باب:سواری پر سوار ہوتے وقت کیا کہے؟ - فیضان ریاض الصالحین - حدیث نمبر: 974

میٹھے میٹھے اسلامی بھائیو!مذکورہ حدیث شریف میں اس بات کا ذکر ہے کہ شیر خدا حضرت سَیِّدُنا علی المرتضٰیکَرَّمَ اللّٰہ تَعَالٰی وَجْہَہُ الْکَرِیْمجب سواری پر بیٹھتے تو سفر کی دعا پڑھتے اور گناہوں کی بخشش طلب کرتے ہمیں بھی چاہیے کہ سفر پر روانہ ہوتے وقت سفر کی دعا پڑھیں اور اپنے گناہوں کی معافی مانگیں کیونکہ جب بندہ رب تعالیٰ سے گناہوں کی معافی مانگتا ہے تو اس سے وہ خوش ہوتا ہے۔قولی و فعلی سنت پر عمل:*(تین بار ”اَلْحَمْدُ لِلَّهِ“ کہا)یہ حمدسواری ملنے کے شکریہ پر ہے یعنی خدایا تیرا شکر ہے کہ تو نے ہماری آسانی کے لیے ہم کو سواری بخشی،بہت لوگ مجبورًا پیدل سفر کرتے ہیں۔*(تیرے سوا کوئی گناہ نہیں بخشتا) میری خطاؤں و گناہوں کے باوجود تو نے مجھے یہ سواری وغیرہ کی نعمتیں بخشیں تو مجھے امید ہے کہ تو اپنے کرم سے مجھے معافی بھی دے دے گا میں نے وہ ہی کیا جو گنہگار کرتے ہیں تو وہ ہی کر جو ستارو غفار کی شان ہے۔ *(پھر آپ مسکرائے)یعنی مسکرائے ٹھٹھا نہ لگایا،مسکرانا اظہار خوشی کے لیے ہوتا ہے ٹھٹھا دل کی غفلت سے۔ اسی لیے حضور انورصَلَّی اللّٰہ عَلَیْہِ وَسَلَّممسکراتے بہت تھے ٹھٹھا(یعنی قہقہہ) کبھی نہ لگاتے تھے۔*(میں نے نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکو اسی طرح کرتے دیکھا جس طرح میں نے کیا)یعنی میں قولی و عملی سنتوں پر عمل کررہا ہوں۔ اس موقع پر یہ دعا مانگنا سنت قولی ہے او راس وقت تبسم کرنا سنت عملی ہے۔اس سے معلوم ہوا کہ صحابہ کرام حضورصَلَّی اللّٰہ عَلَیْہِ وَسَلَّمکے حالات کی نقل کرتے تھے اسے ثواب سمجھتے تھے اور یہ بھی پتہ لگا کہ حضورعَلَیْہِ السَّلَامکی ہر سنت پر عمل کرنا باعث ثواب ہے حتّٰی کہ ہنسنا اور رونا بھی۔خلاصہ یہ ہے کہ میں حضورصَلَّی اللّٰہ عَلَیْہِ وَسَلَّمکی موافقت میں ہنس رہا ہوں اورحضورصَلَّی اللّٰہ عَلَیْہِ وَسَلَّمنے رب تعالیٰ کی موافقت میں تبسم فرمایا تھا تو یہ عمل سنتِ رسول بھی ہے اور سنتِ الٰہیہ بھی۔رب تعالیٰ تعجب کرنے،ہنسنے سے پاک ہے اس لیے وہاں ان الفاظ کے معنے ہوتے ہیں خوش ہونا۔رب تعالیٰ کی رضا وخوشی اس کی شان کے لائق ہے،ہماری ر ضا و خوشی ہماری حیثیت کے موافق ہے۔*(رب اپنے بندے سے خوش ہوتا ہے)معلوم ہوا کہ رب تعالیٰ اس بندے سے بہت راضی و خوش ہوتا ہے جو اپنے کو بے کس و گنہگار جانے اوررب تعالیٰ کو قادِر و غفار جانے۔یہ ہی حال بارگاہِ مصطفوی کا ہے کہ وہاں بھی بے کَسی پر رحم بہت ہوتا ہے۔شعر
دیکھی جو بے کَسی تو انہیں رحم آگیا ……… گھبرا کے ہو گئے وہ گنہگار کی طرفمدنی گلدستہ’’عبادت‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) جس کے پاس گاڑی پر سفر کرنے کی سہولت ہو یا اپنی گاڑی ہو اُسےاللّٰہ عَزَّوَجَلَّکا شکر ادا کرنا چاہیے کہ اس نے ہمیں یہ نعمت عطا فرمائی جس کی بدولت ہمارا سفر آرام سے گزر جاتا ہے۔
(2) نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمہمیشہ مسکرایا کرتے تھے،قہقہہ نہیں لگاتے تھے۔
(3) صحابہ کرامعَلَیْہِمُ الرِّضْوَانحضورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی قولی اور فعلی دونوں سنتوں پر عمل کرتے۔
(4) رب تعالیٰ تعجب کرنےاور ہنسنے سے پاک ہے۔(5) α اللّٰہ عَزَّوَجَلَّا ُس بندے سے بہت خوش ہوتا ہے جواُس سے اپنے گناہوں کی بخشش مانگے ۔اللّٰہ عَزَّوَجَلَّہمیں سنت کے مطابق سفر پر روانہ ہونے اور سفر کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد