باب:نمازِوِتر كا بیان - فیضان ریاض الصالحین - حدیث نمبر: 1138

رحمت کے فرشتوں کی آمد:مرآۃالمناجیح میں ہے:”یہاں فرشتوں سے مراد رحمت کے فرشتے ہیں جو آخر شب میں ﷲ کی رحمتیں لے کر اُترتے ہیں،بعض شارِحین نے فرمایا کہ مشہود کے معنیٰ ہیں عظمت کی گواہی دی ہوئی۔“مدنی گلدستہ’’وتر‘‘کے3حروف کی نسبت سے احادیثِ مذکورہاور ان کی وضاحت سے ملنے والے3مدنی پھول
(1) وتر کا وقت عشا کے فرض کے بعد سے طلوعِ فجر تک ہے۔
(2) جس کو یہ خوف ہو کہ وہ رات کے آخری حصے میں بیدار نہ ہوسکے گا و ہ رات کی ابتدا میں وتر کی نماز پڑھ لے اور جسے رات کے آخری حصے میں بیدار ہونے کا یقین ہو تو اسےرات کے آخری حصے میں وتر پڑھنا افضل ہے۔
(3) صاحبِ ترتیب کے اگر وتر رہ گئے ہوں اور وہ جان بوجھ کر وتروں کی قضا کئے بغیر فجر پڑھے تو اس کی فجرکی نماز نہ ہوگی۔اﷲ عَزَّ وَجَلَّسے دعا ہے کہ وہ ہمیں نمازِ پنجگانہ اور وتر پابندی سے پڑھنے کی توفیق عطا فرمائے ۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد