باب : فجراورعصر کی نماز کی فضیلت - فیضان ریاض الصالحین - حدیث نمبر: 1048

جہنم میں نہ جانے سے کیا مراد ہے ؟مرآۃ المناجیح میں ہے :اس(حدیث)کے دومطلب ہوسکتے ہیں:ایک یہ کہ فجروعصرکی پابندی کرنے والادوزخ میں ہمیشہ رہنے کے لئے نہ جائے گا،اگر گیا تو عارضی طورپر۔دوسرے یہ کہ فجروعصر کی پابندی کرنے والوں کواِنْ شَآءَ اﷲباقی نمازوں کی بھی توفیق ملے گی اورسارے گناہوں سے بچنے کی بھی کیونکہ یہی نمازیں زیادہ بھاری ہیں جب ان پر پابندی کرلی تواِنْ شَآءَ اﷲبقیہ نمازوں پربھی پابندی کرے گا۔لہٰذا اس حدیث پر یہ اعتراض نہیں کہ نجات کے لئے صرف یہ دونمازیں ہی کافی ہیں باقی کی ضرورت نہیں۔عبادت سے محبت کی علامت:عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اﷲ الْقَوِیفرماتے ہیں:’’فجرکا وقت میٹھی نیند کاوقت ہےاور عصرکا وقت دن کے کام کاج کے اختتام اوررات کےکھانے کی تیاری کا وقت ہوتا ہے۔ان مشاغل کے باوجود وقت پر یہ نما زیں اداکرنا سستی سے دوری اورعبادت سے محبت کی علامت ہےلہٰذا جو مسلمان ان دو نمازوں کاپابند ہوگا وہ بقیہ نمازوں کا اور بھی زیادہ پابند ہوگا۔‘‘
شیخ عبد الحق مُحَدِّث دہلویعَلَیْہِ رَحْمَۃُ اﷲ الْقَوِیفرماتے ہیں:’’ظاہر یہ ہے کہ اس حدیث سے ان دو نمازوں کی فضیلت میں مبالغہ مراد ہے کہ یہ نمازیں اس قدر افضل و اعلیٰ ہیں کہ ان کو پابندی سے ادا کرنے والا ہرگز دوزخ میں نہ جائے گا۔اﷲ عَزَّ وَجَلَّبندوں کو ان کے ہر عمل پر جزا دیتا ہے وہ چاہے تو ان دونمازوں کو پابندی سے پڑھنے والے کو عذاب نہ دے،اپنے فضل سے بخش دےاور اس سے راضی ہوجائے۔‘‘