باب: درمیان سے کھانے کی مُمَانَعَت کا بیان - فیضان ریاض الصالحین - حدیث نمبر: 745

درمیان سے کھانے کی ممانعت:مذکورہ حدیث پاک میں بھی یہی مذکور ہے کہ جب کھانا کھایا جائے تو درمیان سے نہیں کھانا چاہیے بلکہ کناروں سے کھانا چاہیے کہ درمیان میں برکت نازل ہوتی ہے اور پھر وہ اَطراف میں پھیل جاتی ہے، اگر درمیان سے کھایا جائے گا تو اس سے برکت اٹھالی جائے گی۔حدیث سے ماخوذ دیگر مسائل:*قَصْعَةیہ بڑا پیالہ تھا جیسا کہ آجکل بڑے کَڑھے یا کڑہائیاں ہوا کرتی ہیں۔ثَر یداس کھانے کوکہتے ہیں جوروٹی کے ٹکڑوں کو شوربے وغیرہ میں ملا کر بنایا جائے۔*اس حدیث سے معلوم ہوا کہ جب جگہ تنگ ہو تو دوزانو(گھٹنوں کے بل) بیٹھنا مستحب ہے۔مدنی گلدستہ’’یارب! کرم کر‘‘کے9حروف کی نسبت سے مذکورہ احادیث اور ان کی وضاحت سے ملنے والے9مدنی پھول
(6) برتن کے درمیان میں سے کھانا بے برکتی کا سبب ہے۔
(7) برکت کھانے کے درمیان میں نازل ہوتی ہے۔
(8) مسلمانوں کے کھانے کے وقت بھی رحمت باری کا نزول ہوتا ہے۔
(9) برتن کے بیچ میں سے کھانا حرص کی علامت ہے۔
(10) روٹی کو بھی ابتداءً وسط سے نہ کھایا جائے بلکہ اسے کناروں کی گولائی سے کھایا جائے۔
(11) برکت والی چیز کو باقی رکھا جائے اور اُسے زائل ہونے سے بچایا جائے۔
(12) ہر قسم کا کھانا درمیان سے نہ کھایا جائے چاہے شوربے والا ہویا بغیر شوربے کا۔
(13) برتن کا بھی کوئی نام رکھا جا سکتا ہےجبکہ خلافِ شرع نہ ہو۔
(14) سرکشی وتکبر اچھی چیز نہیں، بندگی وعاجزی ہی میں عظمت و بزرگی ہے۔اللّٰہ عَزَّوَجَلَّسے دعا ہے کہ وہ ہمیں کھانے کی سنتوں اور آداب پر عمل کرنے کی توفیق عطا فرمائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد