قبر کا عذاب حق ہے - اَنْوارُ الحَدِیْثْ - حدیث نمبر: 7

شرح حدیث1:حضرت شیخ عبدالحق محدث دہلویرَحْمَۃُ اللّٰہ تَعَالٰی عَلَیْہِفرماتے ہیں کہ:اشارت بہذا بآں حضرت صلی اللّٰہ تعالیعلیہ وسلم یا از جہت شہرت امر وحضور او ست در اذہان ما اگرچہ غائب،ست یا باحضار ذات شریف وے در عیاں وبایں طریق کہ در قبر مثالے از حضرت وے صَلَّی اللّٰہ تَعَالٰی عَلَیْہِ وَاٰلِہٖ وَسَلَّمَ حاضر می ساختہ باشند تا بمشاہدہ جمال جاں افزائے او عقدہ اشکال کہ درکار افتادہ کشادہ شود و ظلمت فراق بنور لقائے دل کشائے او روشن گردد۔ (1)
یعنی ھذا ’’ یہ ‘‘ کے ساتھ حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمکو اشارہ کرنا یا تو اس وجہ سے ہے کہ حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمکی ذات مقدس مشہور ہے اور حضور کا تصور ہمارے دلوں میں موجود ہے اگرچہ حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمہمارے سامنے رونق افروز نہیں۔ اور یا توا س وجہ سے کہ حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمکی ذات گرامی کھلم کھلا پیش کی جاتی ہے اس طرح کہ قبر میں حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمکی شبیہ مبارک لائی جاتی ہے تاکہ ان کے جمالِ جان افزاء سے ا ن مشکلات کی گرہیں کہ جواب دینے میں پیش آئیں کھل جائیں اور فراق کی تاریکی ان کی دل کشا ملاقات کے نور سے روشن ہوجائے ۔ (اشعۃ اللمعات، جلد اول، ص ۱۱۵)
------------------
∞[1] ’’اشعۃ اللمعات‘‘،کتاب الإیمان،باب إثبات عذاب القبر،الفصل الأول،ج۱،ص:۱۲۴.
حضرت شیخ عبدالحق محدث دہلوی بخاریرَحْمَۃُ اللّٰہ تَعَالٰی عَلَیْہِارشاد فرماتے ہیں کہ:
’’ملائکہ و ماروکژدم گزیدن ایشاں کہ درا حادیث واقع شدہ است ہمہ بحکم واقع موجود اند نہ محض مثال و خیال و آنکہ مانہ بنییم و نہ دریا بیم در وجودآن زیاں نہ داردزیر ا کہ عالم ملکوت رابچشم سر نہ تواں دید آنراچشم دیگر ست۔ ‘‘(1)یعنی فرشتوں اور سانپوں اور بچھوؤں کا مردوں کو تکلیف پہنچانا جیسا کہ احادیث کریمہ میں بیان کیا گیا ہے سب حقیقت میں واقع اور موجود ہیں محض مثال و خیال نہیں۔ اور ہمارا نہ دیکھنا اور معلوم نہ کرپانا ان کے وجود کو مضر نہیں اس لیے کہ عالم ملکوت کو سر کی آنکھوں سے نہیں دیکھ سکتے اس کے لیے ایک دوسری آنکھ چاہیے ۔ (اشعۃ اللمعات جلد اول ص۱۱۴)
اور حضرت مُلاّ علی قاریعَلَیْہِ رَحْمَۃُ اللّٰہ البَارِیفرماتے ہیں:
’’إِنْ قِیلَ نَحنُ نُشاھِدُ المیِّتَ عَلی حَالِہِ فَکَیفَ یُسئالُ وَیُقعَدُ وَیُضرَبُ وَلَا یَظْھَرُ أَثَرٌ؟فَالْجَوَابُ أَنَّہُ مُمْکنٌ وَلہ نَظیرٌ فِی الشَّاھدِ وَھُوَ النَّاءِم فَإِنَّہ یَجِدُ لَذَّۃً وَأَلمًا یحسّہٗ وَلَا نحسّہٗ وَکذَا یَجِدُ الیقظان لذّۃً وألمًا یَسْمعہُ وَیتفکَّر فِیہِ وَلَا یشَاھِد ذَلکَ جَلِیْسہ وَکَذَلک کَانَ جبریل یَأتِی النَّبِیَّ صَلَّی اللّٰہ تَعَالٰی عَلَیْہِ وَاٰلِہٖ وَسَلَّمَ فَیوحِيْ بالقرآن المجید وَلَا یَرَاہُ أَصْحَابُہُ‘‘(2)
یعنی اگر اعتراض کیا جائے کہ ہم لوگ مردہ کو اس کے حال پر دیکھتے ہیں پھر کیونکر بٹھا کر اس سے پوچھا جاتا ہے اور مارا جاتا ہے حالانکہ کوئی بات نظر نہیں آتی۔ تو جواب یہ ہے کہ ایسا ممکن ہے ( کہ مردہ کے ساتھ سب کاروائیاں ہوں اور ہمیں نظر نہ آئیں) اور اس کی نظیر مشاہدہ کی دنیا میں موجود ہے چنانچہ سونے والا آدمی نیند میں راحت و رنج (کی چیزوں کو) دیکھ کر احساس کرتا ہے اور ہم ( اس کے پاس رہ کر) نہیں معلوم کر پاتے ( کہ سونے والے پر کیا واقعہ گزررہا ہے ) اور اسی طرح بیدار آدمی اچھی یا بری خبر سن کر اور سوچ کر لذت یا تکلیف محسوس کرتا ہے اور پاس بیٹھے ہوئے آدمی کو کچھ پتہ نہیں چلتا ، اور اسی طرح حضرت جبریلﷺقرآن مجید کی وحی لے کر حضورصَلَّی اللّٰہ تَعَالٰی عَلَیْہِ وَاٰلہٖ وَسَلَّمکے پاس حاضر ہوتے تھے ( خود حضور اقدسصَلَّی اللّٰہ تَعَالٰی عَلَیْہِ وَاٰلہٖ وَسَلَّمتو حضرت جبریلﷺکو دیکھتے تھے ۔ )مگر صحابہ کرام ان کو نہیں دیکھ پاتے تھے ۔ (مرقاۃ شرح مشکوۃ، جلد اول، ص ۱۶۳)انتباہ :(۱)… مرنے کے بعد مسلمانوں کی روحیں حسب مراتب مختلف مقاموں میں رہتی ہیں۔ بعض کی قبر پر، بعض کی چاہ زمزم میں، بعض کی آسمان و زمین کے درمیان ، بعض کی پہلے دوسرے ساتویں آسمان تک اور بعض کی آسمانوں سے بھی اوپر اور بعض کی روحیں زیر عرش قندیلوں میں اور بعض کی اعلیٰ علیین میں ۔ اور کافروں کی خبیث روحیں بعض کی ان کے مرگھٹ یا قبر پر، بعض کی چاہ برہوت میں کہ یمن میں ایک نالا ہے ، بعض کی پہلی دوسری ساتویں زمین تک اور بعض کی اس کے بھی نیچے سجین میں مگر کہیں بھی ہوں اپنے جسم سے ان کا تعلق باقی رہتا ہے ۔ (3)(بہار شریعت)
(۲)…قبر میں منکر نکیر کا سوال حق ہے ۔ اس کا انکار کرنے والا گمراہ بدمذہب ہے ۔ حضرت امام اعظم ابوحنیفہرَحْمَۃُ اللّٰہ تَعَالٰی عَلَیْہِفقہ اکبر مع شرح للملا علی قاری ص:۱۲۱ میں فرماتے ہیں’’سُوَالُ مُنْکَرٍوَ نَکِیرفِی القبرحقّ‘‘یعنی قبر میں منکر نکیر کا سوال حق ہے ۔ (4)
(۳)…مردہ اگر قبر میں دفن نہ کیا جائے تو جہاں کہیں ہوگا وہیں سوالات ہوں گے اور وہیں ثواب یا عذاب پائے گا۔ یہاں تک کہ اگر کسی جانور نے کھالیا تو اس کے پیٹ میں سوال ہوں گے اور وہیں ثواب یا عذاب پائے گا۔
حضرت ملّا علی قاری علیہ ر حمۃاللّٰہالباری فرماتے ہیں : ’’السُّوَالُ یَشْمَلُ الأَموَاتِ جَمِیْعَھَا حَتَّی أَنَّ مَنْ مَاتَ وَأَکَلتْہُ السِّبَا عُ‘‘ یعنی سوال سب مردوں سے کیا جائے گا۔ یہاں تک کہ مرنے کے بعد درندے جانور کھا لیں تو بھی سوال کیا جائے گا۔ (5)(مرقاۃ جلد اول ص۱۶۸)
(۴)… عذابِ قبر اور تنعیم قبر حق ہے اس کا انکار کرنے والا گمراہ ہے ۔ اہلِ سنت و جماعت سے خارج ہے ۔ حضرت مّلا علی قاری علیہ ر حمۃاللّٰہالباری شرح فقہ اکبرص:۱۲۲ میں فرماتے ہیں ’’عَذَابُہٗ(أیِ الْقَبْرِ)حَقٌّ کَاءِنٌ لِکُفَّارٍ کُلِّھِمْ أَجْمَعِیْنَ وَلِبَعْضِ الْمُسْلِمِیْنَ وَکَذَا تَنْعِیْمُ بَعضِ المُؤمِنِینَ حَقٌّ‘‘([6])یعنی قبرکا عذاب حق ہے جو سب کافروں اور بعض (گنہگار) مسلمانوں پر ہوگا اور ایسے ہی تنعیم قبر بعض مومنین کے لیے حق ہے ۔
(۵)…جسم اگرچہ گل جائے جل جائے یا خاک ہوجائے مگر اس کے اجزائے اصلیہ قیامت تک باقی رہیں گے اور وہی مَوْرِدِ عذاب و ثواب ہوں گے ۔ وہ اجزاء ریڑھ کی ہڈی میں ہوتے ہیں اور اس قدر باریک ہوتے ہیں کہ نہ کسی خرد بین سے نظر آتے ہیں ، نہ آگ انہیں جلاتی ہے اور نہ زمین انہیں گلا سکتی ہے ۔ یہی جسم کے تخم ہیں خدائے تعالیٰ قیامت کے دن مردہ کے منتشر اجزاء کو پہلی ہیئت پر لا کر اِنہیں اجزائے اصلیہ پر کہ محفوظ ہیں ترکیب دے گا اور ہر روح کو اسی جسم سابق میں بھیجے گا۔ ([7]) (بہار شریعت)
(۶)…انبیائے عِظَامعلیہم الصلوۃ والسلاماولیائے کِرام علمائے اَعلام، شہدائے اسلام، حفاظ قر آن جو قرآن مجید پر عمل کرتے ہوں اور جو منصب محبت پر فائز ہیں اور وہ جسم جس نے کبھیاللّٰہتعالیٰ کی معصیت نہ کی ہو۔ اور وہ لوگ کہ اپنے اوقات درود شر یف میں مستغرق رکھتے ہیں ان کے بدن کو مٹی نہیں کھاسکتی ، جو شخص انبیائے کرامعلیہم الصلوۃ والسلامکی شان میں یہ خبیث کلمے کہے کہ ’’ مرکے مٹی میں مل گئے ‘‘ تو وہ گمراہ ، بددین خبیث اور مرتکب توہین ہے ۔ ([8]) (بہار شریعت ، جلد اول ص ۲۹)
------------------
∞[1]اشعۃ اللمعات،کتاب الإیمان،باب إثبات عذاب القبر،ج۱،ص۱۲۳.[2] ’’مرقاۃ المفاتیح شرح مشکاۃ المصابیح‘‘،کتاب الإیمان،الحدیث:۱۲۵،ج۱،ص۳۳۷.[3] ’’بہارِ شریعت‘‘، ج ۱، ص ۱۰۱.[4] ’’شرح الفقہ الأکبر‘‘،باب إعادۃ الروح إلی المیت فی قبرہ حق،ص۱۰۰.[5] ’’مرقاۃ المفاتیح شرح مشکاۃ المصابیح‘‘،کتاب الإیمان،الحدیث:۱۳۰،ج۱،ص۳۴۷.[6] ’’شرح الفقہ الأکبر‘‘،باب إعادۃ الروح إلی المیت فی قبرہ حق،ص۱۰۱.[7] ’’بہارِ شریعت‘‘، ج۱، ص ۱۱۲.[8] ’’بہار شر یعت‘‘، ج۱، ص ۱۱۴.