باب: عہد نبھانے اور وعدہ پوراکرنے کا بیان - فیضان ریاض الصالحین - حدیث نمبر: 691

میٹھے میٹھے اسلامی بھائیو!امیر المومنین حضر ت سیدنا صدیق اکبررَضِیَ اللّٰہ تَعَالٰی عَنْہُنے حضورنبی کریم، رَءُوْفٌ رحیمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکے اُن تمام وعدوں کو پورا کیا جوآپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنےاپنی ظاہری حیاتِ طیبہ میں لوگوں سے کئے اور انہیں پورا کرنے سے قبل ہی دنیا سے پردہ فرما گئے۔ اس سے سَیِّدُنَا صدیق اکبررَضِیَ اللّٰہ تَعَالٰی عَنْہُکے عشقِ رسول کا بخوبی اندازہ لگایا جا سکتا ہے ۔مال دینے میں جلدی کرنے کی وجوہات:دلیل الفالحین میں ہے :”میں تمہیں اتنا اوراتنا اوراتنا دوں گا۔“یہ فرمانِ عالی تین دفعہ دینے کی کیفیت سے کنایہ ہے۔بخاری شریف کی ایک روایت میں ہے کہ یہ فرماتے ہوئےآپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اپنے مبارک ہاتھ تین مرتبہ پھیلائے۔امیرالمومنین سَیِّدُنَا صدیق اکبررَضِیَ اللّٰہ تَعَالٰی عَنْہُنےحضرت سَیِّدُنا جابررَضِیَ اللّٰہ تَعَالٰی عَنْہُکو مال دینے میں جلدی کی،اس کی کئی وجوہات بیان کی گئی ہیں:(1)آپرَضِیَ اللّٰہ تَعَالٰی عَنْہُحضرت جابررَضِیَ اللّٰہ تَعَالٰی عَنْہُکی دینداری وسچائی سے واقف تھے کہ وہ مال کے لئے ہر گز غلط بیانی نہیں کرسکتے اس لئے فوراً مال دے دیا۔(2) یہ بھی ممکن ہے دلائل وشواہد قائم کئے گئے ہوں پھر مال دیا گیا ہو کیونکہ فرد واحد کےمطالبہ پر عامۃ المسلمین کے مال میں تصرف درست نہیں خواہ مطالبہ کرنے والا کتنا ہی نیک کیو ں نہ ہو۔(3) آپرَضِیَ اللّٰہ تَعَالٰی عَنْہُکوبذاتِ خود حضرت جابررَضِیَ اللّٰہ تَعَالٰی عَنْہُسے کیے جانے والے وعدے کا علم تھا اورحاکم اپنے علم کی بنیاد پر بیت المال میں تصرف کر سکتا ہے۔(4)وہ وعدہ درحقیقت بیت المال سے دینے ہی کا تھا جس کی تقسیم امام کی رائے پر موقوف ہوتی ہے۔بائیس دن تک انتظار:منقول ہے کہ حضرت سَیِّدُنااسماعیلعَلٰی نَبِیِّنَا وَعَلَیْہِ الصَّلٰوۃُ وَالسَّلَامنے کسی سے ایک جگہ ملنے کاوعدہ فرمایا وہ شخص وہاں نہ آیا بلکہ بھول گیا تو آ پعَلَیْہِ السَّلَاماس کے انتظار میں وہاں بائیس دن تک ٹھہرے رہے۔مدنی گلدستہ’’عرفات ‘‘کے5حروف کی نسبت سے حدیثِ مذکور اور اس کی وضاحت سے ملنے والے5مدنی پھول
(1) وعدہ پورا نہ کرنا نفاق کی علامت ہے ۔
(2) تکمیلِ وعدہ کیلئے سَیِّدُنا اسماعیلعَلَیْہِ السَّلَامبائیس دن تک ایک مقام پر ایک شخص کا انتظار کرتے رہے ۔
(3) فردِواحدکے مطالبہ پر عام مسلمانوں کے مال میں تَصَرُّف درست نہیں خواہ مطالبہ کرنے والا کتنا ہی نیک کیوں نہ ہو۔
(4) سَیِّدُنا صدیق اکبررَضِیَ اللّٰہ تَعَالٰی عَنْہُنے اپنے دورِ خلافت میں وہ تمام وعدے پورے کئے جنہیں سرکارصَلَّی اللّٰہ تَعَالٰی عَلَیْہِ وَاٰلِہٖ وَسَلَّمپورا کرنے سے قبل ہی دنیا سے پردہ فرماگئے۔
(5)اللّٰہ عَزَّوَجَلَّکے نیک بندے اپنے وعدے ضرور پورے کرتے ہیں اگر چہ شدید مشقت اٹھانی پڑے ۔اللّٰہ عَزَّوَجَلَّہمیں عہد پورا کرنے کی توفیق عطا فرمائے اور وعدہ خلافی سے بچائے ۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد