اچھا تاجر کا بیان - اَنْوارُ الحَدِیْثْ - حدیث نمبر: 53

انتباہ:(۱)… مردار کی چربی کو بیچنا یا اس سے کسی قسم کا نفع اٹھانا جائز نہیں۔ نہ اسے چراغ میں جلاسکتے ہیں۔ نہ چمڑا پکانے کے کام میں لاسکتے ہیں۔ ([1])(شامی جلد۴، ص ۱۲۰، بہار شریعت، جلد ۱۱، ص ۵۷۸)
(۲)…مردار کے چمڑے کو بھی بیچنا باطل ہے ۔ جو پکایا ہوا نہ ہو اور دباغت کرلی ہو تو بیچنا جائز ہے اور اس کو کام میں لانا بھی جائز ہے ۔ ([2])(درمختار، بہار شریعت)
دباغت کی تین صورتیں ہیں ، کھارے نمک وغیرہ کسی دوا سے پکایا جائے یا فقط دھوپ یا ہوا میں سکھا لیا جائے کہ تمام رطوبت خشک ہو کر بدبو جاتی رہے ۔ ([3])(بہار شریعت)
(۳)…کافر حربی کے ہاتھ مردار کی چربی اور چمڑا بیچنا جائز ہے ۔ ([4])(بہار شریعت بحوالہ رد المحتار)
(۴)…بعض لوگ گائے بکری بٹائی پر دیتے ہیں کہ جتنے بچے پیدا ہوں گے دونوں نصف نصف لیں گے یہ اجارہ فاسد اور ناجائز ہے ۔ بچے اسی کے ہیں جس کی گائے اور بکری ہے دوسرے کو صرف اس کے کام کی واجبی اجرت ملے گی۔ ([5])(بہار شریعت، ج ۱۴، ص ۲۲۱۹)
اور جیسا کہ شامی جلد سوم ص:۳۶۱میں ہے :’’إذَا دَفَعَ الْبَقَرَۃَ بِالْعَلَفِ لِیَکُونَ الْحَادِثُ بَیْنَہُمَا نِصْفَیْنِ فَمَا حَدَثَ فَہُوَ لِصَاحِبِ الْبَقَرَۃِ وَلِلْآخَرِ مِثْلُ عَلَفِہِ وَأَجْرُ مِثْلِہِ تَتَارْخَانِیَّۃٌ‘‘۔ ([6])
اسی طرح فتاویٰ عالمگیری جلد چہارم مصری ص:۴۳۰ میں بھی ہے ۔ ([7])
(۵)…کسی کو مرغی دی کہ جتنے انڈے دے گی دونوں نصف نصف تقسیم کرلیں گے یہ اجارہ بھی فاسد اور ناجائز ہے ۔ انڈے اسی کے ہیں جس کی مرغی ہے ۔ ([8])(فتاوی عالمگیری مصری، جلد ۴، ص ۴۳۰، بہار شریعت، جلد ۱۴، ص ۱۴۳)
(۶)…کسی چیز کی قیمت زیادہ مانگنا پھر اس سے کم مانگنا پھر اس سے کم پر دے دینا جائز ہے ۔ یہ جھوٹ میں داخل نہیں ہے ۔
(۷)…تالابوں، جھیلوں کا مچھلیوں کے شکار کے لیے ٹھیکہ دینا جیسا کہ ہندوستان میں رائج ہے ناجائز ہے ۔ ([9])(بہار شریعت، جلد ۱۱ ص۸۷)
اور جیسا کہ درمختار باب البیع الفاسدمیں ہے ۔ ’’وَلَمْ تَجُزْ إجَارَۃُ بِرْکَۃٍ لِیُصَادُ مِنْہَا السَّمَکُ‘‘۔ ([10])
------------------
∞[1] ’ ’’بہارِ شریعت‘‘، ج۲، ص ۷۰۸، ’’رد المحتار‘‘،کتاب البیوع،باب البیع الفاسد،ج۷،ص۲۶۷.[2] ’’بہارِ شریعت‘‘، ج۲، ص ۷۰۷، ’’الدر المختار‘‘،کتاب البیوع،باب البیع الفاسد،ج۷،ص۲۶۵.[3] ’’بہارِ شریعت‘‘، ج۱، ص۴۰۲، ’’الدر المختار ورد المحتار‘‘،کتاب الطہارۃ،ج۱،ص۳۹۳۔ ۳۹۵.[4] ’’بہارِ شریعت‘‘، ج۲، ص۷۷۵، ’’رد المحتار‘‘،کتاب البیوع،باب الربا،ج۷،ص۴۴۲.[5] ’’بہارِ شریعت‘‘، ج۳، ص۱۵۱، ’’الفتاوی الھندیۃ‘‘،کتاب الشرکۃ،الباب الخامس فی الشرکۃ الفاسدۃ،ج۲،ص۳۳۵.[6] ’’رد المحتار‘‘،کتاب الشرکۃ،مطلب یرجح القیاس،ج۶،ص۴۹۹.[7] ’’الفتاوی الھندیۃ‘‘،کتاب الشرکۃ،الباب الخامس فی الشرکۃ الفاسدۃ،ج۲،ص۳۳۵.[8] ’’بہارِ شریعت‘‘، ج۳، ص۱۵۱، ’’الفتاوی الھندیۃ‘‘،کتاب الشرکۃ،الباب الخامس فی الشرکۃ الفاسدۃ،ج۲،ص۳۳۵.[9] ’’بہارِ شریعت‘‘، ج۲، ص۱۵۱، ’’الدر المختار‘‘،کتاب البیوع،باب البیع الفاسد،ج۷،ص۲۴۸.[10] ’’الدر المختار‘‘،کتاب البیوع،مطلب فی حکم إیجار البرک للاصطیاد،ج۷،ص۲۴۹.