا بیان - فیضان ریاض الصالحین - حدیث نمبر: 896

مریض پر ربِّ کریم کی خاص عنایت:مرآۃ المناجیح میں ہے:”اس(حدیث)میں اشارۃً یہ فرمایا گیا کہ بندہ مؤمن بیماری کی حالت میں ربّ تعالیٰ سے اتنا قریب ہوتا ہے کہ اس کے پاس آنا گویا ربّ کے پاس ہی آناہے اور اس کی خدمت گویا رب کی اطاعت ہے بشرطیکہ صابر وشاکر ہوکیونکہ بیمار مؤمن کا دل ٹوٹا ہوتاہے اور ٹوٹے دل بیمار کاشانۂ یار ہیں، حدیثِ قدسی ہے:”اَنَا عِنْدَ الْمُنْکَسِرَۃِ قُلُوْبُھُمْ لِاَجَلِیْمیں ٹوٹے دل والوں کے پاس ہوں۔“عَلَّامَہ مُلَّا عَلِیْ قَارِیْ حَنَفِی عَلَیْہِ رَحْمَۃُ اللّٰہ الْبَارِیفرماتے ہیں:کل بروزِ قیامتاللّٰہ عَزَّوَجَلَّانسانوں سے کلام فرمائے گا، یہ کلام یا تو فرشتے کے ذریعے ہوگا یا پھر بِلا واسطہ وحی عام کے ذریعے ہوگا یا بندے کے دل میں اِلقا کر کےہوگا۔اللّٰہتعالیٰ فرمائے گا:”میں بیمار ہوا تُو نے میری عِیادت نہ کی۔“ اِس سے بندے کا بیمار ہونا مراد ہے اور اُس بندے کا مرتبہ بیان کرنے کے لیے بیماری کی نسبت اپنی طرف کی۔ اِس سے پتا یہ چلا کہ جس نےاللّٰہ عَزَّوَجَلَّکی رِضا کے لیے کسی مریض کی عیادت کی گویا اُس نےاللّٰہ عَزَّوَجَلَّکی زیارت کی۔ بندہ عرض کرے گا:یَااللّٰہ! تُو بیمار کیسے ہوسکتا ہے کہ مرض تو عاجز کو ہوتا ہے جب کہ تُو تو قوی ہے، مالک ہے، تُو مریض کیسے ہوسکتا ہے،میں تیری عیادت کیسے کر سکتا ہوں؟اللّٰہتعالیٰ فرمائے گا :میرا فلاں بندہ بیمار ہوا تو نے اس کی عیادت کیوں نہ کی؟ کیا تو نہیں جانتا تھا کہ اگر تُو اس کی عیادت کرتا تو مجھے اس کے پاس پاتا یعنی وہاں میری رِضا مندی پاتا۔ اِس میں اِس بات کی طرف اشارہ ہے کہاللّٰہتعالیٰ کو مریض کی عجز و اِنکساری کی حالت بہت پسند ہےجیسا کہ حدیثِ قُدسی میںاللّٰہ عَزَّوَجَلَّنے فرمایا:”جودل میری خاطرٹوٹے ہوئے ہیں میں ان کے قریب ہوں۔“اِمَام شَرَفُ الدِّیْن حُسَیْن بِنْ مُحَمَّد طِیْبی عَلَیْہِ رَحْمَۃُ اللّٰہِ الْقَوِیفرماتے ہیں:”اِس حدیث میں اِس بات کی طرف اشارہ ہے کہ عیادت کرنے کاثواب کسی کو کھانا کھلانے اور پانی پلانے سے زیادہ ہے کیونکہاللّٰہتعالیٰ نے عیادت کرنے والے کے لیے فرمایا:”اگر تو عیادت کرتا تو مجھے وہاں پاتا۔“جبکہ کھانا کھلانے اور پانی پلانے کے بارے میں فرمایا :”اگر تو کھانا کھلاتا یا پانی پلاتا تو اس کا اجر مجھ سے پاتا۔“