باب : فجراورعصر کی نماز کی فضیلت - فیضان ریاض الصالحین - حدیث نمبر: 1049

اﷲ تعالیٰکے ذمہ سے کیامراد ہے؟شیخ عبد الحق محدث دہلویعَلَیْہِ رَحْمَۃُ اﷲ الْقَوِیفرماتے ہیں :حدیثِ مذکور کا مطلب یہ ہےکہ جو شخص صبح کی نماز کا پابند ہو اسے کسی قسم کا کوئی نقصان نہ پہنچاؤ اگر اسے تنگ کرو گے تواﷲ عَزَّ وَجَلَّتمہاری پکڑفرمائے گا اور منہ کے بل گھسیٹ کر جہنم میں ڈال دے گا پھر اس سےبچ کر کہیں بھاگ نہ سکوگے۔مُفَسِّر شہِیر، حَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:’’فجر کی نماز پڑھنے والااﷲ عَزَّ وَجَلَّکی امان میں ایسا ہوتا ہے جیسے ڈیوٹی کا سپاہی حکومت کی امان میں کہ اس کی بے حرمتی حکومت کا مقابلہ ہے۔ ایسا نہ ہو کہ تم نمازی کوستاؤ اور قیامت میں سلطنتِ الٰہیہ کے باغی بن کر پکڑے جاؤ۔‘‘مدنی گلدستہ’’فجر‘‘کے3حروف کی نسبت سے حدیثِ مذکور اور اس کی وضاحت سے ملنے والے3مدنی پھول
(1) فجروعصر کی پابندی کرنے والوں کواِنْ شَآءَ اﷲباقی نمازوں کی بھی توفیق ملے گی۔
(2) وقت پر نما زیں اداکرنا سُستی سے دوری اورعبادت سے محبت کی علامت ہے۔
(3) فجر کی نماز پڑھنے والااﷲ عَزَّ وَجَلَّکی امان میں ہوتا ہے۔اﷲ عَزَّ وَجَلَّہمیں فجر وعصر کی نماز پابندی سے پڑھنےکی توفیق عطا فرمائے اور ان کی فضیلت سے ہمیں بہرہ مند فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد