باب:مُسَافِرکاتکبیروتسبیح کہنا - فیضان ریاض الصالحین - حدیث نمبر: 977

نعمتِ الٰہی کا اِقرار اور شکر:عَلَّامَہ اَبُو الْحَسَن اِبْنِ بَطَّال رَحْمَۃُ اللّٰہ تَعَالٰی عَلَیْہفرماتے ہیں:مذکورہ حدیث پاک سے یہ سمجھ میں آتا ہے کہ حج اور جہاد سے لوٹنے پراللّٰہ عَزَّوَجَلَّکی حمد، اس کی نعمت کا اقرار اور اس کے سامنے عاجزی کرنی چاہیے اور اس کاشکر ادا کرناچاہیے کہاللّٰہ عَزَّوَجَلَّنے اسے حج کے تمام ارکان اور عبادات کو سرانجام دینے کی توفیق عطا فرمائی اور دشمن کو شکست دینے میں اس کی مدد فرمائی اور صحت اور سلامتی کے ساتھ اس کو وطن واپس لوٹایا ۔اسی طرحاللّٰہ عَزَّوَجَلَّنے بندے کو جو دوسری نعمتیں عطا فرمائی ہیں اس پر اس کی حمد کرنی چاہیےاور اس کا شکر بجا لانا چاہیے کیونکہ جب بندہاللّٰہ عَزَّوَجَلَّکی توحید کا اقرار،اس کی ربوبیت کا اعتراف اور اس کی نعمتوں پر اس کی حمد اور اس کا شکر بجالاتا ہے تواللّٰہ عَزَّوَجَلَّبندےسے راضی ہوتا ہے۔اس حدیث میں دعا کے جو عربی کے بعض کلمات ہیں وہ ہم قافیہ ہیں۔اس سے معلوم ہوا کہ نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے دعا میں ہم قافیہ کلمات لانے سے جو منع فرمایا ہے تو اس منع کرنے سے مراد یہ نہیں کہ یہ حرام ہے بلکہ اس لئے منع فرمایا ہے تاکہ بندے کی توجہ الفاظ کے بنانےاور سنوارنے میں نہ رہے بلکہ وہ اخلاص اور دلجمعی کے ساتھ اپنی دعا میں خوب کوشش کرے۔خدا کی تین نعمتوں کا ذِکر:مُفَسِّر شہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:اس (حدیث پاک)میں خدا کی تین نعمتوں کا ذِکر ہے:ایک اسلام کے غلبے کا وعدہ فرمانا اور اسے پورا کردینا۔ دوسرے اپنے بندۂ خاص حضور نبی پاکصَلَّی اللّٰہ عَلَیْہِ وَسَلَّمکی ظاہری مدد صحابہ کے ذریعہ اور باطنی مدد ہواؤں اور فرشتوں کے ذریعہ فرمانا اور تیسرے غزوۂ اَحزاب جسے غزوۂ خندق بھی کہتے ہیں اس میں کفار کے لشکر جرّار کو تیز ہوا سے بھگا دینا۔‘‘ورنہ مسلمان اس وقت بچ نہ سکتے تھے کیونکہ اس وقت ظاہری حالات مسلمانوں کے خلاف تھے کہ بارہ ہزار کفار کا لشکر مدینہ منورہ پر باہر سے حملہ آور ہوا تھا اور ادھر خود مدینہ کے یہود نے عہد شکنی کرکے مسلمانوں کو فنا کرنے کی ٹھان لی تھی،اندیشہ تھا کہ اس موقع پر مسلمان ان بیرونی اور اندرونی دشمنوں میں پھنس جاتے اور ہوسکتا ہے کہ احزاب سے مراد کفار کی سار ی جماعتیں ہوں۔مدنی گلدستہ’’تسبیح‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) بلند مقام پر چڑھتےہوئے تین بار تکبیر کہنا سنت ہے۔
(2) حج یا جہاد وغیرہ سے لوٹتے ہوئے حمدوشکر بجا لانا چاہیے۔
(3)اللّٰہ عَزَّوَجَلَّکی نعمت کا اقرار اور اس کے سامنے عاجزی کرنی چاہیے۔
(4) دعا میں ہم قافیہ کلمات بھی لاسکتے ہیں جبکہ اس کی خوبصورتی کی طرف نظر نہ ہو۔
(5)اللّٰہ عَزَّوَجَلَّنے اپنے نبی پاکصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی ظاہری وباطنی مدد فرمائی۔اللّٰہ عَزَّوَجَلَّسے دعا ہے کہ وہ ہمیں بلندی پر چڑھتے وقت دعا پڑھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد