باب:محرم،شعبان کے روزوں کی فضیلت کابیان - فیضان ریاض الصالحین - حدیث نمبر: 1248

حُرمت والے مہینے:عَلَّامَہ مُحَمَّد بِنْ عَلَّان شَافِعِی عَلَیْہِ رَحْمَۃُ اﷲ الْقَوِیفرماتے ہیں:”حرمت والے مہینوں سے مراد رجب، ذوالقعدہ ، ذوالحجہ اور محرم الحرام ہیں۔ بار بار فرمانا تاکید اور ان مہینوں کے شرف کی وجہ سے ہے۔ تین انگلیوں کو ملانا اور پھر چھوڑ دینے سے مرادحُرمت والے مہینوں میں تین دن روزے رکھ کر پھر ناغہ کرنا ہے۔ناغہ کرنے میں حکمت یہ ہےکہ جب آدمی کسی نیکی کا عادی ہوجائے تو نفس کو اس سے الفت پیدا ہوجاتی ہے اور مشقت ختم ہوجاتی ہےاسی وجہ سے تین دن کے بعد ناغہ کرنے کا کہا گیا ہےکیونکہ مسلسل روزے رکھنے کی وجہ سے انسان روزوں کا عادی ہوجاتا ہے جس کی وجہ سے اسے روزے رکھنے میں مشقت نہیں ہوتی البتہ درمیان میں ناغہ کرکے روزہ رکھنے میں مشقت ہوتی اور جس کام میں مشقت ہو اس میں ثواب زیادہ ہوتا ہے لہٰذا تین دن کے بعد ناغہ کرنے کافرمایا۔نیز حدیث پاک میں ماہ رمضان کو ماہ صبر کہا گیا کیونکہ صبر کا معنیٰ رکنا ہےاور روزے میں چونکہ نفس کو دن میں کھانے پینے اور ہمبستری سے روک دیا جاتا ہے اس لیےماہِ رمضان کو ماہِ صبر کہا گیا ہے۔“مدنی گلدستہ’’حرم‘‘کے3حروف کی نسبت سے احادیثِ مذکورہ اور ان کی وضاحت سے ملنے والے3مدنی پھول
(1) حضور نبی کریمصَلَّی اﷲ تَعَالٰی عَلَیْہِ وَاٰلِہٖ وَسَلَّمشعبان میں کثرت سے روزے رکھا کرتے اور یہ وہی مہینہ ہے جس میں لوگوں کے اعمالاﷲ عَزَّ وَجَلَّکی طرف اٹھائے جاتے ہیں۔
(2) رجب،ذوالقعدہ ،ذوالحجہ اور محرم الحرام حرمت والے مہینے ہیں۔
(3) صبرکا معنیٰ رکنا ہےاور روزے میں نفس کھانے پینے اور ہمبستری سے رُک جاتا ہے اس لئے ماهِ رمضان کو ماہِ صبر کہاجاتا ہے۔اﷲ عَزَّ وَجَلَّسے دعا ہے کہ وہ ہمیں شعبان المعظم اور حُرمت والے مہینوں میں روزے رکھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد