باب:ہر ماہ تین دن روزہ رکھنے کا اِسْتِحْبَاب - فیضان ریاض الصالحین - حدیث نمبر: 1259

ہر ماہ تین روزوں سے مراد:ہر مہینے تین دن روزے رکھنے کے متعلق مُفَسِّرِشہِیر مُحَدِّثِ کَبِیْر حَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”شروع مہینہ میں ایک روزہ ،درمیان میں ایک،آخر میں ایک،یا ہرعشرہ کے شروع میں ایک روزہ یا ہر مہینے کی تیرھویں،چودھویں،پندرھویں کے روزے تیسرا احتمال زیادہ قوی ہے۔“مذکورہ نصیحتوں کو خاص کرنے کی وجہ:عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اﷲ الْغَنِیفرماتے ہیں:”ہر مہینے تین روزے رکھنے میں حکمت یہ ہے کہ نفس کو روزوں کا عادی بنایا جائے اور چاشت کی نماز میں حکمت یہ ہے کہ نفس کو نماز کا عادی بنایا جائے۔ سونے سے پہلے وتر پڑھنے کی نصیحت میں اس طرف اشارہ ہے کہ وتر پابندی سے پڑھے جائیں اور اس بات کا بیان ہے کہ وتر واجب ہیں اور اس کا وقت رات ہے کیونکہ رات کا وقت غفلت، نیند،سُستی اور آرام کا وقت ہے اس لیے خاص طور پررات کو سونے سے پہلے وترادا کرنے کی تاکید فرمائی۔“