باب:جس کے نابالغ بچے انتقال کر جائیں اس کی فضیلت - فیضان ریاض الصالحین - حدیث نمبر: 954

کُن کی کنجی:مُفَسِّرِشہِیرمُحَدِّثِ کبیرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانحدیث کے الفاظ (مَردآپ کی احادیث لے گئے)کے تحت فرماتے ہیں:یعنی مَردوں نے آپ کا فیضِ صحبت بہت حاصل کیا ہر وقت آپ کی اَحادیث سنتے رہتے ہیں ہم کو حضورصَلَّی اللّٰہ عَلَیْہِ وَسَلَّمکی خدمت میں حاضری کا اتنا موقع نہیں ملتا مہینہ میں یا ہفتہ میں ایک دن ہم کوبھی عطا فرمائیں کہ اس میں صرف ہم کو وعظ فرمایاکریں۔اس سے معلوم ہوا کہ تبلیغ وغیرہ کے لئے دن مقررکرنا بالکل جائز بلکہ سنت ہے۔(تین بچے آگے بھیجے)آگے بھیجنے سے مراد یہ ہے کہ ماں کی زندگی میں بچے فوت ہوں اور وہ اُن پر صبرکرے،یہ مطلب نہیں کہ انہیں ہلاک کردے۔ (حضورصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے فرمایا: ”اور دوبھی۔“)معلوم ہوا کہ حضورصَلَّی اللّٰہ عَلَیْہِ وَسَلَّمرحمتِ الٰہی کے بااختیارقاسم ہیں اورحضورصَلَّی اللّٰہ عَلَیْہِ وَسَلَّمکی زبان مبارک کُنْ کی کنجی ہے کہ حضورصَلَّی اللّٰہ عَلَیْہِ وَسَلَّمنے یہ نہ فرمایا کہ مجھے تو رب تعالیٰ نے تین بچے فوت ہونے کے متعلق فرمایا تھا اچھا اب جب جبریل آئیں گے تو اُن کے ذریعہ رب سے پوچھوا لیں گے بلکہ خود ہی یہ جواب دے دیا۔حدیث سے حاصل ہونے والے فوائد و مسائل:عَلَّامَہ بَدْرُ الدِّیْن عَیْنِی عَلَیْہِ رَحْمَۃُ اللّٰہِ الْغَنِیاس حدیث سے حاصل ہونے والے فوائد بیان کرتے ہوئے فرماتے ہیں:(1)عورتوں کو دینی معاملات کے بارے میں مَردوں سے (پردے میں رہتے ہوئے) بات چیت کرنا جائز ہے۔(2) وعدہ کرنا جائز ہے۔(3)جس عورت کا بچہ مرجائے اس کے لیے اجر ہے۔(4) حضرت مہلبرَحْمَۃُ اللّٰہ تَعَالٰی عَلَیْہکہتے ہیں کہ یہ حدیث اس بات کی دلیل ہے کہ مسلمانوں کے فوت شدہ چھوٹے بچے جنت میں جائیں گے کیونکہ جب اُن کے فوت ہونے پراللّٰہ عَزَّوَجَلَّاپنے فضل سے اُن کے والدین کو جنت میں داخل فرمائے گا تو یہ کیسے ہوسکتا ہے کہ خود وہ بچے جنت میں نہ جائیں وہ تو بدرجہ اَولیٰ جنت میں جائیں گے۔(5) اس بات پر اِجماع ہے کہ انبیائے کرامعَلَیْہِمُ السَّلَامکی نابالغ اولاد جنت میں ہی جائے گی۔مدنی گلدستہ’’طیبہ‘‘کے4حروف کی نسبت سے حدیثِ مذکور اور اس کی وضاحت سے ملنے والے4مدنی پھول
(1) کسی بھی نیک یا جائز کام کیلیے دن مقرر کرنا جائز ہے۔
(2) عورتوں کو دینی معاملات میں علماء و مفتیانِ کرام سے پردے میں رہتے ہوئے کلام کرنا جائز ہے۔
(3) جس کا بچہ گم ہوجائے،کبھی نہ ملے رحمتِ الٰہی سےامید ہے کہ اس کے لیے بھی یہی بشارت ہو۔
(4) مسلمانوں کے فوت شدہ نابالغ بچے جنت میں جائیں گے۔اللّٰہ عَزَّوَجَلَّسے دعا ہے کہ وہ ہماری بلاحساب مغفرت فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد