باب:مَیِّت کے مُعَامَلَات میں جلدی کرنے کا بیان - فیضان ریاض الصالحین - حدیث نمبر: 944

میت کے لئے اِعلانِ عام کرنا:میٹھے میٹھے اسلامی بھائیو! مذکورہ حدیثِ پاک میں اس بات کو بیان کیا گیا ہے کہ جب کسی کا انتقال ہو جائے تو اس کی میت کو اس کے اہل خانہ کے درمیان زیادہ دیر تک نہیں رکھنا چاہیے بلکہ جتنا جلدی ممکن ہو سپر د خاک کر دینا چاہیے جیسا کہ مذکورہ حدیث پاک میں ہے کہ نبی کریم رَءُوْفٌ رحیمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے فرمایا :مجھے اس کی اطلاع کر دینا اور جلدی کرنا کیونکہ کسی کی لاش کو اس کے اہل و عیال کے درمیان روکے رکھنا مناسب نہیں۔مُفَسِّرشہِیرمُحَدِّثِ کَبِیْرحَکِیْمُ الاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں:”اس سے دو مسئلےمعلوم ہوئے:ایک یہ کہ میت کے لیے اعلانِ عام کرنا بھی جائز ہے اور خاص بزرگ و اہلِ قرابت کو خبرکرنابھی تاکہ وہ نماز اور دفن میں شرکت کرلیں۔دوسرے یہ کہ حتی الامکان دفن میں جلدی کی جائے۔بلاضرورت دیر لگانا سخت ناجائزہے کہ اس میں میت کے پھولنے پھٹنے اور اس کی بےحرمتی کا اندیشہ ہے۔‘‘مدنی گلدستہ’’مکہ‘‘کے3حروف کی نسبت سے حدیث مذکور اور اس کی وضاحت سے ملنے والے3مدنی پھول
(1) جب کوئی بیمار ہو تو اس کی عیادت کے لیے جانا سنتِ مبارکہ ہے ۔
(2) وفات کا عام اِعلان کرنا بھی جائز ہے اور خاص بزرگ و اہلِ قرابت کو خبر کرنا بھی تا کہ وہ لوگ نمازِجنازہ اور تدفین میں شریک ہو کر میت کے لیے دعا کر سکیں ۔
(3) میت کو حَتَّی الامکان جلدی دفن کر دینا چاہیے کہ بلا ضرورت تاخیر کرنا سخت نا جائز ہے کہ اس میں میت کے پھولنے پھٹنے اور اسکی بے حرمتی کا اندیشہ ہے۔اللّٰہ عَزَّوَجَلَّہمیں نبی کریمصَلَّی اللّٰہ تَعَالٰی عَلَیْہِ وَاٰلِہٖ وَسَلَّمکی سنتوں پرعمل کرتے ہوئے تجہیزوتکفین اور تدفین میں جلدی کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد