باب:سُنَن و نَوَافِل گھروں میں ادا کرنے کا بیان - فیضان ریاض الصالحین - حدیث نمبر: 1130

نوافل گھرمیں پڑھنے کے فوائد:حدیثِ پاک میں فرمایاگیا:”اپنی نمازکا کچھ حصہ اپنے گھرکیلئے بھی رکھے۔“اس کی شرح میںاِمَام نَوَوِیْ عَلَیْہِ رَحْمَۃُ اﷲ الْقَوِیفرماتے ہیں:اس سے مراد نفل نماز ہے اورحدیث میں نفل نماز گھر پر پڑھنے کی ترغیب دلائی گئی ہے کیونکہ نوافل میں خفاء اور پوشیدگی مطلوب ہےاور یہ گھر میں متصور ہے،دوسرا اس میں ریا کا خطرہ نہیں،تیسرا اس سے گھرمیں برکت حاصل ہوگی،اﷲعَزَّوَجَلَّکی رحمت اور فرشتے نازل ہوں گے۔اس حدیث سے یہ معلوم ہوا کہاﷲ عَزَّ وَجَلَّاور اُس کے رسولصَلَّی اﷲ تَعَالٰی عَلَیْہِ وَاٰلِہٖ وَسَلَّمکے نزدیک زندہ وہ ہےجواﷲ عَزَّ وَجَلَّکی عبادت کرتا ہو اور جواﷲعَزَّ وَجَلَّکی عبادت نہ کرے وہ مُردہ ہے اور اس کا گھر قبر کی مانند ہے۔“مدنی گلدستہ’’طیبہ‘‘کے4حروف کی نسبت سے احادیثِ مذکورہ اور ان کی وضاحت سے ملنے والے4مدنی پھول
(1) سنتیں اور نوافل مسجد کی نسبت گھر میں پڑھنا افضل ہے۔
(2) نمازِ اِشراق،نمازِسفر،نمازِکسوف،نمازِاِستسقاءاور تراویح وغیرہ مسجد میں پڑھنا افضل ہیں۔
(3) گھر میں نوافل وسُنَن پڑھنے سے گھر میں برکت ہوتی ہے،اﷲ عَزَّ وَجَلَّکی رحمت نازل ہوتی ہےاور شیطان دُور ہوتا ہے۔
(4) جس گھر میں قرآن پڑھا جائے اس گھر میں رزق کشادہ اور خیر زیادہ ہوتی ہے۔اﷲ عَزَّ وَجَلَّسے دعا ہے کہ وہ ہمیں حضور نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمکے طریقے پر عمل کرنے کی توفیق عطافرمائے ۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد