تقدیر کا بیان - اَنْوارُ الحَدِیْثْ - حدیث نمبر: 6

شرح حدیث:مُلّا علی قاری علیہ رحمۃاللّٰہالبار ی اس حدیث کی شرح میں فرماتے ہیں کہ:
’’فَالأَوَّلِیَّۃُ إِضَافِیَّۃٌ وَالأَوّلُ الْحقِیْقیُّ ھُوَالنُّورُ الْمُحَمَّدِیّ‘‘۔ (1)
یعنی قلم کی اولیت اضافی ہے اور اوّلِ حقیقی نورِ محمدی ہے ۔ (مرقاۃ شرح مشکوۃ جلد اول ص۱۳۹)
------------------
∞[1] ’’مرقاۃ المفاتیح شرح مشکاۃ المصابیح‘‘،کتاب الإیمان،الحدیث:۹۴،ج۱،ص۲۸۹.انتباہ :(۱)… تقدیر حق ہے اس کا انکار کرنے والا گمراہ ، بدمذہب، اہلِ سنّت و جماعت سے خارج ہے ۔(۲)… خدائے تعالیٰ نے ہر بھلائی برائی اپنے علم ازلی کے موافق مقدر فرمادی ہے ۔ جیسا ہونے والا تھا اور جو جیسا کرنے والا تھا اپنے علم ازلی سے جان کر لکھ لیا۔ اس کا یہ مطلب نہیں کہ جیسا اس نے لکھ دیا ویسا ہم کو کرنا پڑتا ہے بلکہ جیسا ہم کرنے والے تھے ویسا اس نے لکھ دیا۔ زید کے ذمہ برائی لکھی اس لیے کہ زید برائی کرنے والا تھا۔ اگر زید بھلائی کرنے والا ہوتا تو خدائے تعالیٰ بھلائی لکھتا۔ خلاصہ یہ کہ خدائے تعالیٰ کے علم یا اس کے لکھ دینے نے کسی شخص کو کسی کام کے کرنے پر مجبور نہیں کردیا ۔ (1) (بہار شریعت)اور جیسا کہ حضرت مُلّا علی قاریعَلَیْہِ رَحْمَۃُ اللّٰہ البَارِیشرح فقہ اکبرص:۴۹میں فرماتے ہیں کہ :کَتَبَ اللّٰہ فِیْ حَقِّ کُلِّ شَیئٍ بِأَنَّہُ سَیَکُوْنُ کَذَا کَذَا وَلَمْ یَکْتُبْ بِأَنَّہُ لِیَکُنْ کَذَا کَذَا۔ (2)(۳)… قضا کی تین قسمیں ۔ قضائے مبرم حقیقی ، قضائے معلق محض، قضائے معلق شبیہ بہ مبرم۔
------------------
∞[1] ’’ بہارِ شریعت‘‘، ج۱، ص۱۱.
∞[2] ’’شرح الفقہ الأکبر‘‘،باب القضاء والقدر إلخ،ص۴۱.قضائے مبرم حقیقی:وہ قضاہے کہ علمِ الہٰی میں بھی کسی چیز پر معلق نہیں۔ اس قضا کی تبدیلی ناممکن ہے اولیاء کی اس قضا تک رسائی نہیں بلکہ انبیائے کرام ورُسل عظام بھی اگر اتفاقاًاس کے بارے میں کچھ عرض کرنا چاہیں تو انہیں اس خیال سے روک دیا جاتا ہے ۔ جیسا کہ حضرت ابراہیم خلیلاللّٰہعلٰی نبینا وعلیہ الصلوۃ والسلامنے حضرت لوطعلیہ السلامکی قوم پر عذاب روکنے کے لیے بہت کوشش فرمائی یہاں تک کہ اپنے رب سے جھگڑنے لگے جیسا کہ خدائے تعالیٰ نے فرمایا:
{یُجَادِلُنَا فِیْ قَوْمِ لُوْطٍؕ(۷۴)} (پارہ۱۲رکوع۷)
یعنی ابراہیم قوم لوط کے بارے میں ہم سے جھگڑنے لگے ۔
لیکن چونکہ قوم لوط پر عذاب ہونا قضائے مبرم حقیقی تھا اس لیے حکم ہوا :{یٰۤاِبْرٰهِیْمُ اَعْرِضْ عَنْ هٰذَاۚ-اِنَّهٗ قَدْ جَآءَ اَمْرُ رَبِّكَۚ-وَ اِنَّهُمْ اٰتِیْهِمْ عَذَابٌ غَیْرُ مَرْدُوْدٍ(۷۶)}(پارہ۱۲رکوع۷)
یعنی اے ابراہیم! اس خیال میں نہ پڑو بے شک تیرے رب کا حکم آچکا اور بے شک ان پر عذاب آئے گا۔ پھیرا نہ جائے گا۔قضائے معلّق محض:و ہ قضا ہے کہ فرشتوں کے صحیفوں میں کسی چیز مثلاً صدقہ یا دَوا وغیرہ پر معلق ہونا ظاہر کردیا گیا ہو۔ اس قضا تک اکثر اولیائے کرام کی رسائی ہوتی ہے ان کی دعا اور توجہ سے یہ قضا ٹل جاتی ہے ۔قضائے معلق شبیہ بہ مبرم:وہ قضا ہے کہ علم الہٰی میں وہ کسی چیز پر معلق ہے لیکن فرشتوں کے صحیفوں میں اس کا معلق ہونا مذکور نہیں۔ اس قضا تک خاص اکابر کی رسائی ہوتی ہے ۔ حضرت سیدنا غوث اعظمرَضِیَ اللّٰہ تَعَالٰی عَنْہُاسی کے بارے میں فرماتے ہیں کہ میں قضائے مبرم کررد کردیتا ہوں اور اسی قضا کے بارے میں حدیث شریف میں ارشاد ہوا کہ:
’’إِنَّ الدُّعَاء یَرُدُّ الْقضَاءبَعْدَ مَا أُبْرِ مَ‘‘ یعنی بے شک دعا قضائے مبرم کو ٹال دیتی ہے ۔(۴)… قضا و قدر کے مسائل عام لوگ نہیں سمجھ سکتے اس میں زیادہ غور و فکر کرنا دین و ایمان کے تباہ ہونے کا سبب ہے ۔ حضرت ابوبکر صدیق و عمر فاروقرَضِیَ اللّٰہ تَعَالٰی عَنْہُماجیسے جلیل القدر صحابہ بھی اس مسئلہ میں بحث کرنے سے منع فرمائے گئے تو پھر ہم لوگ کس گنتی میں ہیں۔ اتنا سمجھ لینا چاہیے کہاللّٰہتعالیٰ نے آدمی کو پتھر اور دیگر جمادات کے مثل بے حس و حرکت نہیں پیدا کیا بلکہ اس کو ایک قسم کا اختیار دیا ہے کہ ایک کام چاہے کرے نہ کرے اور اس کے ساتھ عقل بھی دی ہے کہ بھلے بُرے نفع نقصان کو پہچان سکے اور ہر قسم کے سامان اور اسباب مہیا کردیئے کہ جب آدمی کوئی کام کرنا چاہتاہے تو اسی قسم کے سامان مہیا ہوجاتے ہیں اور اسی وجہ سے اس پر مواخذہ ہے اپنے کو بالکل مجبور یا بالکل مختار سمجھنا دونوں گمراہی ہیں۔ (1) (بہار شریعت)
------------------
∞[1] ’’ بہار شریعت ‘‘، ج۱، ص ۱۸.