باب:فجر کی دوسُنَّتُوں کی تاکید - فیضان ریاض الصالحین - حدیث نمبر: 1103

فجر کی سنتوں کی اہمیت:حدیثِ پاک میں فرمایا:”اگر صبح اس سے بھی زیادہ روشن ہوجاتی تب بھی میں فجر کی سنتیں ضرور پڑھتا۔“عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اﷲ الْغَنِیفرماتے ہیں:’’یہ فرمانِ عالی اس بات پر دلالت کرتا ہے کہ فجرکی سنتیں نہیں چھوڑی جائیں گی کیونکہ یہ سُنَّتِ مُؤکَّدہ ہیں۔“فجر کا مستحب وقت:حدیثِ پاک میں ہے:”فجر کی نماز اُجالے میں پڑھو کہ اس میں بہت عظیم ثواب ہے“صَدْرُ الشَّرِیْعَہ، بَدرُالطَّرِیْقَہ، حضرتِ علامہ مولانا مفتی محمد امجد علی اعظمیعَلَیْہِ رَحْمَۃُ اﷲ الْقَوِیفرماتے ہیں:” فجر میں تاخیر مستحب ہے،یعنی اِسفار میں (جب خوب اُجالا ہو تو) شروع کرے مگر ایسا وقت ہونا مستحب ہے کہ چالیس سے ساٹھ آیت تک ترتیل کے ساتھ (ٹھہر ٹھہر کر)پڑھ سکے پھر سلام پھیرنے کے بعد اتنا وقت باقی رہے کہ اگر نماز میں فساد ظاہر ہو تو طہارت کرکے ترتیل کیساتھ چالیس سے ساٹھ آیت تک دوبارہ پڑھ سکے اور اتنی تاخیر مکروہ ہے کہ طلوعِ آفتاب کا شک ہو جائے۔“
میں پانچوں نمازیں پڑھوں باجماعت ……… ہو توفیق ایسی عطا یاالٰہی
میں پڑھتا رہوں سنتیں وقت ہی پر ……… ہوں سارے نوافل ادا یاالٰہی
دے شوقِ تلاوت دے ذوقِ عبادت ……… رہوں باوضو میں سدا یاالٰہی
عمل کا ہو جذبہ عطا یاالہی ……… گناہوں سے مجھ کو بچا یاالٰہیمدنی گلدستہ’’سنتِ فجر‘‘کے6حروف کی نسبت سے احادیثِ مذکورہاور ان کی وضاحت سے ملنے والے6مدنی پھول
(1) حضورِ اکرمصَلَّی اﷲ تَعَالٰی عَلَیْہِ وَاٰلِہٖ وَسَلَّمفجر کی سنتوں کی بہت زیادہ پابندی کرتے ، کبھی سفر و حضر میں ترک نہ فرماتے ۔
(2) اگرکسی نے فجر کی سنتیں نہ پڑھی ہوں اور جماعت ہورہی ہو تو اگر جماعت مل جانے کی امید ہو تو جماعت سے علیٰحدہ سنتیں پڑھے اور پھر جماعت میں شامل ہو جائے۔
(3) فجر کی سنتوں کی مشروعیت کا اگر کوئی شک یا جہالت کی وجہ سے انکار کرے تو اس کے کافر ہونے کا خوف ہے اور اگر بغیر شک کے جان بوجھ کر انکار کرے تو اسے کافر کہا جائے گا۔
(4) فجر کی سنتیں بلا عذر نہ بیٹھ کر ہو سکتی ہیں، نہ سواری پر، نہ چلتی گاڑی پر، ان کا حکم ان باتوں میں بالکل وتر کی طرح ہے۔
(5) سنتِ فجر مال و اولاد اور تمام دنیاوی چیزوں سے پیاری ہونی چاہئیں۔
(6) فجر کی سنتیں تمام سنتوں اور نوافل سے افضل ہیں۔اﷲ عَزَّ وَجَلَّسے دعا ہے کہ وہ ہمیں فجر کی سنتیں پابندی سے پڑھنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اﷲ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اﷲ تَعَالٰی عَلٰی مُحَمَّد