باب:محرم،شعبان کے روزوں کی فضیلت کابیان - فیضان ریاض الصالحین - حدیث نمبر: 1247

شعبان میں کثرت سے روزے رکھنے کی وجہ :حضرت سَیِّدُنا اُسامہ بن زیدرَضِیَ اﷲ تَعَالٰی عَنْہُفرماتے ہیں:” میں نے بارگاہِ رسالت میں عرض کی: یارسولَاﷲ صَلَّی اﷲ تَعَالٰی عَلَیْہِ وَاٰلِہٖ وَسَلَّم!میں دیکھتا ہوں کہ جس طرح آپصَلَّی اﷲ تَعَالٰی عَلَیْہِ وَاٰلِہٖ وَسَلَّمشعبان میں روزے رکھتے ہیں اس طرح کسی بھی مہینے میں نہیں رکھتے۔ارشاد فرمایا: ”یہ مہینہ رجب اور رمضان کے درمیان میں ہے ،لوگ اس سے غافل ہیں ،اس میں لوگوں کے اَعمالاﷲ عَزَّ وَجَلَّکی طرف اٹھائے جاتے ہیں اور مجھے یہ محبوب ہے کہ میرا عمل اس حال میں اٹھایا جائے کہ میں روزہ دار ہوں۔“
مُفَسِّرِشہِیر مُحَدِّثِ کَبِیْر حَکِیْمُ الْاُمَّت مُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”آپ (صَلَّی اﷲ تَعَالٰی عَلَیْہِ وَاٰلِہٖ وَسَلَّم)رمضان کے علاوہ باقی تمام مہینوں میں روزے ضرور رکھتے تھے مگر شعبان میں زیادہ رکھتے تھے۔ کُل شعبان سے مراد قر یبًا کل ہےچونکہ شعبان رمضان کا پڑوسی ہے اس لیے وہ بھی حُرمت والا ہے،نیز اس مہینہ میں رمضانی عبادات کی تیاری کرنا چاہیے،اس لیے اس ماہ میں نفلی نماز روزے کثرت سے ادا کرنا بہتر ہے۔“صَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد