مسجد کا بیان - اَنْوارُ الحَدِیْثْ - حدیث نمبر: 24

شرح حدیث4:حضرت شیخ عبدالحق محدث دہلویرَحْمَۃُ اللّٰہ تَعَالٰی عَلَیْہِفرماتے ہیں کہ:
’’ہر چہ بوی ناخوش دارد از ماکولات وغیر ماکولات دریں حکم داخل ست‘‘۔ ([1])(اشعۃ اللمعات،جلد اول ص۳۲۸)
یعنی ہر وہ چیز کہ جس کی بُو ناپسند ہو اس حکم میں داخل ہے خواہ وہ کھانے والی چیزوں میں سے ہو یا نہ ہو۔
------------------
∞[1] ’’اشعۃ اللمعات‘‘،کتاب الصلاۃ،باب المساجد ومواضع الصلاۃ،ج۱،ص۳۵۲.شرح حدیث5:حضرت شیخ محققرَحْمَۃُ اللّٰہ تَعَالٰی عَلَیْہِاس حدیث کے تحت فرماتے ہیں کہ:
’’کنایت است از بیزاری حق از ایشان‘‘۔ ([1])(اشعۃ اللمعات،جلد اول ص۳۳۹)یعنی مطلب یہ ہے کہ خدائے تعالیٰ ان لوگوں سے بیزار ہے ۔انتباہ:
(۱)…مسجد میں کچا لہسن اور پیاز کھانا یا کھا کر جانا جائز نہیں، جب تک کہ بُو باقی ہو اور یہی حکم ہر اس چیز کا ہے جس میں بُو ہو۔ جیسے بیڑی، سگریٹ پی کر یا مولی کھا کر جانا ، نیز جس کو گندہ د ہنی کی بیماری ہو یا کوئی بدبو دار دوا لگائی ہو تو جب تک بُو منقطع نہ ہو ان سب کو مسجد میں آنے کی ممانعت ہے ۔ اسی طرح مسجد میں ایسی ماچس اور دِیا سلائی جلانا کہ جس کے رگڑنے میں بُو اڑتی ہو منع ہے ۔ ([2])(درمختار، رد المحتار، بہار شریعت)
(۲)…مسجد میں مٹی کا تیل جلانا حرام ہے مگر جب کہ اس کی بُو بالکل دُور کر دی جائے ۔ ([3]) (فتاوی رضویہ، جلد سوم ، ص ۵۹۸)
(۳)…مسجد سے متصل کوئی مکان مسجد سے بلند ہو تو حرج نہیں اس لیے کہ مسجد ان ظاہری دیواروں کا نام نہیں بلکہ اس جگہ کے محاذ میں ساتوں آسمان تک سب مسجد ہے ۔
درمختار میں ہے : ’’أَنَّہُ مَسْجِدٌ إلَی عَنَانِ السَّمَاء‘‘۔ ([4])ردالمحتارمیں ہے : ’’وَکَذَا إلَی تَحْتِ الثَّرَی کَمَا فِی الْبِیرِیِّ عَنْ الْإِسْبِیجَابِیِّ‘ ‘۔ ([5])
(۴)…مسجد میں داخل ہوتے وقت پہلے داہنا قدم اندر رکھے اور یہ دعا پڑھے ۔
’’أَللَّھُمَّ افتح لِی أَبْوابَ رَحْمَتِکَ‘‘ یعنی اےاللّٰہتو اپنی رحمت کے دروازے میرے لیے کھول دے ۔
(۵)…مسجد سے نکلتے وقت پہلے بایاں قدم باہر رکھے اور یہ دُعا پڑ ھے ۔
’’أَللَّھُمْ إِنِّی أَسْءَلُکَ مِنْ فَضْلِک‘‘ یعنی اےاللّٰہمیں تجھ سے تیرے فضل کا سوال کرتا ہوں۔
------------------
∞[1] ’’اشعۃ اللمعات‘‘،کتاب الصلاۃ،باب المساجد ومواضع الصلاۃ،الفصل الثالث،ج۱،ص۳۶۴.[2] ’’بہار شریعت‘‘، ج۱، ص ۶۴۸، ’’الدر المختار ورد المحتار‘‘،کتاب الصلاۃ،باب ما یفسد الصلاۃ وما یکرہ فیھا،مطلب فی الغرس فی المسجد،ج۲،ص۵۲۵.[3] ’’الفتاوی الرضویۃ‘‘،ج۸،ص۱۰۳.[4] ’’الدر المختار‘‘،کتاب الصلاۃ،باب ما یفسد الصلاۃ وما یکرہ فیھا،ج۲،ص۵۱۶.[5] ’’رد المحتار‘‘،کتاب الصلاۃ،باب ما یفسد الصلاۃ وما یکرہ فیھا،مطلب فی أحکام المسجد،ج۲،ص۵۱۷.