Ya Khuda Pak Watan Ki Tu Hifazat Farma

یاخدا! پاک وطن کی تو حفاظت فرما

یاخدا! پاک وطن کی تُو حفاظت فرما                                                                                                                        فضل کر اس پہ سدا سایۂ رحمت فرما

مرحبا پاک وطن پاک وطن پاکستان                                                                                                                    دے ترقّی تُو عنایت اسے برکت فرما

لطف سے تیرے ملی پاک وطن کی سوغات                                                                     فضل سے اب مجھے جنّت بھی عنایت فرما

اس کو تو قَلْعۂ اسلام بنا دے یارب!                                                                                                         میرے پیارے وطنِ پاک پہ رحمت فرما

شکر صد شکر غلامی سے ملی آزادی                                                                                                                        پھر عنایت ہمیں کھوئی ہوئی شوکت فرما

آج ہے اَمْن، وطن کا مِرے پارہ پارہ                                                                                         پھر مُہَیّا مِرے مولیٰ اِسے راحت فرما

ہائے! بدمست گناہوں میں ہوئے اہلِ وطن                                                               یا خدا سب کو عطا نیک ہدایت فرما

چور ڈاکو سےمرےپاک وطن کو کر پاک                                                                                            ملک سے دور تُو رشوت کی نحوست فرما

بچہ بچہ ہو نمازی مِرے پاکستاں کا                                                                                                                       اور عطا جذبہ ٔ پابندیِ سنّت فرما

شکر صد شکر مسلمان ہوں پاکستانی                                                                                                                       بے سبب فضل سے جنّت بھی عنایت فرما

واسطہ شاہِ مدینہ کا اے پیارے اللہ                                                                                                       دور عطّار سے دنیا کی محبت فرما

از شیخِ طریقت امیرِ اہلِ سنت دَامَتْ بَرَکاتُہُمُ الْعَالِیَہ

فرمانِ امیر اہل سنت

14اگست کا دن ”یومِ تشکر“ یعنی اللہ پاک کا شکر ادا کرنے کا دن ہے کہ اُس نے ہمیں آزادی کی نعمت عطا فرمائی۔

(18ذوالحجۃ الحرام 1441ھ، 8اگست2020ء)