باب:اِیثار اور ہمدردی کا بیان - فیضان ریاض الصالحین - حدیث نمبر: 568

وہ مجھ سے ہیں اور میں ان سے ہوں:عمدۃ القاری میں ہے:’’اس حدیثِ پاک میں اشعری قبیلے والوں کے ایثار اور باہمی ہمددری کی تعریف بیا ن کی گئی ہے۔اللّٰہ1∞کے محبوب، دانائے غیوبصَلَّی اللّٰہُ تَعَالٰی عَلَیْہِ وَاٰلِہٖ وَسَلَّمنے ان کے ایثار کی گواہی دی، اور سب سے بڑھ کریہ کہ انہیں اپنی طرف منسوب کرتے ہوئے فرمایا کہ”وہ مجھ سے ہیں اور میں ان سے ہوں۔یعنی طاعتِ اِلٰہی میں وہ میرے راستے پر ہیں،یا یہ مطلب ہےکہ جس طرح میں مسلمانوں سے ہمدردی کرتاہوں اسی طرح وہ بھی ایک دوسرے سے ہمدردی کرتے ہیں ‘‘سَیِّدُناابوذرغفاری کا عمدہ اونٹ:مشہور صحابی حضرت سَیِّدُنا ابوذرغفاریرَضِیَ اللّٰہ تَعَالٰی عَنْہُمدینہ منورہ کی ایک قریبی بستی میں رہا کرتے تھے، گزر بسر کے لیے آپ کے پاس چنداونٹ تھے اور ایک کمزور سا چرواہا۔ ایک بار خاندانِ بنوسُلَیْم کے ایک صاحبرَضِیَ اللّٰہ تَعَالٰی عَنْہُحاضرِ خدمت ہوکر عرض گزار ہوئے:’’حضور! مجھے اپنی صحبت میں رہنے کی اِجازت مرحمت فرمائیے۔فیض بھی حاصل کروں گا اور آپ جناب کے چرواہے کا ساتھ بھی دے دیا کروں گا۔‘‘سَیِّدُناابوذر غفاریرَضِیَ اللّٰہ تَعَالٰی عَنْہُنے اپنے ساتھ رہنے کی شرط یہ ارشاد فرمائی کہ آپ کو میری اطاعت کرنی ہوگی۔ عرض کی: ’’کس بات میں؟‘‘ فرمایا: ’’جب میں اپنے مال میں سے کوئی چیز راہِ خدا میں دینے کا کہوں تو سب سے بہترین شے دینی ہوگی۔‘‘انہوں نے منظور کرلیا اور صحبت سے فیضیاب ہونے لگے۔ ایک دن غرباء کی امدادکے لیے سیدنا ابوذرغفاریرَضِیَ اللّٰہ تَعَالٰی عَنْہُنے انہیں اونٹ لانے کا حکم دیا، اولاً انہوں نے عمدہ اونٹ لے جانے کا ارادہ کیا لیکن بعدازاں آپرَضِیَ اللّٰہ تَعَالٰی عَنْہُکی ضرورت وغیرہ کی وجہ سے اس کے بدلے بہترین اونٹنی پیش کردی۔ آپرَضِیَ اللّٰہ تَعَالٰی عَنْہُنے فرمایا: ’’تم نے خیانت کی۔‘‘وہ گئے اور وہی عمدہ اونٹ ہی لے آئے۔ فارغ ہونے کے بعد ارشاد فرمایا: ’’کیا تم اپنا وعدہ بھول گئے تھے؟‘‘عرض کیا: ’’مجھے وعدہ یاد تھا لیکن آپ کی ضرورت کے پیش نظر اس عمدہ اونٹ کو چھوڑ دیا۔‘‘فرمایا: ’’کیا میں تمہیں اپنی ضرورت کا دن نہ بتادوں؟ سن لو میری ضرورت کا دن تو وہ ہے جس دن میں قبر کے گڑھے میں تنہا ڈال دیا جاؤں گا۔‘‘مدنی گلدستہ’’اِیثار ‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) مشکل وقت میں اپنے مسلمان بھائیوں کی مدد کرنا اور انہیں اپنی ضرورت کی چیزوں سے حصہ دینا عظیم لوگوں کاشیوہ ہے۔
(2) جب خوراک کی قلت ہوتو سب اپنا اپنا کھاناساتھ ملا لیں اورمل کر کھائیںاِنْ شَآءَ اللّٰہعَزَّ وَجَلَّاس جمع شدہ کھانے میں برکت ہوگی اور وہ سب کو کفایت کرے گا۔
(3) قوم کا آپس میں مل جل کر رہنا اور دکھ سکھ میں ایک دوسرے کا ساتھ دینا قابلِ تعریف عمل ہے۔
(4) صحابہ کرامعَلَیْہِمُ الرِّضْوَانراہِ خدا میں اپنی بہترین چیز خرچ کیا کرتے تھے۔
(5) اِیثاروہمدردی کی ترغیب دلانا حضور نبی کریم رَءُوْفٌ رحیمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سنت ہے۔اللّٰہ عَزَّ وَجَلَّسے دعا ہے کہ وہ ہمیں اپنی راہ میں خرچ کرنے اپنے مسلمان بھائیوں کے ساتھ خیرخواہی کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد