باب:عورت کا اکیلے سفر کرنا حرام ہے - فیضان ریاض الصالحین - حدیث نمبر: 990

کس عورت سے خَلوَت منع ہے؟عَلَّامَہ مُلَّا عَلِی قَارِی عَلَیْہِ رَحْمَۃُ اللّٰہِ الْبَارِیفرماتے ہیں:جس عورت کے ساتھ تنہائی منع ہے وہ اجنبیہ عورت ہے۔مُفَسِّرِ شہِیرمُحَدِّثِ کَبِیْر حَکِیْمُ الْاُمَّتمُفتِی احمد یار خانعَلَیْہِ رَحْمَۃُ الْحَنَّانفرماتے ہیں: جس عورت سے نکاح جائز ہو اس کے ساتھ تنہائی میں نہ بیٹھے کہ فتنہ کا اندیشہ ہے،ماں،بہن،بیٹی کا یہ حکم نہیں۔
علامہ غلام رسول رضویعَلَیْہِ رَحْمَۃُ اللّٰہ الْقَوِیفرماتے ہیں:’’جب کوئی عورت فریضۂ حج ادا کرنے کاا رادہ کرے تو اس کا شوہر اس کے ساتھ حج کرے یہ جہاد سے بہتر ہے جبکہ جہاد فرضِ عین نہ ہو، غالباً مذکورہ حدیث میں جہاد فرض نہ تھا اسی لیے آپصَلَّی اللّٰہ تَعَالٰی عَلَیْہِ وَاٰلِہٖ وَسَلَّمنے اس شخص کو اس کی بیوی کے ساتھ جانے کے لیے فرمایا تھا۔
اس حدیث سے معلوم ہوتا ہے کہ جس شخص کا نام جہاد میں لکھاجائے اور اس کی بیوی (فرض)حج کے لیے روانہ ہوتو ایسے شخص کے لیے حج کرنا جہاد سے افضل ہے(جبکہ جہاد فرضِ عین نہ ہو) کیونکہ اس کے نفلی حج میں اس کی بیوی کے فرض حج کی تکمیل ہے اور ان دونوں(نفل وفرض)کا اجتماع محض جہاد سے افضل ہےجو اُس کے بغیر بھی سرانجام پاسکتا ہےنیز معلوم ہوا کہ فوجیوں کے نام رجسٹر میں درج ہونے چاہئیں اور امام کو رَعِیَّت کی مصلحت کا خیال رکھنا چاہیے۔
علامہ ابنِ مَلِکرَحْمَۃُ اللّٰہ تَعَالٰی عَلَیْہفرماتے ہیں:”یہ حدیث پاک اس بات کی دلیل ہے کہ جس عورت کے ساتھ کوئی محرم نہ ہو اُس پر حج فرض نہیں ۔امامِ اعظم ابو حنیفہ اور امام احمد بن حنبلرَحْمَۃُ اللّٰہ تَعَالٰی عَلَیْہِمَاکا یہی مذہب ہے۔“مدنی گلدستہ’’جنت ‘‘کے3حروف کی نسبت سے حدیثِ مذکور اور اس کی وضاحت سے ملنے والے3مدنی پھول
(1) جس عورت سے نکاح جائز ہو اس کے ساتھ تنہائی جائز نہیں۔
(2) جب کوئی عورت فریضۂ حج ادا کرنے کاا رادہ کرے تو اس کا شوہر اس کے ساتھ حج کرے یہ جہاد سے بہتر ہے جبکہ جہاد فرضِ عین نہ ہو۔
(3) حاکم کو رعایا کی مصلحت کا خیال رکھنا چاہیے۔اللّٰہ عَزَّوَجَلَّہمیں اجنبی عورت کے ساتھ خلوت وتنہائی سے بچائے۔آمِیْن بِجَاہِ النَّبِیِّ الْاَمِیْن صَلَّی اللّٰہ تَعَالٰی عَلَیْہِ وَاٰلِہٖ وَسَلَّمصَلُّوْا عَلَی الْحَبِیْب! صَلَّی اللّٰہ تَعَالٰی عَلٰی مُحَمَّد