میت پر رونا - اَنْوارُ الحَدِیْثْ - حدیث نمبر: 36

شرح حدیث 5:اس حدیث کے تحت حضرت شیخ عبدالحق محدث دہلویرَحْمَۃُ اللّٰہ تَعَالٰی عَلَیْہِفرماتے ہیں کہ:
’’دریں حدیث دلیل است بر آنکہ مستحب ست خویشاں وہمسائیگان ودوستان راتہیئہ طعام مراہل میت را‘‘۔ ([1])یعنی اس حدیث شریف سے ثابت ہوا کہ رشتہ داروں ، پڑوسیوں اور دوستوں کو میت کے گھر پکا ہوا کھانا لانا مستحب ہے ۔ (اشعۃ اللمعات، جلد اول)انتباہ:(۱) …نوحہ یعنی میت کے اوصاف مبالغہ کے ساتھ بیان کرکے آواز سے رونا جس کو بَین کہتے ہیں۔ بالاجماع حرام ہے ۔ ([2])(بہار شریعت بحوالہ جوھرہ)
(۲) …گریبان پھاڑنا، منہ نوچنا ، بال کھولنا، سر پر مٹی ڈالنا ، ران پرہاتھ مارنا اور سینہ کوٹنا سب جاہلیت کے کام ہیں۔ ناجائز اور گناہ ہیں۔ ([3])(فتاوی عالمگیری، جلد اول مصری، ص ۱۵۷)
(۳) …آواز سے رونا منع ہے اور آواز بلند نہ ہو تو اس کی ممانعت نہیں۔ ([4])((بہارشریعت)
(۴) … تعزیت مسنون ہے اور اس کاوقت موت سے تین دن تک ہے اس کے بعد مکروہ ہے ، اور اگر کوئی موجود نہ تھا یا علم نہ تھا تو بعد میں حرج نہیں ۔ ([5])(بہار شریعت، بحوالہ ردالمحتار وغیرہ)
(۵) … تعزیت میں یہ کہے کہ خدائے تعالیٰ میت کی مغفرت فرمائے اور اس کو اپنی رحمت میں ڈھانکے اور تم کو صبر کی توفیق دے اور مصیبت پر ثواب عطا فرمائے ، یا اسی کے مثل دوسرے جملے کہے ۔
(۶) …میت کے گھر صرف پہلے دن کھانا بھیجنا سنت ہے اس کے بعد مکروہ ہے ۔ ([6])(بہار شریعت بحوالہ عالمگیری)
(۷) … میت کے گھر والے تیجہ کے دن یا اس کے بعد میت کے ایصالِ ثواب کے لیے فقراء اور مساکین کو کھانا کھلائیں تو بہتر ہے لیکن دوست احباب اور عام مسلمانوں کی دعوت کریں تو ناجائز و بدعت قبیحہ ہے کہ دعوت توخوشی کے وقت مشروع ہے نہ کہ غم کے وقت۔ فتاویٰ عالمگیری جلد اول مصری ص:۱۵۷میں ہے : ’’لَا یُبَاحُ اتِّخَاذُ الضِّیَافَۃِ عِنْدَ ثَلاثَۃِ أَیَّامٍ کَذَا فِی التَّتَارْخَانِیَّۃ‘‘۔ ([7])
اور ردالمحتار جلد اول ص: ۶۲۹اور فتح القدیر جلد دوم ص:۱۰۲میں ہے : ’’وَیُکْرَہُ اتِّخَاذُ الضِّیَافَۃِ مِنَ الطَّعَامِ مِنْ أَہْلِ الْمَیِّتِ لِأَنَّہُ شُرِعَ فِی السُّرُورِ لَا فِی الشُّرُورِ وَہِیَ بِدْعَۃٌ مُسْتَقْبَحَۃٌ‘‘۔ ([8])(۸) … تیجہ وغیرہ کا کھانا اکثر میت کے ترکہ سے کیا جاتا ہے اس میں یہ لحاظ ضروری ہے کہ ورثہ میں نابالغ نہ ہو ور نہ سخت حرام ہے لیکن بالغ اگر اپنے حصہ سے کرے تو حرج نہیں۔ ([9])(بہار شریعت بحوالہ خانیہ)
------------------
∞[1] ’’اشعۃ اللمعات‘‘،کتاب الجنائز،باب البکاء علی المیت،الفصل الثانی،ج۱،ص۷۵۳.[2] ’’بہارِ شریعت‘‘، ج۱، ص ۸۵۴، ’’الجوہرۃ النیرۃ‘‘،کتاب الصلاۃ،باب الجنائز،ص۱۳۹.[3]الفتاوی الھندیۃ‘‘،کتاب الصلاۃ،مسائل فی التعزیۃ،ج۱،ص۱۶۷.[4] ’’بہار شر یعت‘‘، ج۱، ص ۸۵۵، ’’الجوہرۃ النیرۃ‘‘،کتاب الصلاۃ،باب الجنائز،ص۱۳۹.[5] ’’بہارِ شریعت‘‘، ج۱، ص ۸۵۲، ’’رد المحتار‘‘،کتاب الصلاۃ،مطلب فی کراھۃ إلخ،ج۳،ص۱۷۷.[6] ’’بہارِ شریعت‘‘، ج۱، ص ۸۵۴، ’’الفتاوی الھندیۃ‘‘،کتاب الصلاۃ،ج۵،ص۳۴۴.[7] ’’الفتاوی الھندیۃ‘‘،کتاب الصلاۃ،مسائل فی التعزیۃ،ج۱،ص۱۶۷.[8] ’’رد المحتار‘‘،کتاب الصلاۃ،باب صلاۃ الجنازۃ،ج۳،ص۱۷۵، ’’فتح القدیر‘‘،کتاب الصلاۃ،باب الجنائز،فصل فی الدفن،ج۲،ص۱۵۱.[9] ’’بہارِ شریعت‘‘، ج۱، ص ۸۵۳، ’’الفتاوی الخانیۃ‘‘،کتاب الحظر والاباحۃ،ج۴،ص۳۶۶.