غسل و کفن کا بیان - اَنْوارُ الحَدِیْثْ - حدیث نمبر: 33

شرح حدیث 2:حضرتِ شیخ عبدالحق محدث دہلویرَحْمَۃُ اللّٰہ تَعَالٰی عَلَیْہِاس حدیث کے تحت فرماتے ہیں کہ:
’’مراد بہ تحسین کفن آنست کہ تمام باشد ونظیف و سفید و بے اسراف و تبذیر،ونوو شستہ دراں،برابر ست اماآنچہ مُسرفان کنند بریا وتکبر حرام ومکروہ است اشد حرمت وکراہت‘‘۔ ([1])
یعنی اچھے کفن کا مطلب یہ ہے کہ کفن پورا ہو اور صاف ستھرا ہو و سفید ہو ا ور اس میں اسراف و بے جا خرچ نہ ہو۔ نیا کفن اور پرانا جو دھویا ہوا ہو دونوں کا حکم ایک ہے لیکن اسراف و فضول خرچی کرنے والے جو رِیا اور تکبّر سے کرتے ہیں وہ سخت مکروہ اور اشد حرام ہے ۔ (اشعۃ اللمعات، جلد اول، ص۶۷۲)
------------------
∞[1] ’’اشعۃ اللمعات‘‘،کتاب الجنائز،باب غسل المیت وتکفینہ،ج۱،ص۷۱۷.ضرور ی انتباہ:
(۱∞)…عوام میں جو مشہور ہے کہ شوہر عورت کے جنازہ کو نہ کاندھا دے سکتا ہے نہ قبر میں اُتار سکتا ہے نہ منہ دیکھ سکتا ہے ۔ یہ محض غلط ہے صرف نہلانے اور اس کے بدن کو بلا حائل ہاتھ لگانے کی ممانعت ہے ۔ ([1]) (بہار شریعت، جلد چہارم، ص ۵۱۹)
(۲∞)… میّت کے دونوں ہاتھ کروٹوں میں رکھیں سینہ پر نہ رکھیں کہ یہ کفّار کا طریقہ ہے ۔ درمختار مع ردالمحتار جلد اول ص:۶۰۰ میں ہے : ’’یُوضَعُ یَدَاہُ فِی جَانِبَیْہِ لَا عَلَی صَدْرِہِ لِأَنَّہُ مِنْ عَمَلِ الْکُفَّارِ‘‘۔ ([2])
(۳∞)… بعض جگہ میت کے دونوں ہاتھ ناف کے نیچے اس طرح رکھتے ہیں کہ’’ جیسے نماز کے قیام میں‘‘یہ بھی منع ہے ۔
(۴∞)… میت کا تہبند چوٹی سے قدم تک ہونا چاہیے یعنی لفافہ سے اتنا چھوٹا جو بندش کے لیے زیادہ تھا ۔ فتاویٰ عالمگیری جلد اول مصری ص:۱۵۰ ، ہدایہ جلد اول ص:۱۳۷، اور ردالمحتار جلد اول ص:۶۰۳ میں ہے : ’ ’اَلْإِزَارُ مِنَ الْقَرْنِ إلَی الْقَدَمِ‘ ‘یعنی تہبند کی مقدار چوٹی سے قدم تک ہے ۔ ([3])اسی طرح بہارِ شریعت میں ہے ۔ لہذا بعض لوگ جو ناف سے پنڈلی تک رکھتے ہیں یہ صحیح نہیں۔
(۵)…عورت کی اوڑھنی نصف پشت سے سینہ تک ہونا چاہیے جس کا اندازہ تین ہاتھ یعنی ڈیڑھ گز ہے ۔ اور عرض ایک کان کی لَو سے دوسرے کان کی لَو تک ہونا چاہیے ۔ اور جو لوگ زندگی کی طرح اوڑھنی رکھتے ہیں یہ بے جا اور خلافِ سنّت ہے ۔ ([4])(بہار شریعت)
(۶)… عورت کے لیے سینہ بند پستان سے ناف تک ہو اور بہتر یہ ہے کہ ران تک ہو۔ فتاویٰ عالمگیری میں ہے : ’ ’وَالْأَوْلَی أَنْ تَکُونَ الْخِرْقَۃُ مِنْ الثَّدْیَیْنِ إلَی الْفَخِذِ کَذَا فِی الْجَوْہَرَۃِ النَّیِّرَۃِ‘‘۔ ([5])
(۷)…سینہ بند لفافہ کے اوپر ہونا چاہیے ۔ فتاوی عالمگیری جلد اول ص:۱۵۱میں ہے : ’ ’ثُمَّ الْخِرْقَۃُ بَعْدَ ذَلِکَ تُرْبَطُ فَوْقَ الْأَکْفَانِ فَوْقَ الثَّدْیَیْنِ کَذَا فِی الْمُحِیطِ‘‘۔ ([6])
اور فتح القدیرمیں ہے : ’ ’فِی شَرْحِ الْکَنْزِ فَوْقَ الْأَکْفَانِِ‘‘ یعنی شرح کنزالدقائق میں سینہ بند کی جگہ سب کپڑوں کے اوپر مذکور ہے ۔ ([7])
لہذا سینہ بند کو سب کپڑوں سے پہلے لپیٹنے کا جو عام رواج ہے وہ غلط ہے ۔
------------------
∞[1] ’’بہارِ شریعت‘‘، ج۱، ص ۸۱۳.[2] ’’الدر المختار ورد المحتار‘‘،کتاب الصلاۃ،باب صلاۃ الجنائز،مطلب فی القراء ۃ إلخ،ج۳،ص۱۰۵.[3] ’’الفتاوی الھندیۃ‘‘،کتاب الصلاۃ،الفصل الثالث،ج۱،ص۱۶۰، ’’الہدایۃ‘‘،باب الجنائز،فصل=فی التکفین،ج۱،ص۸۹، ’’رد المحتار‘‘،باب صلاۃ الجنازۃ،مطلب فی الکفن،ج۳،ص۱۱۲.[4] ’’بہارِ شریعت‘‘، ج۱، ص ۸۲۱ ، ’’الفتاوی الھندیۃ‘‘،کتاب الصلاۃ،الباب الحادی والعشرون فی الجنائز،الفصل الثالث،ج۱،ص۱۶۱.[5] ’’الفتاوی الھندیۃ‘‘،کتاب الصلاۃ،الفصل الثالث فی التکفین،ج۱،ص۱۶۰.[6] ’’الفتاوی الھندیۃ‘‘،کتاب الصلاۃ،الفصل الثالث فی التکفین،ج۱،ص۱۶۱.[7] ’’فتح القدیر‘‘،باب الجنائز،فصل فی تکفینہ،ج۲،ص۱۱۸.